حسبتك عديم الاحساس وصرت لي كل احساسي قصه رومانسيه سعوديه رووعه

[عاشقة الحرف]

تابع<<
وليد بحسره وقهر مكبوت: والله شغله عندي بس استنى علي في بالي شي بسويه في وقته بس اصبر علي
ابراهيم: نشوف يا وليد اذا بتخلي خالد ولد عبد الله يسوي فينا كذا وانت ساكت
وليد استغرب: وانت وش دراك عن اسم ابوه
ابرهيم: خالد هذا اشهر واحد في شارع التحليه ولد مشهوور حده والكل يعرف حركاته وطالعاته مع بنات بس له فتره متغير
وليد: وشلون متتغير
ابراهيم: واحد من الشباب يعرف خويه يقول انه متغير محلق كشته اللي له كم سنه رافض يحلقها وهذا اكبر تغير
وليد ما هتم : المهم انا بقضى عليه ومثل ما صار مشهور اخليه يرجع للشارع اللي جا من وما اكون ولد ابوي
ابراهيم يحب النجاسه: كفوو والله ما هقيتك تخليه يفلت منك بعد اللي سواه من دون عقاب يندم عليه طول عمره
وليد : اصبر وبتشوف وليد وش يسوي
**بعد ما طلع خالد من الكوفي وانسدت نفسه من شوفه وليد اللي ما ارتاح لها بالمره راح ياخذ اخته من بيت عمه وماكان وده يشوف مي كان يحس بألم في قلبه لما يشوفها وده يتكلم وده ينطق بس الشعور بالرفض يبعده عنها احاسيسه متضاربه لمتى ياخالد انت ساكت بنفجر انا تغيرت لمين لها والا ل ليش مو قادر تقول اسمها لمها مهاا صدى اسمها يفجر كل الدنيا قدامي ودي ارتاح من هالشعور قلبي منقسم بين حب طفوله حب ماضي حب من طرف واحد وحب جديد توه ينولد على هالدنيا ماله في هالحياه الا فتره قصيره بس حسه اقوى من أي شعور حسه مع مي اه يارب ريحني دلني اهديني انا تعبت خلاااص وصل لبيت عمه قطعت عليه افكاره اللي هاليومين ذبحته طول عمره يحب مي وعود نفسه على حبها بس ما ظن لو للحظه تدخل قلبه وحده ثانيه
خالد رد على جواله
خالد: هلا يله اطلعي
نوف: خلودي عيب انزل سلم على عمي ابراهيم
خالد طفشان حده: خليها مره ثانيه تلقينه راجع من الشركه تعبان
نوف : طيب يله البس عبايتي واطلع
خالد: عجلي انا تعبان
نوف استغربت منه: انشاء الله دقيقه
؛؛؛؛؛؛؛؛
مي: ما راح ينزل
نوف: لا يقول تعبان
مي: وش فيه
نوف: مدري يا مي حال اخوي مو عاجبني منقلب حاله من بعد العيد والاستراحه
مي سرحت فيه حست بشي بس قالت السكوت احسن:انشاء الله مافيه شي انتي حاولي تتكلمين معاه لحاله وشوفي
نوف تلبس نقابها: احاول انشاء الله يتكلم
مي : انشاء الله يله مع السلامه
طلعت نوف ومي معاها توصلها عند الباب
فتحت الباب شافت خالد متغير فيه شي منزل راسه على الدركسيون شكله تعبان جد صرخت: شعرررررررررررررررررره
نوف :ههههههههههههههههههههههههههههه ايه صح نسيت اقولك الا قلت
مي تضربها على كتفها:عمى يعمي بليس من متى ما علمتيني
نوف: الا قلت لفي ما قالت لك
مي تتوعد فيها: انا اوريها اوريها ماقالت بس تصدقين شكله احلى بكثير وشكله فيه شي

