قصيدة الموت
للشاعر سالم سيار
يبـه شلونك .؟
ابي اتبلل بصوتك ..
انا وخالد نبي نتبلل بصوتك ..
ياغيمه ظللت عمري
ويمشي ظلالها وياي
يبـه لا تغيب عن عيني
وش تسوى حياتي .؟
لو تغيب عني وش تسوى .؟
مو صح الكون يتفجر
ولون الحنه بكفي يصير اصفر ..
يبه يبه لاتجفف شفاهي
من احلى كلمه بالدنيا
يبه ماقلت لك وش صار .؟
يبه بنت صفي منيره
ابوها مات في حادث
تكلمني ترى دايم
دايم عنه تتكلم
تقول افز من نومي
احسه بجنبي وهو نايم
احسبه بجنبي وهو نايم
تقول دايم انا ارمي عيوني على الابواب
اقول يمكن يلملمها
باي لعبه من الالعاب
او ورده واروح اركض
واخبيها في وسط كتاب
يبه عذروبك الشارع
تسوق بسرعه مجنونه
يبه خلنا على بالك
يبه طير الفرح لاتكسر اغصونه
تجينا تجـينا يعني تجينا
على موعد حبايبنا
ابيك اتشوف احساسي
وورده بيضه مغروسه وسط راسي
وكم نجمه من الابله تشب بليل كراسي
وش تسوى حياتي .؟
لو تغيب عني وش تسوى .؟
مو صح الكون يتفجر
ولون الحنه بكفي يصير اصفر ..
الو عفواً من وياي .؟
انا خالد من وياي .؟
تعالوا استلموا الجثه
ابوكم مات في حادث ..
العرض الشجري
