سـأل قلبي ليه خلك تناساك = قال القدر وأنتي علامك تـسألين
قلت آه يا قلبي ترى كل ما جاك = سبايبه ناس لخلي معادين
يا قلب والله ما بغيت إني أبلاك = لكن قدر سكنه ما بين ضلعين
جاني به الله ثم بحبه تبلاك = حتى تمكن بي وعمر بساتين
يا روح روحي كم تمنيت لقياك = وكم مرة أسـأل عن أخباركم وين
وكم مرة هليت دمعي لفرقاك = وكم مرة سامرت ليل المحبين
يا كيف قلبك طاوعك في نواياك = ويا كيف قلبي تجعله بين نارين
ويا كيف تبخل بالوفاء لمن تمناك = ويا كيف تنسى الحب يا كامل الزين
يا ليت قلبي ما عرف حب شرواك = ويا ليت ما يوم اذكرك يا معنين
ويا ليت عيني ما تذكر حلاياك = ويا ليت نفسي تقتنع إنك ناسين
كان اتهنا بعد ما القلب يسلاك = وكان الليالي بالسعادة تنادين
وكان العيون اللي بكت من سواياك = بتهل دمع يشفي القلب والعين
دمع الفرح لا من تناسيت ذكراك = ولا إني أنسى كيف بنساك يازين
كلمات يجب أن نتوقف كثيراً قبل أن نقرأها .. ونقف كثيراً عند قرائتها .. لأنها بحق تستحق منا أن نتوقف أمامها ..
كم تمنيت أن أتقن كتابة بعضاً من حروفها .. وتمنيت أن يكون لدي قلباً كقلب من جعلنا نتوقف أمامها ..
العرض العادي