نوف: ايش ايه مره احلى وش الكشه تشين الواحد بصراحه
مي: ايه يله عاد تلايطي واقفه في الشارع لك ساعه
شافت خالد يناظرها استحت لانها نازله ببيجاما: يله اخوك جالس يطالعني مع السلامه
نوف:هههههههههه مع السلامه ولا تقصرين في في الدبيه
مي: افااا عليك ماراح اقصر
^^سكرت الباب راحت فووق طيران فتحت الباب شافت في على الماسنجر تسولف
مي بصوت عالي: يا الدببببببببببببببببه
في ارتاعت: يممه وش فيك
مي: ليش ما قلتي ان خالد ولد عمي حلق شعره
في: ايه نسيت الحين اقولك خالد حلق شعره
مي: هه ما تضحكين
في ترجع تلف على الاب توب: ما ابي اضحكك
طلعت راحت تمشي لغرفتها فتحت الباب غرفتها كانت تعكس شخصيتها الرومانسيه الهاديه مع شوي جنون وهبال
كانت ملونه بأحمر وزهر وفوشي الغرفه غريبه السقف ينزل منه ثريا كبيره على شكل فراوله حمرا تلمع والجدران لونها احمر والسرير كبير وعليه مثل الناموسيه الكبيره معطيه السرير شكل حلوو كان كله مخدات ملونه بزهر واحمر وفوشي شكل قلوب جلست على سريرها راحت لخالد شدها تغيره الكل ملاحظ وش فيك ياخالد لما ناديتني ياخالد ذاك اليوم كان وجهك مو طبيعي كان الموضوع مهم بس انا الغبيه المفروض اصريت انه يتكلم معقوول معقووول خالد يحبيني لااااا لا وش يحبني خالد مو راعي حب كانت تسأل نفسها ونفسها ترد على اسئلتها
بس ليش اهو انسان باين عليه حساس صدق حاط قناع المزح والهبال طول الوقت بس يمكن عشان يخفي هالشي ما ادري ياخالد انت انسان غريب والايام بيننا تثبت كلامي او لا
نرجع للبحرين وصل احمد وجلس مع زياد الي كان منهار تقريبا
احمد جالس جمبه على البحر الجو كان روعه في شويه بروده والبحر منظره اروع: زياد
زياد بهم يهز جبال: هلا
احمد يحاول ما يضايقه: وش رايك نروح بكرا نعزيهم
زياد: حق واجب
احمد: طيب انت تعرف بيتهم
زياد: ايه انت ناسي اني احيانا كنت اوصلها البيت احيانا
احمد :طيب يا اخوي بكرا نروح ونعزي اهلها ونقوم بالواجب وبعدها ننرجع الشرقيه وش قولتك
زياد مافيه حيل يناقش كان النوم والارهاق واهم شي الحزن مكفينه دهوور : اللي تشوفه
احمد: عن اذنك بس بكلم الاهل شوي
زياد: خذ راحتك
احمد راح واتصل على اخته في
في: هلا حموود
احمد بجديه: في مي عندك
في صلحت جلستها: لا ما عندي احد بس جالسه على الماسن وش السالفه
احمد: شوفي يا في الكلام بيني وبينك
في شدها الموضوع: افااا ياخوي سرك في بير وش السالفه
احمد ما حب يقول كل الموضوع: شوفي انا رحت قبلكم لان زياد محتاجني
في سمعت اسمه وحست الدم في عروقها نشف واهي كانت تتجنب سيرته تبي تشيله من راسها ما ابي احب وش اللي يصير فيني لااا لااا الا زياد الا زياد
احمد: الوو في
في صحت من افكارها: ايه معاك محتاجك في ايش
احمد: شخص غالي عليه توفى امس
في زعلت : لاحول ولا قوه الابالله الله يصبره
احمد : شوفي ام سعد دقت على امي وقالت شي عنه اولا قالت انها تدق على زياد ومايرد والا لا
في: بصراحه ما سمعتها كلمت ام سعد من فتره من بعد الاستراحه
احمد: المهم شوفي اذا دقت قولي لامي ان زياد جواله خرب واذا رحنا الدمام بيشتري غيره عشان اهو ما يبي يكلم امه لانها بتحس ان فيه شي واهو ما يبي احد يعرف
في استغربت وش السالفه بس ما حبت تستفسر اكثر: اوكي ولايهمك
احمد واهو يمشي بيرجع لزياد: كفوو والله فيويه يله سلميني على امي والوالد اشوفكم بكرا انشاء الله
زياد سمع اسم في وجاه شعور غريب حزن ممزوج بفرح ليش افرح لما ينجاب طاريها
احمد: في تسلم عليك
زياد فرح من سلامها: الله يسلمك وياها اجل بيجون بكرا
احمد: هذا المفروض وابوك معاهم
زياد: ايه بجون انشاء الله
&&اليوم الثاني الصباح في بيت ابو احمد&&
ام احمد : صباح الخير
ابو احمد يشرب عصيره: صباح النور
ام احمد: اجل اليوم بتروح بدري الشركه وش السالفه العاده تروح 9 الحين 7
ابو احمد: في شغل متراكم علينا عشان اليومين اللي خلينا الشغل كلنا وقعدنا في الاستراحه لا انا ولا ابو سعد ولا ابو فهد وعبدالله قايم بالشغل كله وتعب عليه
ام احمد تاكل زيتون: غبتو عن الشغل يومين يسوي كذاا
ابو احمد:اكيد هذي معاملات ناس واشغالهم عقود ومواعيد لازم نلتزم فيها
ام احمد: والله يا ابو احمد العمر يخلص والشغل مايخلص
ابو احمد صدقتي
الا بنزله مي : صباح الخير على عصافير الحب
ام احمد: صباح النور وش صاير في الدنيا صاحيه بدري اليوم
مي: نمت بدري صحيت بدري على قوله اخونا اللبنانين نام بكير واصحى بكير شوف الصحه كيف بتصير ايه لا تصرفون يا عصافير الحب
مي تكمل: انتو اكيد يبه كنت تغازلها قبل ما اجي كمل كمل عادي خلني اتفرج نتعلم
ام احمد: استحي على وجهك يا بنت
ابو احمد:ههههههههههههههههه ايه بس ما اغازلها عندكم بيني وبينها
ام احمد استحت: ابو احمد
ابو احمد يبي يجننها: يا عيونه
مي : ياااااااااااهووو كذا من اول
ام احمد: اقول تسكتين والا بهالصحن
مي:هههههههههههه سكتنا سكتنا >>وراحت عطت ابوها بوسه
ابو احمد: مشكوره على البوسه ويله مع السلامه
مي وام احمد: مع السلامه
كان جالس في مكتبه حاط رجل على رجل يفكر بكلام امه يفكر كيف صار لعبه في يدين اخوانه فلوسه بين يديهم لو احد ياخذ منها شي بيكون اهو اخر من يعلم واخرتها لازم يتصرف كلام امه كله صح
راشد: يمه صعب صعب
يتبع<<

[عاشقة الحرف]

