زمــن المقـــادير **معارضة لقصيدة ملكة الخواطر ((مقادير الزمن))

[مستورالحارثي]

خذ ضحكتي لك وان طلبت العمر جاك=خذ خافقي خله معك دايم اسير
ضحكة زماني لك تقول آنا فداك=وضحكتك فاح الكون منها بالعبير
خذني بحضنك خلني ألمس دفاك=ابيك تبقى لي جليدي والهجير
مادام هذا القلب عايش في حماك=انت الملك وانته وزيره والأمير
البدر يخجل لو يشوفك من بهاك=ويغار من فايق نعومتك الحرير
حبي بدايتك وغرامي منتهاك=وانت اولي وانت البداية والأخير
مابي مقادير الزمن تفسد هواك=محبتك حلمي وانا توي صغير
عسى الزمن يضحك ويتحقق مناك=ياسلوة العشاق ياالبدر المنير

مستور محمد الحارثي

[ملكة الخواطر]

صح السانك استاذي وشاعرنا الكريم

رائعه من روائعك الكريمه

لي عوده ان شاء الله

على رائعتك الكريمه

تحيتي

[مبدع الحرف]

صحّ لسانك أخوي مستور
وماهي بغريبة عليك
هالتميز والإبداع
تقبل مني فآئق
الود والاحترام

[العـ راعي ـليا]

اقتباس المشاركة الأصلية كتبت بواسطة مستورالحارثي خذ ضحكتي لك وان طلبت العمر جاك=خذ خافقي خله معك دايم اسير ضحكة زماني لك تقول آنا فداك=وضحكتك فاح الكون منها بالعبير خذني بحضنك خلني ألمس دفاك=ابيك تبقى لي جليدي والهجير مادام هذا القلب عايش في حماك=انت الملك وانته وزيره والأمير البدر يخجل لو يشوفك من بهاك=ويغار من فايق نعومتك الحرير حبي بدايتك وغرامي منتهاك=وانت اولي وانت البداية والأخير مابي مقادير الزمن تفسد هواك=محبتك حلمي وانا توي صغير عسى الزمن يضحك ويتحقق مناك=ياسلوة العشاق ياالبدر المنير مستور محمد الحارثي

\

|

\

مستور الحارثي ..

صح الساانك ملاييين .. ولا هنت ..

وااافيه من راااس وااافي .. لا عدمتك ..

تقبل تحيّتي وتواضع مروري .

دمت بحفظ الله ‘‘

[حمد الهذلي]

السلام عليكم ورحمة الله وبركاته


اخوي مستور الحارثي لاهنت على هالابداع صح السااانك
تقبل مروري المتواضع


اخووووكم شا ا ا عر ربعه

[ملكة الخواطر]

باقه متواضعه تقبلها بطيب قلبك

لك الكثير من الروعه أيها الرائع

تقبلها ببهاء روحك

	إشراقة الشمس أبهرت كامل غـــلاك ----------وحطت لنا بعيونك العذبه غديــــــــــــر ماحد ٍ وصل يا ريحة الطيب لــمـــــداك ----------واللي مشى من دونك عيونه ضريـر لو قلت لك إنك ملك .. وأعشق خطاك ----------خذني على جناح الزمن لجلك أطـيـر القلب حبك والهوى قصده بـــقـــــــاك ----------ولا غيرك اللي بالوفا عنده ضـــمـــيـر أسقيتني يا لذته فرحك ومــــــــــــاك ----------لين المشاعر من سنا غيري تــغــيــر خلك هنا ما متعب القلب بغــــــــــلاك ----------دمع الجفا في عيني الورقا غديـــــر

[مستورالحارثي]

اقتباس المشاركة الأصلية كتبت بواسطة ملكة الخواطر باقه متواضعه تقبلها بطيب قلبك لك الكثير من الروعه أيها الرائع تقبلها ببهاء روحك إشراقة الشمس أبهرت كامل غـــلاك ----------وحطت لنا بعيونك العذبه غديــــــــــــر ماحد ٍ وصل يا ريحة الطيب لــمـــــداك ----------واللي مشى من دونك عيونه ضريـر لو قلت لك إنك ملك .. وأعشق خطاك ----------خذني على جناح الزمن لجلك أطـيـر القلب حبك والهوى قصده بـــقـــــــاك ----------ولا غيرك اللي بالوفا عنده ضـــمـــيـر أسقيتني يا لذته فرحك ومــــــــــــاك ----------لين المشاعر من سنا غيري تــغــيــر خلك هنا ما متعب القلب بغــــــــــلاك ----------دمع الجفا في عيني الورقا غديـــــر

ملكة الخواطر

نعم الرد ونعم التعبير كلمات عطرة فاح شذاها فاستثار قريحتي بل استفز مشاعري فلم أر بدا من الرد بمايليق بكلماتك شعرا لا نثرا أرجو أن تنال استحسانك وأرجو أن لا يتوقف نبض القصيد هنا فقد أعجبني نظمك كثيرا اقبلي مني هذه المتواضعة

حي الجواب اللي يعبر عن وفاك=ملكتني واصبحت بيديك المصير
تعال قلبي يحتري لحظة لقاك=تعال لملمني وعجل بالمسير
تعال يازين الحلايا ياملاك=ضمد جروحي وامسح الدمع الغزير
قلب المعنى يارجايه في رجاك=مايرتجي غيرك سوى رب(ن) قدير
يجمع شتاتي بك ويكسبني رضاك=وتصير لي في ليلي الموحش سمير
دام ابجدياتك تعبر عن غلاك=قلبي يرحب بك على عرشه وزير