العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
موضوع مغلق
   
 
أدوات الموضوع تقييم الموضوع انواع عرض الموضوع
قديم 03-08-2005, 05:39 PM   رقم المشاركة : 31
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


من متى ازعل وانا قلبي حنون
......................من متى ازعلك والغاية رضاك
لعنبو دارك انا كلي شجون
......................وما عطيت القلب محبوب سواك
ايه احبك قبل اعرف من تكون
......................ويوم شفتك ذبت كلي في هواك
بدر ساطع بس طالع له عيون
ا......................لله اللي جملك والله عطاك
ساحرتني في جمالك يافتون
......................شاعرية في دلالك في بهاك
من جمال الغيد في وصفك فنون
......................شاعرن ماشاف مثلك ياملاك
ياغزال حط في قلبي طعون
......................ارحمي شخص مضيع من حلاك
لافقدتك صابني مثل الجنون
......................مااحتمل بعدك ولااقوى جفاك
الشعر تايه على ذيك المتون
......................مثل شلال تحدر من وراك
لامدحتك قلتي يالغالي تمون
......................وان سكت تقولي امدح وش بلاك
لاحظرتي كلبوهم يوقفون
......................ولاطلبتي شي كل قال جاك
ولانطقتي كلبوهم يسكتون
......................سكر الهرج يتنثر من شفاك
ولاابتسمتي كلبوهم يضحكون
......................وضحتك تذبح ونظراتك هلاك
وان مشيتي كلبوهم يركضون
......................وان سرحتي كلنا نسرح معاك
من حلاك عروق قلبي ينزفون
......................كبريائي باع غيرك واشتراك
مهرك ابيات الشعر ولاتهون
......................اعذب احساسي نثرته في سماك
مسكنك قلب تغنى بك لحون
......................ومرقدك صدر تغذى من دفاك
من فراغ الحب سددتي الديون
...................... ونزف قلبي طاب من وصفة دواك
خلي حلوات العذارى يحسدون
...................... نـواف اللي مابغى غيرك بغاك
ماسمع للي بحبك يعذلون
......................منيته يصبح بها الدنيا مناك
حالف مايوم بالدنيا يخون
...................... جعل قلب يقدر يخونك فداك






التوقيع :
احبه لست ادري ماأحب به
حتى خطاياه ماعادت خطاياه

قديم 04-08-2005, 11:43 AM   رقم المشاركة : 32
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

يا طول صبري من الهجران يا خلّي

والرّوح منّي ومن همٍّ يكابدها

انت الهوى .. وكلّ الكلّ بالكلّي

وانت الذي بالهوى روحي تعذّبها

ياخلّ غيرك على الدّنيا أنا من لي؟

يا كيف دايم تصدّيني متاعبها

مضمون حبّك على الخفرات متعلّي

يا من وحوش الخلا تاخذ مقاودها

ارحم صويب براه الشّوق معتلّي

وجروح راعي الهوى أعيت طبايبها

دعواي دعواك دعوىَ مالها حلّي

لى طلبة لو بعد مرّه تنفّذها

لو بس شوفك بعض لايّام يحصل لي

بيزول همّ على نفس يراودها

كنّ ابعيانك سهام الموت ينسلّي

وخيول جيشك تهدّدني ركايبها

إن كان يا زين هذا الحال راضٍ لي

حذراك لايّام ما تصفو مشاربها

الخدّ نوره بداجي اللّيل مشعلّي

يسني على دار باعد به قرايبها

العين عين اشقرٍ للصيد متخلّي

وانا الذي صِرت في مَدْمات صايدها

لا واخساراه حسايفْ ما مضى غلّي

واتعبت لاقدام ع الفاضي عمايدها

اضغط على الصورة لفتحها بصفحة مستقلة



·[blink] لو لقيت أحد مثلي يحبك ويغليك اصرخ وقول اشهد أن الأصابع تساوت [/blink]






التوقيع :
احبه لست ادري ماأحب به
حتى خطاياه ماعادت خطاياه

قديم 04-08-2005, 01:39 PM   رقم المشاركة : 33
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