تابع>>طرفه: وش صعب انت الثاني يعني راضي اخوانك من ابوك ييلعبون بفلوسك وانت المسكين عشانك ساكت محد ياخذ لك اعتبار وراي
ابراهيم واهو يرجع بياله الشاي: يمه اهم ما قصرو معاي انا لازم اكون موافق على كل شي واوقع على كل عقد قبل ما يتم
طرفه تبي تزيد النار حطب: ياوليدي هذا يسمونه رفع عتب رفع عتب انا اعرفهم اخوانك كل الشر الحقد عليك لان ابوك يفضلك عليهم كلهم ويحسب حسابك في كل الشغل
راشد بدى يقتنع: طيب يمه وش اسوي
طرفه اخيرا ارتاحت وبدت تشغل اسلوب الافعى اللي تستخدمه دايم مع اخوان ولدها: شوف انت موتقول انهم ما يسوون شي بدون ما تعرف وتوقع عليه
راشد يصلح جلسته: ايه وش دخل هذي في الموضوع
طرفه: خلاص فلوسك اسحبها من الشركه حبه حبه من دون م احد يعرف
راشد : يعنيي اسرق
طرفه: ياغبي احد يسرق حلاله ماله
راشد: ايه صح خلاص ببدى اسحب فلوسي من الشركه
طرفه تبتسم في وجه ولدها: ايوه ونسوي انا ويك شركه لحالنا لا تنسى انا عندي مبلغ محترم في البنك وذهبي يسوىملايين
راشد عجبته الفكره: ببدى بالخطه من بكراا
طرفه: كفو والله وانشاء الله اذا خلصنا راح ازوجك بنت تقول للقمر قوم وانا اجلس مكانك
راشد استانس : انشاء الله يله فمان الله
طرفه: مع السلامه
قاطع افكاره ابو احمد كان عند الباب
ابو احمد يناظر راشد يلعب بالقلم: عشى ما اشغلتك عن القلم
راشد صلح جلسته: ههههههههه لا ما اشغلتني تفضل
ابو احمد: بس حبيت امر عليك واسلم قبل ما اطلع البيت وفي كم عقد مع شركات اجنبيه ابيك تتطلع عليهم وتسوي دراسه للي له الافضليه في اننا نلتزم معاه
راشد : انشاء الله تامر
ابو احمد واهو يقوم: ما يامر عليك ظالم يله مع السلامه
راشد: مع السلامه
كيف يا ربي راح اخذ حقي منهم من دون ما يحسون وشلون كيف لازم القى طريقه لازم راح المكتب ولقاه لسى منورطق الباب
:تفضل
راشد:مشغول
ابو متعب: لا فاضي وش عندك
راشد متردد وخايف من رده فعله: ابي اكلمك في موضوع مهم
ابو متعب شد انتباهه: اللي هو
راشد : وابيه يكون بيننا
ابو متعب : افااا عليك اكيد
راشد: انا راح اأسس شركتي لحالي وبترك الشركه هنا
ابو متعب تفأجا من كلامه: طيب ليه الشغل هنا ماشي على احسن ما يرام
راشد : انا ابي اشتغل لحالي الشغل هنا زين بس غير لما يكون كل شي فيه حلالك
ابو متعب ما فهمه: طيب مو انت صاحب حلال هنا
راشد: انا ابيك تكون شريكي
ابو متعب: انااا
راشد: ايه بس انت عارف ان ابوي واخواني ماراح يعطوني فلوسي لانهم ما يبوننا نتفرق بس انا ابي اطلع من هنا واشتغل لحالي
ابو متعب جلس يقلب الكلام في راسه شاف اللي فيه مصلحته راح يسويه: خلاص انا موافق
راشد: شوف لازم جلساتنا راح تكثر عشان نقدر نرجع فلوسنا كلها
ابو متعب: طيب نقول لابو احمد اتوقع ماراح يرفض
راشد ما لقى نفسه الا يقول: انا قلتله ورفض وقالي ما في طلعه من هنا وفلوسنا ما تطلع مدامني حي
ابو متعب: خلاص شوف اللي راح نسويه وانا معاك للاخر
راشد واهو بيطلع من الباب: خلاص انا بقولك كل شي بعدين انت ماراح تروح معاهم الدمام اليوم
ابو متعب: ليش راحو بيوتهم الحين
راشد: ابو احمد توه رايح يرتاح شوي عشان وراه طريق وابوفهد وابو سعد من العشا طالعين
ابو متعب : وانا جالس يله بروح بيتي
راشد: مع السلامه
ابو متعب: وانت ماراح تلحقنا
راشد: لاعندي شغل اهم
ابو متعب: طيب براحتك نشوفك قريب انشاء الله
راشد: انشاء الله مع السلامه
وسكر الباب وراه جلس يفكر هذا وقته جت الفرصه لحد عنده راشد غبي وساذج ممكن يكووش على كل شي واهو ساكت مو مثل ابو احمد وابوفهد وابو سعد اللي جالسين له جلسه جلس يتأفف اليوم ما في طلعه استراحه وسااعه صدر مثل امس يعني لازم امسك نفسي اربع ايام قدامهم حسبي الله عليهم من بنات لو ما صجوني بالروحه كان انا جالس ومروق واخطط براحتي قاام شال اغراضه وراح بيته عشان الفجر راح يمشون كلهم مع بعض
%%%نرجع للبحرين%%
احمد اجبر زياد انه ينام له على الاقل ساعه عشان العصر يروحون يعزون مدري ليش حس احمد ان هذي الطريقه خلاص بتنهي خلود من راس زياد وبتخليه يتقبل واقع موتها فكر ومالقى الا هذا الحل دخل غرفه زياد لقاه مظلمه وبااارده حيل
احمد: زياد يله قووم خلنا نروح
زياد يفتح عيونه بصعوبه من نور الغرفه القوي: طيب بصحى دقيقه
احمد: يله عشان نلحق
زياد قام دخل الحمام الله يعزكم خذ له شاور عشان يصحص من النوم اللي ما نامه له يومين ما نام الاساعتين
طلع لبس جينزغاامق مع حزام اسود عريض وتي شيرت اسود وكاب كان الجو هاليومين دافي طلع لقى احمد لابس وجاهز سكر التلفزيون : يله مشينا
زياد بحزن: يله
ركبو السياره والهدوء سيد المكان كان احمد مشغل قران يبي نفسيه زياد ترتاح شوي وكان زياد سااكت بس يأشر لاحمد من وين يروح ويرجع يسكت مو مصدق بيحظر عزا حبيبته عيونه اللي كانت بتكون زوجته
احمد كان طول الطريق باله مع غيره مع نوف كان اكثر واحد فاهم احساس زياد لانه بمجرد انه تخيل انه بيفقد نوف حس بأحساس الضايع التايه ماله في الدنيا هدف انا اتعب عشانها اتنفس عشانها اشرب واكل عشان عيونها للي اتمنى شوفتها اليوم قبل بكراا قطع افكاره انهم وصلو بيت ابوخلود
كان زحمه وسيارات ماليه المكان ناس تدخل وناس تطلع شافهم ما صدق يعني الموضوع صدق انا توقعت بوصل عند البيت وبتنزل اهي ماسكه شنطلتها وتضحك
كان جالس ومنزل راسه تحت نزل احمد وفتح بابه
احمد: زياد يله نزلنا
زياد بستسلام: يله
نزل سكر باب السياره يحس حركاته تصير بالحركه البطيئه كل خليه في جسمه ترفض هالواقع واقع مر صعب عليه يتقبله دخل البيت ويشوف الكل لابس اسود والناس الحزن مالي وجهها تنهد مسك دموعه دخل ولقى ابو خلود واقف عند الباب شافه كم مره انسان طيب على عكس كلام خلود اول مره لما كذبت عليه ما فهم ليش سوت كذاا
احمد واهو يمد يده: احسن الله عزاكم
ابو خلود: جزاك الله خير
زياد منزل راسه ويمد يده: احسن الله عزاكم
ابو خلود حس انه قد شافه بس ما تذكر وين: الله لايجيب لكم مكروه
جلس زياد واحمد يشوف الناس تروح وتطلع جلس دقايق حس بها دهور وسنين شاف الناس تطلع بتروح المسجد تصلي عليها
احمد: زياد يله نمشي
زياد بحزم: لا بصلي عليها معاهم
احمد ما حب يتناقش معاه: براحتك يله نروح

