مثير في المطار

[~¤§¦ريشة إحساس¦§¤~]

يوم كنت في المدرسة وداني مدرس التدبير المنزلي رحلة للمطار


وقعد نشوف الطيارات الحديثة وشفنا طيارات الأولين

اللي هي هيلكوبتر

ويوم دخلونا الطيارة انا ملقووووف مثل العادة دخلت مكان القيادة

لأني امووووت في شيء اسمه سواقة وعاد ذيك الأيام توني

ماعندي سيارة كلما اقول للوالد عطني دورة بالسيكل حقك يرفض

يقول توك صغير اذا كبرت شريت لك مشاية تتعلم عليها بس هاه

مو تركب وتتدوج وتتمشى بها لحالك يالسمرمدي خذ اخوانك معك ومش معهم وودهم للمطاعم على حسابك

المهم يوم دخلت قمرة القايدة <<<< يمديكم على هالكلمة خذت معي ساعتين عشان اكتبها

وقوم قعدت على كرسي الكابتن وآخذ الجهاز واقول حول حول

الطلاب يوم سمعوني يحسبوني المرور نزلوا من الطيارة وخلوني لحالي

وادق سلف واشغل الطيارة <<< نصاااااب من كثر الأجهزة اللي فيها

مدري وين اللي يشغل الطيارة من اللي يطفيها

ويوم شغلت الطيارة ارجع رويس <<< يعين ورى للبنات عشانهم مايسووقن <<< واق واق مساكين مايسوووووقون

واحط القير بالأول وافحط واغبر على الطيارات الثانية واشوف الناس

ياخذون رقم لوحة الطيارة حقتي <<<< مصدق نفسه انها طيارته


وامشي بالطيارة والقير في الأول واسمع المكينة تحن تحن

قلت ياربي شكلهم ماغيروا الزيت ولاالسيفون طيب وين القى ورشة فاتحة الحين مالي الا اروح الوكالة

وامشي مخطط اني باروح لشركة بيونج اللي في امريكا عشان اغير الزيت

واشوف امبير الحرارة مرتفع <<< الظاهر انه يشرب الله يكافينا الشر
واوقف على جنب على اليمين عشان الطيارات الثانية ماتصدمني

ولايعطيني المرور مخالفة واشوف مويتها يمكن ناقصة

واوقف وانزل وافتح كبوت الطيارة وتطلع ناقصة واروح محلات

قطع الغيار واشتري مويه خضراء كرتون واصبه فيها بس ماكفاها

قلت والله ماني براجع مرة ثانية لسلطانة عشان مويه خضراء

واوقف عند بقالة مشتاق مخلص الرحمن خان واقول عطني كرتون

مويه صحة ام ريالين وآخذها واصبه كلها في هالطيارة

واركب وتهجد الحرارة عليها وصارت طبيعية ( 37 ) درجة مئوية

وامشي قلت وين اقرب طريق الملك فهد والدائري قلت لا باروح مع الدائري اسرع لي طريق الملك فهد زحمة مووووووت

اخاف يصدمون طيارتي وانا ما سويت عليها تامين <<< مصدق الخبل


وأروح مع الدائري امشي بالطيارة وينفقع علي كفر واهدي السرعة

واوقف قلت ياربي وش ذا الحظ الحين وين العفريتة وين الاستبنه

حقتها قلت مالي الا اني ارفعها على ركبتي وافك الصواميل بيدي

<<<< اخس يالقوي مانت بعاقل ياسنوكا زمانك

وأكمل طريقي وذبحني الحر وافتح فتحة السقف

ويدخل معها عصافير وحمام واسكرها مرة ثانية قلت لايوسخون طيارتي

لما الحين مصدق انها طيارته

وأكمل ويوقفني المرور وقال الرخصة والاستمارة

وأعطيه الرخصة والاستمارة وقال رقم اللوحة اللي في الاستمارة

يختلف عن لوحة الطيارة وبعدين

اللوحة الأمامية تختلف عن الخلفية

قلت الحين وجهك مثل قفاك وقال صح والله انك صادق

يالله حرك ولا تسرع قلت والله مااسرعت انت ووجهك مامشيت الا

بالأول يعني يمكن 890 بس كليو متر في الساعة

قال والله شكلك نصااااب

قلت لو سمحت لا ماني نصاااااااب

اا كان عندي قبل مااشتري طيارتي هذي كان عندي دددسن لكزس

موديل 79 مضاف معنا في دفتر العائلة

وشافه الأمير عبدالله وطلبه للجنادرية بس انا رفضت لنه عزيز وغالي عندي

وطلبه مني شارون عشان يركب فيه ام العيال ويتمشى بها في إسرائيل وانا رفضت قلت اعطيه الفلسطيين يسوون عليها

