في القلب حبــج ترسـخ يابلادي
في كيـاني في وسـط لب الفـؤاد
حبج بدمــي وينبـض به فؤادي
يهتف باسمـج ولا غيــرج بلاد
يا إمـاراتـي يا حبـي يا مرادي
ياعيوني عـيـدج الميمـون عاد
انتي دانة تشـل هالسبـع الايادي
إنتي دره مـا تخـيـلـها مـراد
انتي لحن الحب وانشـودة بوادي
إنتي مــوال الخليج انتـي وداد
إنتي غنــوه خاطها حبر الودادي
في المــلا تعزف بلـحن الاتحاد
انتي نورٍ ســاطعٍ عقب السوادي
إنتي شمـسٍ زاحـت استار السواد
إنتي بدرٍ في رحـاب الـكون بادي
يرسل خيـوط الضــيا في كل واد
عاش من طورج وارسى لج عمادي
عاش (( زايد )) عاش قايـد الاتحاد
والشـيوخ اللي عليهـم الاعتمادي
يد وحــده من عقب سبعــة اياد
هم فخـرنا هم ركـايــز الاتحادي
هم ظــلال عن هجيـر الوقت عاد
هم عيــونٍ ما تهنــت بالرقادي
لجل شعــبٍ يهتنـي بطيب الرقاد
(( الشاعر علي الخوار ))
العرض العادي