[عاشقة الحرف]

تابع<<
ركبو الناس سيارتهم وراحو جامع كبير دخلو الناس وكانت الزحمه كثيره ما توقعها اهل الخير ما قصرو والكل يدور الاجر شافهم شالين جسم ابيض مر قدامه مثل الخيال ما اصدق هذي اللي كانت تجلس جمبي اكلمها وتكلمني بدت الصلاه
نزلت دمعه محبوسه لها فتره احمد حس انه يبكي ويمسح دموعه
ما الومك يا اخوي ما الومك
خلصت الصلاه وطلعو الناس للدفن
زياد: يله نروح
احمد تفأجا: تبي تروح للدفن والمقبره
زياد ماسك دموعه: ابي احط التراب عليها بنفسي عشان ارتاح
مسكه وحضنه كان محتاج حضن ينزل شوي من همومه اللي تهد الحيل عليه
كملو طريقهم للمقبره اللي تبعد عشر دقايق عن الجامع عشر دقايق كانت سواد في سواد بالنسبه له
وقف احمد سيارته مع الناس ونزل وزياد نزل معاه شاف دنيا غير الدنيا والناس تدخل صحيح كانو اقل من للي في الجامع بس حمد ربه لانه راح يقدر يودعها
شاف طيفها من بعيد يسلم عليه نزلت دمعه حاره على عينه دفت خده الباره من بعد لمستها لمسه يدها اللي مافي ارق وانعم منها
كانو شايلنها وزياد يحس انهم بكل خطوه تضيع سنه من عمره يتحسر مليون مره عليها وعلى نفسه بس كان فيه نفسه يطلب لها الرحمه وصلوا للمكان الي راح تندفن فيه خلود ثم نزلوها في قبرها وتشوف الناس حولها يتحسرون على جمالها وشبابها قدر ومكتوب ناس صابره وناس دموعها تسبق كلماتها ناس تهدي ابوها المسكين اللي ماله في هالدنيا غيرها صدق ان اخوانه كانو موجودين رفع عتب بس
لاحظ شخص كان منعزل شوي متلثم ودموعه مغرقه شماغه تشوف لحظه ماسك كتف ابو خلود وتكلم قدامه بكلمات تهدي النفوس عن الصبر والدعاء اهو اللي راح يفيدها ولحظه تشوف جوا قبرها ينزلها لمثواها الاخير اللي بتلاقي فيه ربها..
بدى التراب يغطيها وكل شخص موجود مسك حفنه تراب ورماها عليها وراح واهو يدعي لها بالرحمه والغفران
فضت المقبره وابوها بدى يمشي بخطوات متثاقله يمسح بكم ثوبه بقاي دموعه
احمد كان جالس يتفرج وساكت ماكان مصدق هذا زياد نفسه شافه منكسر وجهه كان اسود كأن هموم الدنيا على راسه صدق فراق الاحبه صعب بس ما توقعه بهالصعوبه دعى في قلبه الله انه ما يجرب هالاحساس ابداا
زياد كان في عالم ثاني لاحظ شخص يناظر من بعيد بس ما تجرأ يكلمه استغرب منه كيف كان يعامل ابو خلود
بدى يقرب منه : يا الاخو
زياد رفع راسه بثقل:هلا
راح شال اللثمه: معاك علي
زياد قام ومد يده: والنعم تفضل
على: بس ابي اعرف مين انت
زياد: بس لحظه مو انت علي عم خلود
على مثل اللي تذكر شي: لا يكون انت زياد
زياد: معاك بشحمه ولحمه
على : خلود قالت لي عنك
زياد تذكر ونزل راسها: الله يرحمها
علي: الله يرحمها بس اهي عطتني ورقه اعطيها لك كنت ناوي اروح واسأل فاطمه عنك وعن عنوانك بس شف الصدف
زياد مستغرب: ورقه
علي: اهي كاتبه ورقه لكم شخص وفي ورقه منضمنهم لك انت قالت لي اسلمها لك يد بيد>>طلع الورقه من جيبه
زياد اه يا خلود :مشكور
علي : العفو خلود كانت تعزك كثير
زياد يهز راسه: عارف معزتي عندها
علي: يله عن اذنك
زياد يمد يده : اذنك معاك ومشكور على انك وصلتها لي ما تعرف قد ايش مهمه هالورقه بالنسبه لي
علي: العفو وصيه المرحومه لازم تتنفذ بالحرف
مشى وتركه يرجع لعالم احزانه في هاللحظه نسى الدنيا وراه كان الكلام بينه وبين دنيته اللي غابت عن عينه زياد كان يتكلم بصوت مسموع
خلود اوعدك ياحياتي ماراح احب غيرك ابداا انتي عمري ودنيتي كلها حياتي من غيرك ظلام بظلام ....

