ياسعود لاتشكي من الدنيا ومن سود الليال
الوقت جاير فالليال الى نشوف اهوالها
اكثر عباد الله بالدنيا ماحد مرتاح بال
الناس فيها مايكفيها وحالك حالها
كم واحدن سود الليالى حطتة مضرب مثال
عيت ليال الوقت تصفالة وهو يصفالها
مما تشوف العين واسمع فالليالى مايقال
ان الرجال اليوم هيبتها بروس اموالها
الفقر كم نزل من رجالن لهم قدر ومجال
والمال كم يرفع رجالن ماتعد افعالها
وجهة نظر ماعمها فالمجتمع فى كل حال
لاكنها تنبيك فايام العمر وليالها
الناس حسب سلومها والعرف باقى لايزال
ماخليت الدنيا من رجالن لها منزالها
ماحدن بكامل غير وجة الله ولله الكمال
سبحانة الى يجزي الحسنة بعشر امثالها
والادمي لو طالت الايام قافية الزوال
والنفس يوم الاخرة تجزي بحسب اعمالها
للشاعر محمد القاضي الجهني
العرض العادي