انا ماكنت ابي عطرك .... ولاني للخطا عشقان
انـا ماكنـت ابـي الا احـس انـك تحبينـي

وهبتك اجمل احساسي وجيت من الوله عطشان
لقيتـك يابعـد عمـري حسافـه ماتحسينـي

كتبتك اعذب حروفي .. ( قصيده) وزنها ديوان
قريتيها .. رميتيهـا.. ابـد ماكنهـا سنينـي

تجين من الفجر كذبه وعينك تخفـي العنـوان
واشوفك في سواد الليل على الكذبـه تمسينـي

انا جابتنـي الصدفـه وهـذي منـة الرحمـن
اشوفك تاصفي لغيري صفات الـي وصفتينـي

حبيبي يكفي اسلوبـك انـا يكفينـي البرهـان
انا مااصـدق ليـش ولكـن شافتـك عينـي

سكت وداخلي صرخه تردد صمتهـا الجـدران
حسافه طاوعـك قلبـك بـلا ذنـبٍ تبيعينـي

الومك .. ماالومك .. لاالومه وقتـي الخـوان
عطيتك الف معنى حب وهـذا الـي تجازينـي

انا ماأملك الا قلـب .. لكـن للاسـف تعبـان
كفاني منبع الاحـزان تفجـر بـه شرايينـي

احبك؟!.. ليه احبك ليه واتوه بعالمي حيـران
واشوف الناس من حولك تشوفيهم وتنسينـي

احاول اكرهك لكـن فـؤادي ماكـره انسـان
غريبه كيف هذا القلب يحب الي جـرح فينـي

حبيبي داخلي كلمه عساهـا تشفـي الوجـدان
حبيبي ماأقـول الا .. حـرام انـك عرفتينـي






التوقيع :
احبه لست ادري ماأحب به
حتى خطاياه ماعادت خطاياه

قديم 04-08-2005, 01:59 PM   رقم المشاركة : 34
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


شقي لثـام الصمـت خلـي شفـة الكلمـة تبيـن
وشدي جناح السالفة وارقي بنـا فـوق السحـاب


فكي غموضك سولفي واروي عطش عيـن ٍ لعيـن
لا تذبحين بداخلـي شـوق اللقـاء عقـب الغيـاب


يـوم التقـت عينـي بعينـك طالبـك لا ترمشيـن
نويت أغوص البحر الأسود واكشف أسرار العـذاب


ودي أكون المبتعـث خلـف الهـدب والحاجبيـن
ادرس معالم رغبتك .. وارفض نظـام (الانتسـاب)


يمكـن بقلبـك شـي يمكـنـك بـعـد تتعذبـيـن
إلى متى نسكت وكلـن فـي نظـر عينـه عتـاب


احكي وقولي واسمعك.. وان قلت لالالازم تسمعيـن
لاصرت قدامك سؤال .. كوني معـي كـل الجـواب


فيني سؤال ٍ عالـق ٍ بالفكـر محبـوس وسجيـن
وش فرق ؟ وش وجه الشبه؟ بين السحابة والضباب


""
"
يــاهــوووووووه ضـيـعــت الــقــرار
أنــتـــي وهـــــم ولا يــقــيــن ؟
يا بنت أنا وش صابني " حبي خطـأ وإلا صـواب "


تعبـت وسكوتـك غـدا لغـز ٍ توارثـه السنـيـن
كل ما انفتح بالحل باب " بالحل ينصك ألف بـاب "


ياللي بقلبي لك نهـر لـو مـن حنانـه تشربيـن
ما تشبعين من السوالـف .. والثريـا مـا تغـاب



مـلـكـتــي أســبـــاب الــســعــادة
خـــــوذي الـقــلــب الــحــزيــن
وارميه باحظانك عسـى عمـر الندامـة للذهـاب


فكـي لثـام الصمـت والخافـي بحيـل الله يبيـن
لا تسكتين العمر يمضي والثمن زهـرة شبابـي...