دموعه تعبت من كثر ما اهي محبوسه نزلت انهار على خده مسحها وكمل
انا بضيع من بعدك كنت اتعب وادرس كله لعيونك عشان اقدر اخطبك وانا خلااص درست كرهت الدراسه اللي بعدتني عنك كرهت الدنيا اللي فرقت روحي منك انا اسف اسف وبدى يبكي بكى يقطع القلب
احمد سحب نفسه وراح السياره لان زياد متى ما خلص راح يجي لانه لازم يرجعون الشرقيه اليوم ما يبي احد يشك ان صاير شي يكفي نفسيه زياد الززفت اللي بيرجع لهم بها
مسح دموعه بعد ما وعدها وعد انه ماراح يحب وحده بعدها وعد صعب أي شخص يحافظ عليه بس كان متأكد بعدها مافي حب ابداا
فتح باب السياره وركب بكل هدوء قال: مشينا ورانا طريق
احمد: مشينا
&&&في الرياض وفي بيت ابو فهد بالتحديد&&
ابو فهد معصب موصل حده: ام فهددددددددد
ام فهد تركض: هلا نعم نعم
ابو فهد: يله يا مره اخرتونا وين شنطكم ابي اركبها
ام فهد: ها يله يله نوف تسكر شنطتها الحين وخالد ركب شنطته في سيارته
ابو فهد عصب زياده: توها تسكرها الحين مو قايل جهزوها امس
ام فهد تبي تبرر: معليش ما نامت الا متاخر ونست لا تعصب عليها عاااد
نوف توها نازله من الدرج تجر الشنطه جر خايفه من ابوها عارفته في موضوع السفر والشنط يعصب ويهزء ونست تجهز شنطتها من بدري
نوف : والله اسفه يا بابا حبيب قلبي من دون تعصيب والله تمصعت من الشنطه >>ومسكت كتفها
ابو فهد :ههههههههههههههههه طيب تستاهلين عشان تنزلينها من بدري والا تخين شمسيه والا كارني تنزلها
نوف: الله ياخذهم من شغالات هذي شمسيه ام لسانين والله يوم تشوف لسان يرقص في الارض اعرف انا اللي قاصته
ابوفهد:ههههههههههههههههههههههههه ليش؟
نوف: الحماره اقولها نزلي شنطتي تقول ليش انتي ما في نزل انا عندي شنطه انا نزل
ابو فهد:هههههههههههههههههههههههههههه واهي صادقه
نوف مدت بوزها: يعني انا ينخلع كتفي عادي واهي عمتي ما تشيل شي وامي ماقصرت مخليتهم مايقعدون ابي وحده تساعدني كل وحده مشغوله وتنافخ
ام فهد: ايه وشو عندنا اشغال نجهزها مو انتي الي بس نفسي نفسي
نوف كشرت: ياربي كلتوني خلاص هذي الشنطه وصلت بالسلامه وطارت فوق تجيب جوالها
خالد كان يركب شنطته وسنطته اخته معاه لانها بتركب معاه كان سرحان فيها
كان سرحان بمها اللي كم ساعه ويمكن يشوفها كان يحاول يتوقع الاحساس اللي بيحسه لما يشوفها
نوف: خلووود
خالد انقطع تفكيره: يله مشينا
نوف : مشينا ابوي والباقي كلهم ركبو وبيطلع السياره الحين بس استناه يدق على عمي ابراهيم يشوف اذا طلعو والا لا
خالد: دقي عللا مي والافي وشوفي
نوف: طيب>>طلعت جوالها واتصلت على مي
%%%
نوف : هلا ميويه
مي تلبس عبايتها: هلا نوف
نوف: ها طلعتو والا لسى
مي: يله طلعنا اانا البس عبايتي وبطلع يستنوني في السياره
نوف: طيب لما نوقف نستنى الباقين تعالي معاي انا وخالد في السياره نفلها وساعه صدر
مي ودها تشوف خالد ودها تبعد عنه هالفتره: مدري اذا وقفنا اشوف
نوف: طيب يله نشوفك
مي: انشاء الله باااايو
نوف: بايات

