العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
موضوع مغلق
   
 
أدوات الموضوع تقييم الموضوع انواع عرض الموضوع
قديم 02-10-2005, 02:19 PM   رقم المشاركة : 1
جوال بدون شريحة
( ود جديد )
 





جوال بدون شريحة غير متصل

Icon14 اول قصيدة لبعنا الماضي ادخل واحكم يابعدي

السلام عليكم ورحمة الله وبركاته
حياكم الله جميعا جميعا

هذي اول مشاركة اطرحها عندكم فيذا

بس رجاء من الجميع انه يجهز سرير ومراتب سليب هاي لاني مااضمن انكم تقدرون تقاومون هالقصيدة اللذيذة

ماادري ليش عندي احساس ان كل واحد فيكم واصل دمه لي خشمه ويقول جوال اخلص لاخلي اذاني واذنيك اربع

لكن مهيب مشكلة تمونون جميعا وانا كلي فداكم لاعدمناك وهذي لكم شموها وروقو دمكم


يامحمد غبت عنها اسبوع من باب التغلي -==-=-= ودي ااعرف واكتشف عن حبها لي واختبرها

يامحمد سبعة ايام عجاف بدون خلي =-=-=-= شفت فيها الويل وعيوني ملازمها سهرها

سبعة ايام الكدر ماارح عني مثل ظلي =-=-=-= شلت كل هموم خلق الله وعايش في كدرها

ادري ان الصبر مفتاح الفرج وبه امتحلي =-=-= مير عنها حرام باجماع كل اللي نظرها

رحت ادور للتسلي وين ابلقاه التسلي =-=-=-= اخرج من البيت والقى نفسي ابرم في قطرها

طفت شارع بيتهم ماغير مقبل به مولي =-=-=-= الشوارع مظلمة والقى بشارعهم سفرها

ودي اسمع ذكرها لو من عذول بالتبلي =-=-==- مو مهم اللي يقوله والمهم انه ذكرها

شفت اخوها صدفة واقفى يرحب بعض كلي =-=-=-= بعضي الثاني همس باذني تنشد عن خبرها

قمت اهلي به وانا خايف لساني لايزلي =-=-=-= شفت شعرة في ثيابه قلت هذي من نثرها

وانكسف مني تبسم لي وناظر لي بغلي =-=-=-= قال توي كنت بالصالون والناس وش كثرها

قلت فعلا شفت هالصالون بالناس متملي =-=-=- والله انه يكذب الكذاب وانه من شعرها

اعرفه من ملمسه من ريحته من لونه اللي =-=-=- مثل لون العود حمرة من سواد يشتقرها

شلتها بالدس في جيبي وانا مااشفيت غلي =-=-= ودي استمتع بملمسها وريح من زهرها

قمت ودعته وليلتها عذابي مستغلي =-=-=-= طول ليلي حاضن الشعرة واناجي في صورها

سبعة ايام وانا في داخلي ربط وحلي =-=-= اعزم الفيها واهون خايف اسبب ظررها

بعد سابع يوم من هم بقلبي مستحلي =-=-=-= اتصل بس واحد ساكت ونفسي في ضجرها

قلت الو : وش فيك ساكت رد ياجعلك تغلي =-=-=-= كني اسمع صوت ليمونة بفمه يعتصرها

وهمست وش سهرك ليلحين في وقت متتلي =-=-=-= قلت طيفك لعنبو جده وضحكتك من فخرها

واهمست هالحين اجيك واخبرك عن دقي وجلي =-=-= قلت معقولة,, قالت نار شوقي مااقتدرها

جت وهي متخفية صبح بليل مستظلي =-=-=-= كنها تحسب خطاها مير يفضحها عطرها

نفحها مسك ونثر انفاسها ورد وفلي =-=-=-= المكان اللي تعدي منه يبقى فيه اثرها

جتب تخبتر ردف يتمايل ورد يستقلي =-=-=-= كنها ترقص على تكة خطاها من بطرها

عنجهية صدرها تفتك بخصر مضمحلي =-=-=-= لاتثنت تنقسم نصين من خصر بترها

قمت ماني في شعوري كل مافيني يهلي =-=-=-= كنها المتفضلة بانقاذ روحي من بحرها

ترتجف في قلبها خوف تولاها تولي=-=-=-= تنفض ايديها ويتقطع نسمها من حذرها

كلما هز الهوى الشباك واحدث فيه خلي =-=-=-= بسملت واتفززت تحضن يديها في صدرها

قالت انت شفيك متغيب جفا ولا تغلي =-=-=- قلت لاهذي ولاهذي ولاحتى قدرها

مير انا كثرت جياتي وخفت انك تملي =-=-=- سلهمت بعيونها وعضت عنبها من قهرها

واخبطت بكفوفها صدري ودمعتها تهلي -==-=- قالت اقسم لك برب البيت شوفتك انتظرها

قلت اجل وش وخرك وانت لعنواني تدلي =-=-= لايكون انه جفا..قالت حشا .. وارخت نظرها

انت تدري عن ظروفي حط نفسك في محلي =-=-= بنت مثلي خارجة من بيت اهلها وش عذرها

لو قدرت اليوم اجي والقى عذر مقنع وحلي=-=-=- مامعي في كل يوم حجة لاهلي ابتكرها

جادل من نسل شيخ لايهاب ولايذلي =-=-=-= فاتنة واجمل بنات الكون ماتسوى ظفرها

وجه مثل الصبح يتنفس بنور مستهلي=-=-=-= والرموش الليل عسعس ليلة محلى سمرها

طرفها في حد ذات الطرف عالم مستقلي=-=-=-=به نهار وليل به بحر وسما داخل حورها

جيدها الفتان نور من زجاج مستجلي =-=-=-= لو لمسه ابهامها بصمته تبقى في بشرها