اضغط على الصورة لفتحها بصفحة مستقلة






التوقيع :
احبه لست ادري ماأحب به
حتى خطاياه ماعادت خطاياه

قديم 04-08-2005, 03:40 PM   رقم المشاركة : 35
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


كانت 00 تفكر 00(ودها تكتشفنـي )

هي مادرت اني لغه مالهـا حـروف

كانـت تحـاول واعجـزت لاتعرفني

غامض مثل طفل عجز يشكي ظـروف

مع الشتـاء كانـت تجـي تلتحفنـي

وأنااشكي من البرد والليـل والخـو
ف
كـن الغلاوحـش الظـلام وخطفنـي

موجود معكم بس أنا انسان مخطـوف

كم قلـت لاتروحيـن وابقـي بجفنـي

انهى عن المنكر00وأمـر بمعـروف

ولو ابعـدت يبقـى غلاهـا يعزفنـي

في صوت عالي باعترافات مكسـوف

ياكم سـؤال أحـلام أمـن كتفنـي

من شان يرحل خل عن خل مكتـوف

وادري غلاها أن ماحذفته حذفنـي !!

وصعب انزعه تقول :شوك على صوف

وان مت ابيهـا هـي تكتـب بكفنـي

الله يرحم هاللغـه مالهـا حـروف!!






التوقيع :
احبه لست ادري ماأحب به
حتى خطاياه ماعادت خطاياه

قديم 04-08-2005, 10:51 PM   رقم المشاركة : 36
فهد الأسعدي
( وِد ذهبي )
 







فهد الأسعدي غير متصل

عشق بدوي

نويت مرباع الغضي سيد الاحباب
قصدي يزول الجرح زاد التهابة

جيت وبقايا نارهم حول الاطناب
وبيت الشعر مطوي وباقي زهابه

اقفت ركايبهم ومني الهدب ذاب
من دمع يسأل وانذهل من الاجابه

على غزير الدمع ضميت الاهداب
صديت لين الدمع يكفي سحابه

بعض الوجع يمكن تداويه الاعشاب
وبعض الوجع ياويل منهو سطابه

عشق بدوي لاحب ماهوب كذاب
يوفي ولو جرحه تجدد صوابه

واليوم وصلت بيننا مثل الاجناب
ذاك الغلا ياضيعته ياسفابه

باكر الى جينا لهم مثل الاغراب
من عقب ماكنا الاهل والقرابه

الامر لله كل شيء له اسباب
ولا الهوى وش لي على هج بابه

وشلون قلبي مايجي اليوم منصاب
على الرجم منقوش بعض الكتابه

حتى اثر مشيه مع سهول وهضاب
مر يبين ومر مايندرى به

قلبي من الفرقى صويب ومرتاب
كنه غدى نصفين من هول مابه

حزني عليه انه تسبب ولا طاب
نظرت طبيبه عجلت في ذهابه

ريح الخزامى والنفل زين الاطياب
يشدني ريح السمر في ثيابه

لااقبل نسيم الليل له خيل وركاب
وله في طلوع الشمس عز ومهابه

الشاعر سعد الخريجي
============================================

قصيدة مجاراة لقصيدة الشاعر سعد الخريجي عشق بدوي

يا ناويٍ مرباع سيدك والأحباب
قصدك تزول جروح قلبٍ سطابه

اصبر ترى طبع الهوى دوم غلاب
منت الوحيد اللي تجدد عذابه

كم واحدٍ فارق حبيبه بلا أسباب
وكم واحدٍ بالحب ضيع شبابه

يا شينها فرقى الولايف والأصحاب
تورث بوسط القلب حزن وكآبه

وياشينها ذكرى حبيبٍ إذا غاب
انشد مجرب ذاق لوعة غيابه

يا صاحبي بشكي لك هموم مرتاب
وقبلك شكيت للعالي اللي نهابه

سبحانه الواحد به الظن ماخاب
عالم خفايا القلب واللي لجا به

وياصاحبي بشكي لك قليب ما تاب
علك تخفف جرح قلبي وصوابه

أنا ذبحني كامل الزين جذاب
لا شفت زوله شرّع القلب بابه

ما همني عذل العواذل والأقراب
ولا همني قول ونصيحة قرابه

يهمني سحرٍ لجا بين الأهداب
سحرٍ سطا بقليبي اللي سرى به

وأرجع أقول أبيات ما هيب تنعاب
أبيات شعرٍ من حكيمٍ حكى به

عشق بدوي لا حب ماهوب كذاب
يوفي ولو جرحه تجدد صوابه

الشاعر " حمد بن عبدالله ال حمدان "
============================================
رد على القصيده ...

