السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ؟
الانترنت ماعرفة وش معناته كثير
بس هو زين واقدر اشوف بنتي فيه
>> تقصد تشوف اختي المسافرة على الكام
والله عيالي مايقصرون معاي والحمدلله
ويضيق خلقي اذا ماشفتهم حولي >> فديتها
السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
تخرجها من الجامعه ويرزقها في ابن الحلال اللي يسعدها
السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
هنا كأني تهزئت اشوي :)
مره تكون مرتبه ومرة تكون فوضوية
تكون فوضوية اذا كانت الشغالة موجودة ومسكينة هالشغالة
بس دامها اخر العنقود خليها تتدلع
ماعندي الا هي بالبيت مونستني
>> احم احم :)
السؤال الرابع :
هل تدليع الفتاة أو الشاب يدمر؟ وكيف تجمعين بين حبك وحنانك لهما وبين تدليعها ؟؟
والله عيالي كلهم ادلعهم واحبهم ولااقصر معاهم لو يطلبون عيوني >> الله يخليها لي :)
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
اللي يفسد اخلاق الشباب والبنات
لان هم ملح الحياة وسندنا
السؤال السادس :
نصيحة تنصحيننا بها أثابك الله ؟
الله يستر عليكم ويوفقكم ويخلي حياتكم كلها سعادهـ ويبعد عنكم
كل هم ومكروة
السؤال السابع :
السؤال الخاص بالعضو
كيف كانت حياة اول
وكيف الان
اول كان كل البساطة فيها
حتى الجيران كانت متواصلة مع بعض
ومافيه مشاكل او مصايب
مومثل الحين يكفينا شر المصايب
حتى الاكل والسكن كانت حياة بسيطة
الله يرحم والدينا ويسكنة الجنة
حتى الزواج كانت تكاليفهم جدا بسيطة
ومافيه غلاء بالمهور
حتى الرجال كان رجال بذاك الوقت
وبكذا خلصت اجاباتها ام محمد
ماقصرتي يالغالية
الله يحفظك ويمد لك طول العمر والصحة
اختار بعدي مذهلة
العرض العادي
