ما افهم بالرياضه

[غيوووره]

بسم الله الرحمن الرحيم
بجد ما افهم برياضه كثير بس عندي سالفه ابقولها لكم وهي في يوم من الايام اقلب هل قنوات يمين يسار وقفت عند قناه الرياضيه طبعا السعوديه لقيت لقاء مع الامير الوليد بن بدر بن سعود على فكره البيت كله هلالي المهم لقيت المذيع اسلوبه مرررررررررررره شين معاه لما سالت قالولي المذيع بتال القوس المهم ولا اطول عليكم اسلوبه معاه غير راااااااااقي و بنظري ماعنده اسلوب الحواااااااار الاعلامي يستخدم اساليب لشهره لا غير وللاسف هو بعد رئيس تحرير جريده شمس واسفه اذا ازعجتكم بس ابديت راي لاغير واتمنى محد يزعل علي

[البركان]

هلا وغلا

غيووره

تحياتي لك و على تشريفك
منتدى الرياضه والشباب

بخصوص المذيع بتال القوس
فهو في برنامجه يعتمد على اسلوب الاثارة والاثارة فقط
وقد استضاف شخصيات كبيرة جدا في هذا البرنامج
وتم استفزازهم بطريقة سيئة جدا من وجهة نظري الخاصة
برغم من نجاحه في استضافتهم ولكن طريقة الحوار يجب ان يغيرها!!!

واتذكر في احد مقابلاته مع الامير / منصور بن سعود عضو الشرف النصراوي
الكبير كانت اسئلته جدا استفزازية لرجل بحجم ومكانه الامير / منصور
ولكن حنكه الامير وصبره جعل الامور تسير الى بر الامان الى الدقائق الاخيره
من تلك الحلقة عندما تدخل عضو شرف نادي الهلال الامير / خالد بن طلال وانتقد
القوس وانتقد اسلوبه مع الامير / منصور،،،

وبخصوص جريده شمس وانه رئيس تحريرها فقد سمعنا
خبر مفاده انه تم ايقاف هذه الجريده من النشر بسبب نشرها
للصور المسئية للحبيبنا محمد عليه الصلاة والسلام، بقصد انتقادهم لمن رسمها،،

[๑۩ الرومنسي ۩๑]

ماشاء الله تبارك الله وفيت يابركااان

ومااقدر ازووود

مشكوره اختي على الموضوع

[ركود ركود الزعيم موجود]

مشكورة اختي على الموضوع

البركاااااااااااان قال الكلام المفيد ايقاااف الجريدة وبرنااامج بتال الاستفزاز

مثل حلقة الامير منصور بن سعود والامير خالد بن سعد

وحلقة لاعب الهلال نواف التمياط وغيرهم .

بتال القوس يظن نفسه بقناة الجزيرة
لاحول الله اللي يسوي نفسه فاهم

[فيـ«al-wed»ـصل]

جريـدة شمـس تـم توقيفهـا ورئيس تحريرهـا بتـال القـوس

8
8
هذا الكلام يكفـي عن بتال القـوس.!!!

[البركان]

هلا وغلا

ماجد التركي
لي تعليق على ردك
وهو ان بتال القوس جاءه عرض من قناة الجزيرة
الرياضية
ربما اعجبهم اسلوبه!!!!!!!!!!!

[قـمـ الــود ـري]

والله سبقتني بها يا بركان



لسه ابغى اتقول تردوا انه بتال جاله عرض من الجزيره ؟؟



معروف الجزيره اش تحب في برامجها


الاثاره الاثاره الاثاره


مشكوره يا غيوره


ومشكور يا بركان


وبصراحه



<< ما يعجبه الا المطيويع << اش رايكم