من عرفت العلم وأنتي يااليالي سرمديه
والوصول أول طموحات الفتى في أول شبابه
والمهابة ماتهادت غير لكفوف رديه
ليت في قلب أليالي للفتى قدر ومهابة
دنية تجمع صفتين الخجل والعنجريه
كأنها بنت يزود في حسنها ثقل وذرابه
يوم جتني تمتحني في زمان الجاهليه
جيتها رجل تحلى بتقاليد ألصحابه
باالعطى تبخل علي وبالعذاب تموت فيه
عشتها قلب رحوم يكره الظيم ويهابه
بس بدري وش نهاية وصلها واخرهديه
هو صحيح إن القصايدللجريح أول عذابه
من عرفتك يااليالي وأنتي أكثر من هويه
من تلحف في ترابك مقتنع بالي جرابه
من قدر يفرض طموحه في زمان المعمعيه
من من الناس يتجرا يتركك وأنتي ترابه
السؤال يعيد نفسه والاجابه مبدأيه
ليت والله ماتكوني مبدأيه يا إجابه
الرحوم يخون ناسه والخوي ينسى خويه
والقلوب اللي تخالف ودها صارت تشابه
والخلايق ماتسوي طيبها جود وحميه
كلنا نضحك في وجه المبتسم للغدر نابه
لويصير الموت راعي كل أبونا له رعيه
لازعل نزعل و نرضى لارضى حضرة جنابه
والله إني مانويت افتح ملفات القضيه
لكن إني شفت شي يفقد العاقل صوابه
ياالحياة أنتي غديتي بالغرابيل اجوديه
كأنك اللي ما يميز بالخطى غير ارتكابه
ماعطيتي غير جرح ونعنوبوها من عطيه
والله انك ماعطيتي خير للقلب وصوابه
خاينه منتي عزيزة خافقي ياالاجنبيه
جنبي عني وبجنب عن مذاهيب الغرابه
وبأخذ درب يردك للقى روحه وجيه
يايموت الدرب وإلا بدفن القلب في ضبابه
وان ذبحتيني تمني رجعتي وابكي عليه
لين تملين المحاجربالبكى حزن وكآبه
وادفنيني بين ظلك والخيوط العسجديه
لو لقيتي بعد موتي واحد بنفس الصلابه
شاعر قد القصيدة لأغلب أيامك ضحيه
بين ناس ما يطيقون القرايه والكتابه
يازماني لو بقى للشعر في صدري بقيه
باكتبه والرسم خيالي للورق واروي سرابه
وكان ردت للعناد وعودت للمقدريه
والله إني ماتنازل لو أعديه بالسحابة
الحياة اللي تسمي لعبة الشاطر خطيه
ماتساوت في عيوني مع جناحين الذبابة
اذكر إني كنت عايش بالليالي الاوليه
واذكر إني كنت عايش بأحضان غابه
ماعرفت غير عبارة مثلها مثل الوصية
عيش عمرك ذيب تسلم من مخالب الذيابه
الرحوم يخون ناسه والخوي ينسى خويه
العرض العادي