ياصاحبي رسمتك المزن بســحـــــــــاب
حق عليك الصيف تبقى سحــــــــــــابه

ربيع قلبي أنت والناس الأجـــنـــــــــــاب
هاويك لوذقت العناء والكــــــــــــــآبه

هاويك وأصدقـك لو كنت كـــــــــــــــذاب
أحب فيك الكـــذب لوهــــوخيــــــــــــــابه

حب الشـــرف البيض مثل لون الثيـــاب
يستاهله من لبس قلبي ثيــــــــــــــــابه

أعوي عــــواء ذيـب رقى راس مرقـــاب
والليل يامــــــخـــاويه تعوي ذيابــــــــه

لو الهوى يكسب ببـــندق ومشعـــــــــاب
ولا دراهـــم كان أصفي أحســـــــــــابه

مير الهوى للقلب ســــــــاحر وجـــــذاب
لا عــــــــاش قلب الهوى مالتـــــــــوابه

أنا من هــــواك أكتب دواوين وكتـــــاب
لو تطلع تعرف معـــــــاني الكتـــــــــابه

مايكتب إلا شـــــــاعر عنده أسبـــــــــاب
يعزف على صوت المشاعر عـــــــذابه

للوقت وإفــــراق المحبـــين منصــــــاب
والقــلب ينطق قال مــــامه وبابـــــــــه

دخيلك دخيـــل عيونك طــــوال الآهـــداب
صدى صوتك أعذب من سماع الربابـــه

خفــــــوقي سكن بيتك وضلعاني أطنــــاب
إذا شـــد راعي البيت يأخـــذ زهــــــابه

كلمات الشاعر / " الفيـــــــلــــق "
============================================







قديم 05-08-2005, 02:58 AM   رقم المشاركة : 37
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة


" ناعســة "
هي ناعسة من طبعها مابها حيل
........ لا تكحلين العين يثقل هدبهــــــــــا
خفي عليها ليتها تسهر الليـــــل
........ طال السهر والنوم كنه غلبهـــــــــا
لي من هدبها ذكريات ومراسيل
........ فى ضحكها فى مزحها فى عتبها
تبنى من جروح المواعيد وتشيل
........ هي الجروح اللى تجى من سببهـا
لو ان غيبتها مثل غيبة سهيــــل
........ لا الجدي مرضيها ولا احد عجبهــا
تغضي وكن رموشها تجمع الخيــل
........ وتنظر وكن البرق يقرأ نسبهـــــا
لا سلهمت مالى للسوالف تفاصيل
........ والمشكله لا بينت لك غضبهـــــــا
لا ناظرتهم من زعل بالمظاليـــــل
........ كل المجالس صمتها صار ادبهــــا
هي ناعسة من طبعها مابها حيـــل
........ لا تكحلين العين يثقل هدبهـــــــا






التوقيع :
احبه لست ادري ماأحب به
حتى خطاياه ماعادت خطاياه

قديم 05-08-2005, 04:13 AM   رقم المشاركة : 38
نسايم اليل
( ود جديد )
 
الصورة الرمزية نسايم اليل
 





نسايم اليل غير متصل

هاي عذب الوصايف

بليز ابيك تقبل اعتذاري السريع لان ماكان قصدي اني انقل موضوعك

لني مادري انه هذا الموضوع لك انت
وانا على العموم انا اسفه ماكان قصدي وانا اصلا ماقرية المواضيع
همس القوافي على طول حطيت الموضوع واتمنى انك تقبل اعتذاري الشديد