عمليات استشهادية ولا أعطيك اياه يالسمرمدي

<<< ترى فهم شارون معنى السمرمدي

وضحك السبهة ضابط المرور وقال اذلف انت شكلك نكتة

قلت له مشكوووووور وماقصرت واعطيه كف وقلت مررررة ثانية

لا تجيب طاري اهلي على لسانك يا العسل <<<< على بالي سبيته

واكمل طريقي ويشتغل الجهاز ويطلع صوت مثل صوت الغراب

وقال سلم نفسك انت محاصر من جميع الجهات

الجماعة يحسبوني ارهابي وسارق الطيارة عشان اصدم بها

الفيصلية وبرج المملكة ولا برج العرب

قلت لهم لا يا جماعة الخير انا خلالاص انا هونت ماني برايح لامريكا

انا بروح الحين لبيتنا توني طالع من المدرسة وداييييخ وبروح البق

طيارتي عند بيتنا <<<< مو مقتنع انها مو طيارته بزر اللهم لك الحمد

وقالوا خلالالالاص روح لبيتكم ولا عاد تطلع في مثل هذا الوقت المتأخر

للننا مسويين حظر تجول

قلت لهم وش دعوى عاد وين قاعدين في إسرائيل

قالوا شب ولا كلمة وروح لبيتكم يالبزر وانت ساكت

ورحت لبيتنا ولبقت طيارتي و تدخل امي وتقول
قم صل يالنصاااااااااب

اثر كل الدعوى اللي صارت لي حلم في حلم


بس طيارتي موجودة عند البيت اللي يبي يسوقها الله يحييه

واذا خابرين شراي تراني ماني بيااااااع

الى الحين مصدق ان عنده طيارة

[تنـــــــــاهيد]

يابعدي والله مثير وربي انت اسم ع مسمى








هههههههههههههههههههههههههههههههههه

[الشاعري]

شكرا

[*وليد*]

حلوووه

الصراحه منت بتسذووب ابد الله يصلحك *8

تذكرني بواحد من العيال منذ مبطي كان يجمعنا بالبرحه اللي عند بيتنا ويقعد يخرط علينا

<<<<< يقالوه موب انت *q

بس كانت ايام حلووه

<<< دموعه حايره بعيونه في هذه الاثناء *3

<<< لايكثر اقول *l

[فقيرة حظ]

ههههههههههههههههههههه انه في البدايه صدقت...والله مثيره قصتك يا مثير....




فقرية حظ

[nada]

(المهم يوم دخلت قمرة القايدة <<<< يمديكم على هالكلمة خذت معي ساعتين عشان اكتبها )

لااااحول ,, ومع هذا غلط << احب ادقق:D

**********

(وقوم قعدت على كرسي الكابتن وآخذ الجهاز واقول حول حول

الطلاب يوم سمعوني يحسبوني المرور نزلوا من الطيارة وخلوني لحالي )


لتخيلت المنظر افطس ضحك ,, عجبتني جدا#E

**********

(اخاف يصدمون طيارتي وانا ما سويت عليها تامين <<< مصدق الخبل)

جد مشكله <<< مصدقه مثله#s #s

**********

(قلت الحين وجهك مثل قفاك وقال صح والله انك صادق )

عاااااااش مصرف*×3

**********

جد كيذا يا مثير#k #k


ثانكس*3

[~¤§¦ريشة إحساس¦§¤~]

تنـــــــــاهيد

هلا والله وغلا بدلوعة الود

أتمنى أن القصة عجبتك مثل ما عجبتني

<<<<< انت صاحبها تمدح نفسك يالخبل

أنا عاجز عن شكرك يا تناهيد بوضع توقيعك الجميل في صفحتي ...

تحياتي لك

[ااهات الليل]

الله الله عليك
اما اذا عندك ها الطياره
جيتك طياران

تصدق
قبل 4 سنين تقريباا كان على بال هينا في سعوديه نقدر نشتري هالكبتر
يعني مللك لنا
وثقه اقترح للوالد
والوالد معطيني على قد عقلي
يقول وين نحطه
فوق= سطح =متأثره بالافلام
او الحوش
الا الاخ الي جمبي قاعد يضحك
ليه في امريكا
وبعدين اكتشفت
وانقهرت
فياليت
اكون انا من عنده الطياره =الهيلوكبتر
لاني بحب سمااااااااااااااااااااااء والهواااااااااااااء
7
7
7
7
7
7
7
مثير
7
7
7
7
7
7
اذا طلبت منك تمشيني بالطاياره ؟؟؟؟وين ؟؟؟


يعطيك العافيه على ستوري
ثانكس ئالت
باي

[~¤§¦ريشة إحساس¦§¤~]

الشاعري


العفو ومشكووووووووووور على مرورك

[~¤§¦ريشة إحساس¦§¤~]

*وليد*

يووووه انت كنت معهم يوم اجمعهم واشلخ عليهم

بس وش رايك في التشليخ كنت اوسع صدوركم


يسلموووووووو يا وليد ولا تتعودها تفضحني في المنتدى ههههههههه