من شفافية جسدها والنعومة والتغلي =-=-=-= اي شي تشربه ينشاف نازل من نحرها

ظامها شلال دهن لعود بالجيد متدلي-=-=-=-= الوحيد اللي جبرها تنفعل محد جبرها

صار يتمرد يعذبها تلمه ثم تفلي =-=-=-=ثم ترجع تلفحه ويعود مايسمع لامرها

ابتسامتها وميض البرق في نو مطلي =-=-=- والشفايف كنها قوس القزح لونه غمرها

ضحكها معزوفة يطرب لها قلب يولي =-=-=- وامنياتي ماجنه ترقص على نغمة وترها

ان حكت نفث من السحر الحلال ولايحلي=-=-=تستميل قلوب من يسمع كلام من دررها

لادنت مني تبعثرني على عنج ودلي=-=-=-=وانصهر بنفساها واحساسي المرهف صهرها

عينها مستسلمه والرمش طايح مستذلي =-=-=-=طاح طيحة فارس رمحه بعدونه كسرها

والله ان اللي ببالك يامحمد ماحصل لي =-=-=-=ذبت واروتني عفاف وكل مافيني شكرها

مامنعي غير طيب اصلي ولي قدر متعلي=-=-=-=واللي ادهى من كذا خفت اني انزل من نظرها

قمت اودعها وانا شوقي يزيد ولايقلي =-=-=-=لحظة هدت فرح ساعة وبالكود افتكرها

اوجبت غسلا على عيني بدمع مسفهلي=-=-=-=قبل تبلغ حلمها والرشد واتمتع بصرها

بعد ماعاهدتها بالله حرمت التغلي =-=-=-= توبة اتغلى ونار فراقها مااقوى سعرها

للشاعر : مستور المالكي .. لاهان

يبي لي بعد هذا الجهد الجهيد اجيب سطل موية واملاه ملح واهمز يديني

الله الله بالردود وكل واحد يبي يتميلح يسمعها خويه اذا كان عنده خوي اسمه محمد واللي ماعنده خوي اسمه محمد يسمعها خويته ويقول هذي قصيدة كتبتها لعيونك وكنت اقصد فيها خويي محمد

<<< مزوج ياجوال

لاعدمناكم جميعا

استغفر الله واتوب اليه







التوقيع :
الكل يحلف انه انسان صادق=-=-=والصدق يحلف مالقىصدق انسان


سبحانك الله وبحمدك واستغفرك واتوب اليك

قديم 02-10-2005, 02:31 PM   رقم المشاركة : 2
جوال بدون شريحة
( ود جديد )
 





جوال بدون شريحة غير متصل

تنويه بسيط للي شاف اسم بعنا الماضي هذا نكي في الشات وكنت متعود عليه يعني لاتحوسون مخكم وتقولون منين طلعت لنا كلمة بعنا الماضي




المهم نحتري ردودكم لا هنتم



استغفر الله واتوب اليه







التوقيع :
الكل يحلف انه انسان صادق=-=-=والصدق يحلف مالقىصدق انسان


سبحانك الله وبحمدك واستغفرك واتوب اليك

قديم 02-10-2005, 04:41 PM   رقم المشاركة : 3
عزتي راس مالي
( ود متميز )
 





عزتي راس مالي غير متصل

هلا اخوي جوال ..
اولا صح لسان شاعرها ..
وثانيا الله يعااااااااااااااافيك على اختيااااااااااارك الراثع والله!
وثالثا توني فاقعها على خويي محمد اني كاتبها !
واي واحد من اخوياي اسمه محمد بقولها له !
وبحاول اتعرف على اكثر عدد من المحمدين عشان اقولها لهم .........
تسلم يمينك جوووووووووووال !



اخوك / عزتي هي راس مالي







قديم 02-10-2005, 07:02 PM   رقم المشاركة : 4
جوال بدون شريحة
( ود جديد )
 





جوال بدون شريحة غير متصل

هلا هلا عزتي ياخي تو مانور المنتدى كان علمتني ياخي عشان افرس اك المنتدى سجاد احمر

حياك الله وحيا الله طلتك الموقرة

ولاعدمناك


استغفر الله واتوب اليه







التوقيع :
الكل يحلف انه انسان صادق=-=-=والصدق يحلف مالقىصدق انسان


سبحانك الله وبحمدك واستغفرك واتوب اليك

قديم 02-10-2005, 08:45 PM   رقم المشاركة : 5
حـالـي ^^ الــذوق
( وِد لامِـــع )
 
الصورة الرمزية حـالـي ^^ الــذوق
 






حـالـي ^^ الــذوق غير متصل

تسلم اخوي جوال


على نقلك الجميل


واختيارك الأجمل



تقبل بود



خاااااااااااااااالص




تــــــــــــــحـــــــــــيـــــــــــاتـــــــــ ــــــي







التوقيع :
اضغط على الصورة لفتحها بصفحة مستقلة

قديم 08-10-2005, 12:41 AM   رقم المشاركة : 6
جوال بدون شريحة
( ود جديد )
 





جوال بدون شريحة غير متصل

هلا جروح روح

حياك الله اسعدتنا بمروكم لاعدمنا ولاهنت

استغفر الله واتوب اليه







التوقيع :
الكل يحلف انه انسان صادق=-=-=والصدق يحلف مالقىصدق انسان


سبحانك الله وبحمدك واستغفرك واتوب اليك

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:37 AM.




 


    مجمموعة ترايدنت العربية