عــانس .. عــانس .. طيب والمطلقه ..؟؟!!

[القمه]

كلامك كله صح
والبنت اللي لسه ما تزوجت عايشه في عز اهلها
ومشكلة المطلقه او الارمله اصعب لان حياتها تغيرت من حال الى حال

اعتقد مع الوقت واللي ملاحظته ان البنات بدوا يتاخرون في الزواج والنظره بدت تقل صار فيه وعي من البعض
اكيد فيه ناس للحين تعيب البنت اللي تاخرت خاصه اللي من الاقارب
وكان هالشي بيدها واعتقد المفروض البنت ما تعب نفسها بهالامور لان نفسيتها راح تتعب اذا جارتهم
تحط في راسها نصيب وان شا الله خيره لها

و احنا في زمن الشاب يالله يتوظف والراتب ضعيف يعني يكون فيه اعتماد شوي على الاب
فيه رجال تخاف على صورتهم قدام زوجاتهم يعني سمعت باذني هالكلام يقول ابي اتزوج وانا قوي مو ضعيف
يعني مستقر وجاهز ما ابي اتزوج واعذب بنت الناس او اخليها تحس اني ضعيف ماديا او مهزوز

العنوسه مشكله لكنها تكبر وتصغر من الشخص نفسه
فيه بنات عجلوا بالزواج ما يبون هاللقب وفي الاخير طاحوا في رجال حرام هالكلمه عليهم =|


مشكور على المواضيع المميزه
الله يعطيك العافيه

[Ŗờờ7 έήŠấń❥]

اشكرك اولا لطرحك لها الموضوع والموضوع كبير وتختلف الاراء فيه ..
بس بالاول احب اقولك ان عنوان موضوعك قوي حيل واتوقع والله اعلم ان فيه ناس تنظر للمطلقه الي ماجاها نصيبها بانهن عالات على المجتمع ولاحول ولا قوة الا بالله .

بالبدايه اختي المطلقه والي مابعد جاها نصيبها وللاسف فيه ناس يطلقون عليها بالعاااانس وهذا تسميه مالها داعي من الاساس ولا فيها مراعاة لشعور احد والله يعين يجب على المطلقات والارامل والي ماجاها نصيبها بان يتفائلون بالخير دايم ويثقون بالله ثم بانفسهم لان الثقه هي اساس الحياه بكل شي ولايهتمو بها النظرات الجارحه ..

والي اشوفه الان والحمدالله ان النظره تغيرت كثير عن المطلقه وبدؤ يفهمون ان المطلقات بشر زيهم زي الاخرين وقد يكون السبب في طلاقها اما ان يكون طليقها عديم المسؤليه او مدمن او مو كفو ان احد يزوجه يعني شبه رجل وكثير مطلقات ابرك واخير وافضل من غيرهم بكثيررررر وابشرك اخي بان الوعي انتشر من ها الناحيه كثير ..


بكل الاحوال اخي الثقه بالله ثم بانفسهن والتفائل دايما بالخير وكثرت الاستغفار والصبر هي علاجهن لكل مشاكلهن والله يوفقهم والمسلمين اجمعين ..

اسف اخي للاطاله ..

تقبل مروري وتحياتي لك وللكل

[ابوعبدالإلـه]

اشكركم جميعا على مروركم
وعلى اضافاتكم المفيدة

تحياتي للجميع