مدخل ..}
وحدهم كانوا عيوني...
جابوا كل الغيم ل احداقي وكني..
ما أشوف..
برق في عيني وعيني..
كنها هالحين.. تمطر..
يالله قولوا كنت طيب..
لجل أحس أني حزين..
يالله قولوا كنت عاشق..
لجل أحس أني كبرت..
يالله زيدوا...
من محاسن..كل ميت..
[أكثر الأشياء حزنا].
ذكر ميت كان طيب..
وآنا طيب بس حي..
ودي أمطر...
ودي أمطر...
ودي أمطر...
يالله عن أذن الأراضي...
ودي أمطر..
يالله خلوني وروحوا..
آنا أكثر شخص..يعرف هالسراب..
وآنا أكثر شخص يجهل من أنا..
يالله خلوني اب مطر...
{..مخرج
ياعزيزي .. قوم نم
كافي فوق الهم
هم
كافي نقطف من حنين !
كافي .. نسرف
بالأنين !
وكل مافينا سأم
كافي تحرث في خيالي !
وكافي نبحث ..
ف الليالي ..
عن دوى .. يشفي ألم
خذ تعال ! .. الشوق يندهلك !
تعال !
ولاسألك :
الصبح وافي ؟
قول : لا !
ولاسألك :
الليل جافي ؟
قل : نعم !
وعلم الدنيا مراسيم .. التعب !
وعلم العالم شنو..
أصعب صعب !؟
إنتكاس الحب كله .. للعدم !
لملم أشواقك وهات ..
وإلا تدري !
للجهات ...
أنتثر كلك ... شتات ..
ولملم .. إجراحك ..
ونم ..!
العرض العادي