66 ^^^^^^^^^^^^^^^^^^^^^66
في بيت ابو متعب
حصه واهي تصرخ: مهااااااااااااااااا مشاعل وصمه يله انزلو تأخرنا والا بنجلس
مها واهي نازله: طيب يمه اعصابك شوفينا نزلنا
مشاعل وراها تافله العافيه صحوها من احلى نومه : ياربي وش ذا ما ابي اروح هونت ابي ارجع انام
ابو متعب: طسي نامي
مشاعل خافت من ابوها: وانتو تخلون احد ينام زين في هالبيت يله بس خلونا نمشي
ابو متعب نفسه في خشمه اليوم ترك احلى طلعه مع شلته شله الخراب والبلاوي عشان يسافر معاهم ابو متعب شخصيه معقده الكل يحاول يفهمها بس مو قادر يمكن نتسأل احيانا ان أي عائله افرادها ما يفسدون ويمشون في طريق الفساد الا اذا كان في خلل في التربيه
مها ومشاعل اكبر دليل على هذا الكلام الكل يعتقد انهم عايشين في بيت مثالي لاب وام كلهم حنان ومثال للتربيه الصالحه فكيف ممكن ينحرفون بس ما خفي كان اعظم من اب يشرب في الليل ومهمل لبيته لام مو سأله عن عيالها تقوم بدور ام كتأديه واجب
^^^^^
وفي سياق القصه راح تظهر جوانب في الشخصيات كانت غامضه ومجهوله ومن الممكن ان تظهر شخصيات جديده يكون لها ادوار كبيره ومهمه في القصه وقد توجد شخصيات ذكرت اسمائها لها ادوار مهمشه او قليله الظهور ولكنها شخصيات تضيف لمسات جميله على حياه هؤلاء الاشخاص
كيف راح تكون هالسفره ايضش الاحداث والمواقف للي راح تصير مين راح يعترف لمين وكيف راح يكون حال البعض الثاني كله في الجزء السابع.؟؟

[!!! الرومـ ^_* ـانسي !!!]

<<<<<<<<<<< ضغطي مرتفع يبغى يعرف ايش كاتبه خلود لزياد
ينتظر التكمله

[عاشقة الحرف]

اقتباس المشاركة الأصلية كتبت بواسطة الفارس الرومنسي <<<<<<<<<<< ضغطي مرتفع يبغى يعرف ايش كاتبه خلود لزياد ينتظر التكمله

يعطيك العااااااااااااااافية ..

أخوي : الفارس الرومنسي ..

يسعدني تواصلك معي لأحداث القصة ..

وراح أنزل الجزء السابع ..

[عاشقة الحرف]

^^^ الفصـــــــــــــــــل الســـــــــــابع^^^
بدت الرحله والكل كانو في سيارتهم تواعدو في محطه على الطريق الكل يستنى الباقي عشان يتخاوون في الطريق وصل ابو احمد اول واحد وجلسو يستنو الباقي يوصل
مي : ايي أي عمى يا الدب وخر عني يبه شوووفه
بدر : وش فيك انتي
مي: هذا الشي اللي تدعسه رجلي يا بني ادم بعد عني بعدد
في حاطه أي بود في اذنها وفي عالم ثاني اكيد عرفتو مين اللي شاغل بالها حست ان فيه شي كبير والا ليش احمد يتصل ويقولي اذا دقت ام سعد ومدري ايش زياد انا وش اللي بلاني فيك طول عمري ابعد عن الحب واغنيله خخخخخخخخخ وصرتي شاعره يا في بس مي مي اهم عندي من نفسي انا ما اقدر اجرحها ابدا هذي اختي ولازم ابعد عن زياد هالفتره كل ما بعدت كل ما كان احسن واتوقع سفرته لكندا قريبه وبجلس فتره طويله ماراح اشوفه الدراسه راح تشغل كل تفكيري
^^^^^^^^^^^^^^^^^^^
مي واهي تهز في: وش فيك لي ساعه اسولف يا حظي
في واهي تشيل السماعه من اذنها: نعم وش عندك
مي: يسلام وانا اقول اعرفك دفشه ما تسكتين صرتي حاطه السماعه في اذنك
في: ليش وش كنتي تقولين
مي: كنت اقول انك ثقلانه صايره فيل اعوذ بالله وش تاكلين
راحت في وعطتها خبطه معتبره على راسها: عمى ما فيل غيرك ماكله نص الكرسي وساكتين
بدر: هيييييييييي عاشت فيويه والله
مي : اقول بس اسكت ترا ما يصيرلك طيب
ام احمد: انتو اللي ورا تراكم ازعجتونا ترانا لسى ما طلعنا من الرياض والله لخلي ابوكم يرجعكم البيت واجلسو
مي: ها انا بسكت بس وخري ولدك عني
في رجعت حطت السماعه في اذنها راحت في دنيا ثانيه
مي ماكانت محتاجه شي يدخلها عالم الافكار حست خالد بدى يتسلل لتفكيرها من يوم ما تغير وصاير يطرا على بالها اكثر بكثير اشغلها تغيره وطريقه كلامه معاها اخر مره وقررت في نفسها انها ماراح ترجع الرياض الا عارفه وش فيه وش سبب التغير


