من المواضيع اللي اعجبتني في المنتديات الصديقة لنا :D <--- دبلوماسي ... عينوني وزير الخارجية حق المنتدى كخخخخخخ !!!
المهم ان الموضوع هذا ما راح يحس فيه الا الموظفين مثلي ولا يحس بكل كلمة قيلت فيه الا المضطهد والمتجتهد اللي ما يفوخت ولا يفرك من العمل ولا ينام في غرفة الاجتماعات :D
والموضوع يقول : وطبعاً انا محرف فيه الشئ الكثير .... ويسامحني صاحبه ....
الفرق بين الرئيس والموظف السعينون ( المرؤس ) اللي تحت يده ... هو كالتالي : ( سوف يطلق على الموظف السعينون اسم الضعيف أسرع )
1- ان الضعيف ( وهو المرؤس ) لما ياخذ وقت طويل عشان يسوي الشغل ... فأكيد بيسوي كذا لانه اصلا سلحفاة ولا يفهم شئ في العمل ( سلحفاة يعني ) ... اما رئيسه لما ياخذ وقت طويل عشان يسوي الشغل حقه فهذا يعني انه دقيق وحريص على العمل !!!!!
2-الضعيف اذا ما سوا شغله صار كسول ... اما رئيسه اذا ما سوا شغله فتراه مشغول جداً الله يكون بعونه !!!!
3-الضعيف اذا غلط في الشغل صار ثور ولا يعرف يشتغل حتى لو كان غلطه بسيط ... اما رئيسة اذا غلط فهو بشر .. وكل البشر يغلطون !!!
4-اذا اخذ الضعيف اجازة مرضية يوم واحد ... فرايح يصير في نظر الرئيس واخوياه في العمل على انه انسان يتميرض ( اي يدعي المرض ) ... اما الرئيس اذا اخذ اجازة مرضية حتى لو كانت ثلاث شهور ... فأكيد ان المسيكين بعد قلبي مريض مرة !!!!
5- الضعيف لما يسوي شئ يخدم العمل ويحكم راية ولا يتنازل عن رايه ابداً لمصلحة العمل ... فتراه ثور ولا له الا اللي برايه ( نقول تيس يقول احلبوه ) ... اما الرئيس طول الله عمره لما يتغاضى عن اشياء فيها ضرر للعمل ومصلحة البلد ... فهذا لانه حازم ورايه هو السديد سبحان الله !!!!
6-الضعيف لما يعورون قلبه هالمراجعين وزحمة الشغل ويرفع صوته مرة وحدة بالسنة ولا لو يغلط ويطول لسانه على زميله بالعمل مرة كل سنتين !!! فتراه وقح وقليل ادب ولا ينفع لشئ !! اما لو يسويها الرئيس مليون مرة في اليوم .. فالله لا يلومه من كثره الشغل !!!
7-لو يجيب الضعيف هدية للرئيس ... فتراه منافق يبغى ترقية ويتليوق عند الرئيس ... اما لو يجيب الرئيس لرئيسه هدية فهذا يدل على انه متعاون ما شاء الله عليه !!!
8-لو يسوي شئ الضعيف بدون ما يطلب منه في العمل كاجتهاد منه ... فتراه تعدى صلاحيات عمله ... اما الرئيس لو يسوي شئ مو من صلاحياته فهاذي تعتبر مبادرة منه !!!
9-اذا طلع الضعيف نصف ساعة برا العمل فأكيد انه رايح يفطر او يجيب عياله من المدرسة او يودي الشغالة للمستشفى ... اما الرئيس لو يطلع كل اليوم فأكيد انه في مهمة رسمية !!!!!
10-لو يطلب الضعيف اجازة رسمية يوم واحد ... فرايح يظن كل الموظفين ان عنده مقابلة شخصية في مكان ثاني قد قدم عليه اول يدور وظيفه ثانية .. اما الرئيس لو اخذ اجازة فأكيد من ارهاق العمل ... بعد قلبي عليه !!!!
والله انه صادق اللي كاتبها 
<--- قاهرة مديره
العرض العادي
