: :
: :
: :
انا ماشفت نفسي يوم لاني منخلق من طين
ولو اسمي وصل عالي بظل اللي عرفتيني
ولكن للاسف هانت ليالينـا بغمضة عين
وعلى الفرقا من اسبابك نعم انتي جبرتيني
توصيتي بطعناتي وبعد ما تنـزف السكين
وقبل لا الفظ انفاسي على نفسي توصيني!!
دخيلك قلبي الوافـي لاتخلينه ولا تطريـن
وراس الي تحبينه تصدي عن مدى عينــي
وصلتي حق نهاياتي وش اللي بس بقا تنهيـن
على ما اظن ماباقي ولا حاجه تحس فينـي
مدام انك تحبيني وبنفـس الوقـت ماتوفين
ومدام انك وفيتي له وبنفس الوقـت خنتيني
وشاللي بس تحسينه اذا انتي كنتـي تحسيـن
تحبيني وتحبينه ..تحبينـه وتحبيـنـــــي
حضنتي قلبي ونمتي وعلى صوتي انا تصحيــن
وإلى منـك تمللتي تحضنينـه وتنسيـنـــي
محــال تصير في الدنيا بشر في داخله قلبيـن
تبينه بقلب وفي قلبـك بعد قلــبٍ ينادينـي
انا ماابيـك لو انك على الفرقـا دهر تبكيـن..
صعـب ارضى بنزواتـك ولو حتـى بغيتينـي
ثلاث سنين أو أربع وكاد انهـا كثيـر سنيـن
بعد هذا العمر كله علـى ايامـي صدمتينـي
بعد لاتنطقي بكلمه.رجيتـك اسكتـي تكفين
اخاف انك ان تكلمتي خطأ باسمـه تسمينــي
كثير الي يتمنونك واكيـد انـك تبيـن تلقيـن
وانسـي يـوم مـا انتـي تمنيتـي ولقيتينـي
انـا وش جابني لدربك انا وين وغرامك ويـن
انا اكبر من عيوبك وعيـب انـك عرفتيينـي
وانسـي انك ذبحتيني وامانه ادفنـي السكيـن
وعلى قبري بدال اسمي ابي كلمة "خسرتينـي"
: :
: :
: :
ممــا راااق لي
مدام انك تحبيني وبنفـس الوقـت ماتوفين ! !
العرض العادي