^^^^^^^^^^
وصل خالد ونوف وبعدهم ابو سعد وابو متعب وقفو يعبون بنزين واللي نزل يشتري من البقاله
نوف: خالد انزل جبنا لنا شبسات وبيسي من البقاله ترا ما جبت معاي شي
خالد: وانتي ما همك غير بطنك
نوف: يعني باكله لحالي انا بخلي مي وفي يجون يركبون معانا
خالد لما سمع اسمها نغزه قلبه: قلتي لها والا لسى
نوف: ايه قلتلها
خالد: وبتجي
نوف: قالت اشوف
خالد ما كان وده يشوفها او يجلس معاها في مكان واحد شوفه عيونها ترجع تقلب مواجع قلبه بس ماقال شي ما يبي اخته تحس بشي انه رافض وجودها : طيب شوفي بتجي والا لا شوفي راح عمي يركب السيارته
طلعت جوالها ودقت على مي$$
مي : هلا نوفه
نوف: هلا مي ها تجين معانا
مي اذا في بتجي معاي استني
**جلست مي تهز في بقوه**
في متنفرزه:ها ها وش تبين
مي: هذي نوف تقول تجون تركبون معنا
في: مع مين
مي: خالد اهي راكبه معاه هالبنت على الخط اخلصي
في:طيب يله على الاقل احسن من الكتمه اللي هنا بس اسألي ابوي اول
....دقت على ابوها...
ابو احمد: ها خلاص روحو خالد مثل اخوكم
مي : انشاء الله مع السلامه
نزلو وراحو ركبو معاهم
مي اول مره تحس انها مستحيه من خالد: السلام عليكم
نوف: وعليكم السلام
مي لاحظت ان خالد مو موجود: وين اخوك
نوف: راح البقاله يبجيب اغراض وجاي
في: هلا نوفه اخبارك يا الدبه وشلون اخوي معاك
نوف تذكرت احمد اللي ما غاب عن بالها دقيقه فرحانه مو فرحانه طايره من الفرح انها بتشوفه قريب: احنا اوكي الحمد الله
%%%
مشاعل: مو كن في ومي ركبو مع خالد
مها كانت سرحانه من سمعت اسمه فز قلبها: ها خالد وش خالد
مشاعل لاحظت حركه اختها المفااجاه بس طنشت: اقولك مي وفي ركبو مع خالد ونوف في سيارته
مها: طيب وش اسوي>>ياليتني مكانها ياليت
مشاعل: طيب اعصابك اف ما يقدر الواحد يقول كلمتين على بعض معاك
كانت مشاعل جالسه تسولف اهي وفهد وبينهم مسجات
مشاعل
((مجنون انت وش تلحقنا))
فهد رد
((اذا تسمين حبي لك جنون فانا مجنون وبعدين انا مشتاق لك وبجي))
مشاعل
((وش تجي تسوي))
فهد
((بجي ومعاي صديقي وراح اشوفك يعني بشوفك))
مشاعل
((نشوف بعدين))
^^^^^^^^^^^^^^^^
شافته ماشي من جد التغير باين عليه ركب وبعد السلام و الكل بدى يمشي
نوف:ها في ترا انتي الوحيده اللي تحمسين الواحد
في: خلاص انا ناويه بركب جت سكي راكبه راكبه الله لايعوقني بشر
نوف: خلاص وانا بعد ابي اجرب
في:خالد
خالد كان سرحان وباله مو معاهم
نوف: خالد في تكلمك
خالد انتبه: ايه وش تبين
في: كنت اقول نبي نركب جت سكي ونبيك تركب معانا
خالد: طيب ما طلبتو شي انا كنت بركب بكم والا من دونكم خخخخخخخخخ
في: مالت عليك بس
كان في شخص رابع دنيته غيره الدنيا احساس جديد بدت تحسه اول مره يعجبها شكله بهاالطريقه ما قدرت تنزل عينها من عليه واهو راجع كان لابس جاكيت جنيز في بخه سوداء من ورى وصوره قلب احمر صغير ولابس جينز غامق وحزام اسود جلد وكان لابس كاب اسود بالمقلوب طالع شكله خطيير
حتى مها لما شافته انصدمت بالتغير اللي صار فيه صار شاغل بالها اغلب الوقت

666666666666666
خالد جالس يفكر ونوف وفي يسولفون من جهه افتقد صوتها الحنون سمعها مره تغني وملكت روحه بصوتها الدافي صوت كله حنان يشعرك بالامان اول مره يسمع صوت يفتن قلبه بهالطريقه وينك يامي ساكته صوتك يدفي اللي داخل الضلوع يدفيني تكلمي ليش مو حاسه بالتغير اللي فيني مين سببه ليش
://////
طفش من صجه البنات شغل المسجل كان الشريط لمطربه مغربيه اسمها((جنات)) اغنيه كان يعشقها لان اول مره سمعها سمعها من احلى صوت صوت مي
يتبع>>

[عاشقة الحرف]

تابع"<<<
^^^^^^^^^^^
فات يجي اكثر من سنه ومنستش ليه وبقول يا ريت ايامنا تاني يرجعو
واما بقابل حد بيتكلم عليه بضحك عشان بخاف عنيا يدمعووو
يا البي هي هيا لو بعيد او بين ايديا نقطه الضعف اللي فيا اني لسى بحن لي
يا البي هي هيا كل ذكرى عشنا فيها انسى ايه انا والا ايه
البعد لو بينسي ليه ما ينسينش دنا حبي ليه كأنو لسى في اوله
الاسم عايشه وفي الحقيقه انا لو حعيش حعيش عشان يا البي افضل احنلوو

كانت تسمع الاغنيه وتردد الكلمات وراها استغربت ان خالد يحب هالنوع من الاغاني لانها سمعت من نوف ان كل الاغاني اللي يسمعها اجنبي وروك بعد ياليت اعرف يا خالد ليش تغيرت والا اذا كان انا السبب...


