هربت من جنتك مره لنارك =وهربت من نارك لنارك وجنتك
عرفت وش تعني الحياة بجوارك= وعرفت وش يعني أجاري محبتك
أن قلت أبرحل قلت هذا قرارك= وأن قلت أعود قلت عود براحتك
أحيان أحس أني مبعثر وقارك= وقول يا طيبك وياقرب دمعتك
واحيان احس اني بعيد بمدارك=يمكن في يوم تفكني جاذبيتك
ياليتني منظر سكن في اطارك =اقلها ما افارق بيوم صورتك
او ليتني بعض الخزف وسط دارك=ولا حريرك او عطر في مخدتك
ابسئلك ليه التسلي شعارك =وابسئلك ليه القساوه بنظرتك
وبسئلك عن وجهتك عن مسارك=وبسئلك ليه الغدر دوم شيمتك
احترت فيك وماعرفت اختيارك=قلبي حبيبي صار يشبه لدميتك
ابسئلك بالله ما يوم زارك = داعي الضمير وصاح بك خف قسوتك
على خفوق اللي نذر للنتظارك=كل العمر تحت امر شورك ورغبتك
يالله ياللي ارتجيك الهدايه=اللي عليه اليوم لاجيت رجواي
اللي تضيق وانتخيه إبدعايه=ماجيت كل الخلق لله شكواي
ادعيه منهو عالم(ن)في بلايه=ربي يشوف اليوم فالناس بلواي
صابر على اللي يعشقون الوشايه=ناس(ن)تدوّر عثره إف.درب ممشاي
تنشد عن اللي قد حصل من ورايه=تنشد عن الرايح وتنشد عن الجاي
قصه وجات وبدّعوا فالروايه=أحد(ن)يجيب العلم والبعض له راي
قصه وجات وتوّها فالبدايه=أسبابها ضيّعت يالخلق مرساي
البال سج وغيموا في سمايه=ياكيف قول الناس غيّر في مجراي