مع تحياتي :نسايم اليل







قديم 06-08-2005, 12:17 PM   رقم المشاركة : 39
فهد الأسعدي
( وِد ذهبي )
 







فهد الأسعدي غير متصل

بلاميعااد ياضاميه افراق
...................انتي السبب فاللي حصل صدقيني
هذا موادع بين شوقٍ ومشتاق
.................تقوا الهجر لاصرت لا ماتبيني
من دلعك تسلين بآهات عشاق
................وين انت في وقتٍ مضى ترتجيني
في ضحكتي الام واحزان واشواق
................مأساة حبي قولتي صـــــــارحيني
الله أقوى لندم صرت منساق
.............. وش فايدة..دقات قلبي تجـــينــي
فكري ورحي لأجل حبك به احراق
.................ماتت حروف الحب قومي ادفنيني
خذ ماتبي واخذ الصور واخذ الأوراق
.................واترك بقايا جروح بينك وبـــيني
بنساك انا ولوبكيت من الأعماق
................بس الزمن يصرخ يقول اذكريني

===================================







قديم 06-08-2005, 11:55 PM   رقم المشاركة : 40
نـ(Jeddah)ـواف®
( ود فعّال )
 
الصورة الرمزية نـ(Jeddah)ـواف®
 






نـ(Jeddah)ـواف® غير متصل

اضغط على الصورة لفتحها بصفحة مستقلة

مرحبا بك جديد ومرحبا بك قديم ** مرحبا يا غزال كان واصبح ظبي

وين مارحت حبك وسط قلبي مقيم ** يا معلم دموعي تستبيح هدبي

في مجيك حشيم وفي مراحك حشيم ** وسع الله لمثلك ياالغلا مذهبي

في مراحك تشتت حلم ذاك الحليم ** وفي مجيك تلاشت ثورتي وغضبي

غلطتي في فراقك غلطة من حكيم ** وانتظاري رجوعك حكمة من غبي

والله انك لي أكثر من صديق حميم ** ما ذكر قبلك حد نافس أمي وأبي

بعد فراقك يا ما دجت ليل بهيم ** الوسادة غـثـيثـه والمنام أجنبي

أنت أية جمال من خبير عليم ** كم سجدت وطلبته واستجاب طلبي

بعد عرفك تساووا في عيوني الحريم ** أنعم الغيد عندك تشبه أشرس صبي

والله أني ظلمتك لو وصفتك وسيم ** وقــتنا له مطالب وأخرتنا تبي

بك تحفظ غريب وبك ميانة لزيم ** وانفتاح إنجليز في ثيـاب عربي

فيك خبث الغرور وبك براءة غشيم ** المعاني قبيلي والجمال (.......)

وسط جسمك مجاعة يضطهدها النعيم ** وفي عيونك أمان يبتليه السبي

لك عيون نظرها فيه حـدة غريـم ** في المواقف شجاع وبالزمان يعـبي

مــا حصل منك حق عند عم لئيم ** إن خذيته خسرته وان سمحت يهبي

إن خذيته لئيم وان تركته جحيم ** وجعة تنتقلها لحيتي وشـنـبـي

لكن الحب شأنه في حياتي عظيم ** في رجوعك نسيت وطاح كل أحطبي

الخطأ دوم وارد والمسامح كريم ** المشاعر تحبك وأنت ما أنت بنبي

مثل ما سخر الله البشر لليتيم ** سخر الله لأجلك حنظلي وأعنبي

في غيابك لو أني يا حبيبي سليم ** ما نصيتك وأنا أقعد مرة وأحبي

في غيابك نديم وفي حضورك نديم ** اختصرت برجوعك جر هدي تعبي

مرحبابك تقدم لك من أقصى الصميم ** أحمد اللي طلبته واستجاب طلبي






التوقيع :
احبه لست ادري ماأحب به
حتى خطاياه ماعادت خطاياه

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:40 AM.




 


    مجمموعة ترايدنت العربية