السلام عليكم ورحمة الله وبركاااته
ليلة رمضانية مع الاخت الغاليه يقـين الـود
يقـين الـود
( ود متميز )
من مواضيعها
كيف نتحرى ليلة القدر ؟؟؟؟؟؟؟؟؟؟؟؟؟
http://www.al-wed.com/vb/showthread.php?t=294375
طفل متفوق يبكي بسبب هديه تقليدية تسلمها مع أشعار نهاية العام
http://www.al-wed.com/vb/showthread.php?t=292510
ما هي العادات التي تحرص على ممارستها في هذا الشهر الفضيل؟
احرص على الذكر واداء صلاة التراويح بالمسجد
متى بدأت صوم شهر رمضان المبارك ( يعني كم كان عمرك)؟
بديت الصيام في الصف الثاني متوسط
هل صمت أول يوم كاملا ؟
ايوه صمت اول يوم كامل بس وربي مت من العطش لاني مانسى ذاك اليوم
أكلة تحبها برمضان؟
مافي اكله معينه اي شي حلو اكله
موقف طريف حدث لك برمضان؟
قبل 6 سنووات طلب مني عمي ابو زوجي اسوي له سحور طبعا كنت ماعرف اطبخ توررطت والاهل طالعين كلهم وانا نزلت واتورطت وش اسوي ياربي قلت عمي جيب خبز ابيه بس يطلع من البيت كاني طبخت.. لان كان فيه من العشاء رز ويدام باميا واروح اسخن الايدام ونسيته لما نشف بس الحمدالله لحقت على اخره واحطه بصحن مع الخبز ..بس ماحطيت له رز
كاني سويت له بس الايدام ..ولما رجع طبعا طول على مارجع ..حطيت السحور العجيب طبعا اكل يقول مثل طبخ خالتك انحرجت احسه كشفني بس سكت مدري وش اقول ..غسلت كل شي بالمطبخ قبل يرجعون عشان مانكشف ههههه وربي مانسى ذاك الاحراج
برنامجك اليومي برمضان؟
اصحى الظهر اصلي وبعدها ارجع انام الى صلاة العصر وعلى طول ع المطبخ طبعآ لوحدي انا وماما بالمطبخ وقبل الفطور انظم السفره وبعدها افطر واصلي وارجع للمطبخ اغسل الصححححون ياهمي تعبت ...ولما اخلص اتفرج ع التلفزيون الى صلاة العشاء واروح مع مامي اصلي التروايح ولما ارجع لازم اكل الحلا والقهوه لان ماحب اتعشى بعد التروايح ولا احب اطلع قليل ماطلع بالذات برمضان ..ووقت السحور نتسحر وبعدها اقراء قران الى صلاة الفجر واذا خلصت ادخل المنتدى اقل من ساعه وبعدها انام ,,,وبس
هل سبق لك صيام رمضان بعيدا عن الأهل؟
نـــــــعم
كم يستغرق ختمك للقرأن خلال الشهر الفضيل؟
مره واحده فقط بالشهر
متى الوقت اللي تكون فيه رايق ومتفرغ خلال هذا الشهر الكريم؟
اكيد بعد صلاة التراويح
مائدة إفطار لديك حدد خمسة أعضاء تدعوهم إليها؟
رمـــاد الشوق & أنتـــر& سطـــام & اليزيد & ابو نووف ...فطور بس للشبااب ههههه
مائدة سحور حدد ثلاث أعضاء غير المدعوين على الفطور تدعيهم إليها من الأعضاء؟
حلاتي غير && في صمتها حكايه && نونا سحوررللصبايا فقط
هل يزداد أم ينقص وزنك خلال رمضان ؟
لايزيد بس موكثير يعني كيلو بسس
تصرفات تنبذها خلال شهر رمضان؟
النـــــــوم في رمضان وعدم استغلال الاجر لانها فرصة لاتعوض
ليلة العيد هل تنام ؟
لا مستحيل انام
يوم العيد كيف تقضيه؟
طبعآ اصلي صلاة العيد ونرجع للبيت ونتجهز للعيد وبعدها العايله تجتمع عندنا يعني وناسه ,,الى صلاة الظهر ونتغدى وبعدها بساعه انام على طوول ماقدر اكمل لاني مواصله وطبعآ باقي الايام اكمل معايده
رسالة شكر توجهها لأحد أعضاء المنتدى خلال هذا الشهر؟
رسالة شكر لكل اعضاء المنتدى بنات وشباب صغار وكبااار
رسالة عتب توجهها لأحد اعضاء المنتدى خلال هذا الشهر؟
مافيه الله لايجيب العتب يارب
رسالة صفح وسماح توجهها لأحد أعضاء المنتدى ؟
لايوووجد
أيهما تختار /
النوم المبكر أم السهر؟
اكيد النوووم
الانترنت أم مشاهدة التلفزيون؟
افضل التلفزيون اكثر لان احب اتابع البرامج
الإجتماع مع الأهل والأصحاب أم الجلوس لوحدك؟
الجلوس لوحدي بالذات في رمضان اما باقي الايام احب اجتمع
حضور أمسية شعرية أم مباراة في كرة القدم؟
اكيد أمسيه شعريه ماحب المباراة
هل لك أقارب في المنتدى ؟ اذا ممكن تذكر لنا اسمه وصلة القرابه ؟
لا مالي اقارب بس لي اصحاب مثل الاخوات
وترقبووا ليلتنا الرمضانية القادمة غدا ان شاء الله 
العرض العادي