Oo كان الطريق مزحوم شوي بحكم انه موسم اعياد والكل يبي يروح ويغير جو قبل ما تبدى المدارس Oo
في سياره ابو احمد كان الهدوء يعم السياره الكل نايم ما عدا ام احمد اللي جلست تقول لابو احمد عن الناس اللي بيخطبون مي
ابو احمد: وانتي تشوفين ان في تصلح تتزوج الحين
ام احمد: اذا كان الرجال كفو ومحترم وراعي صلاه ليش لا رجال مثل كذا ما يجي كل يوم
ابو احمد: صادقه بس لازم نشوف راي البنت اول يعني انتبهي تقولين لام فهد قبل ما نسألها ومو تسألينهاالحين هذي اخر سنه توجيهي واهي مو محتاجه شي يشغلها عن دراستها انا ابيها تجيب نسبه ترفع الراس وتصير دكتوره والا أي شي تبيه اهي
ام احمد : انا عارفه انا مو ناويه افتح معاها الموضوع الا بعد ما تخلص دراستها يعني على العطله الصيفيه انشاء الله
ابو احمد : صدق انا اعرف الرجال وولده زين رجال كفو والله وبيننا مصالح كثيره بس الموضوع لازم يتم بينكم يا الحريم اول بعدين يجون يكلموني
ام احمد: الله يكتب اللي فيه الخير
ابو احمد: امين
**ممكن ام احمد وابو احمد كانو يظنون ان الكل نايم بس بدر كان صاحي وفاتح اذانيه صح وسمع كل كلمه **

في سياره ابو متعب
حصه: انا ابي اسافر في العطله نروح جنيف باريس أي شي ما ابي شي قريب
ابو متعب: يصير خير بس
حصه: وش الي يصير خير قلي بتسفرنا والا لا
ابو متعب: يا حرمه اسكتي خليني اركز على الطريق مو شايفه الزحمه وشلون
حصه واهي مكشره: سكتنا بس مالك امل تصرفني بسافر يعني بسافر
ابو متعب: الحين انتي حرمه وش كبرك وتتكلمين مثل البزران وش خليتي لبناتك اشوفهم ساكتين
مشاعل: نسمعكم
حصه : شفت ما يسكتون عبث اقول بس انتي اخرتك بتتنطقين هنا وانا وولدي بس بنسافر
مشاعل تصفق بيدينها: لا والله وخير ليش يعني
حصه: اذا ا بلعتي لسانك مافي روحات
مشاعل سكتت غصب عنها بس كانت مستغربه من هدوء مها مها اللي كانت تمشي ابوي وامي على كيفها في موضوع السفر هالمره ساكته
$$حصه انسانه تشبه زوجها لها وجهين مثل ما يقولون قدام اهلها تبين الام الحنون للبنات اللي ما تقصر معاهم بشي بس في البيت اهي انسانه ثانيه هذا اذا كانت تجلس في البيت كانت تشتغل عند وحده من الاميرات ودايم طالعه معاها حفلات وعروس ومناسبات وتاركه البنات عايشيني حياتهم ويربون انفسهم لا حسيب ولا رقيب $$


في البحرين %%%%%555
زياد وبعد يوم تعب كل خليه اعصاب في جسمه راح شقته وجلس يجمع ملابسه كان لابس تيشيرت اسود كت وشورت ويحط ملابسه بس يبي يخلص ويرجع الديره تذكر الورقه اللي خذها من علي حتى الورقه بمجرد مالمست كفوفك صارت تنبض بريحتك يا خلود
احمد: ها خلصت
زياد: خلصت يله خلنا نروح
احمد: يله
ركب الشنط في السياره ومشوو

××اكيد تتسألون عن وصيه خلود خلود كانت كاتبه على الظرف عمي علي ما تفتح الظرف الا وفاطمه موجوده××
علي اتصل على فاطمه اللي اخذ رقمها من جوال المرحومه واتفق يلقها في كوفي
علي كان سرحان في الوصيه وش ممكن مكتوب فيها لحد ما فجأه ظلم المكان من حوله انتبه ان فاطمه واقفه قدامها واهي اللي سدت النور كان الكوفي رايق ورمانسي كانت انواره هاديه له طابع شرقي غريب ستاير كانت ملونه بالاحمر والبرتقالي الهادي وريحه القهوه تعبق في المكان تذكر اخر مره جا المكان مع خلود بس لاحظ فاطمه واقفه سحرته اول مره يشوفها بهالشكل

//كانت فاطمه جميله سمراء عيونها كبار وعسليه وطالع خصله من شعرها بلون بني شوكلاته من تحت الحجاب معطيتها جمال كانت عبايتها ناعمه وعليها كريستال بلون موف بنفسجي وزهر فاتح
علي واهو يقوم من الكرسي ومبلم : هلا فاطمه تفضلي
جلست فاطمه: تفضل خلنا نفتح الورقه واروح لان اكيد ولد عمي بيلحقني بعد شوي وما ابيه يسوي لك مشاكل لانه مشكلجي ومركز الشرطه يزوره اكثر من بيته
علي ابتسم لها: لا ولايهمك ماي مشاكل حتى لو جا
فاطمه استغربت من رده بس كانت تبي تخلص وتروح قبل ما يجي يحيى:طيب ممكن تفتحها الحين
علي: اكيد بس لازم نشرب شي
فاطمه: اانا ما ابي شي
علي: بس انا عطشان وجالس مستنيك
فاطمه انحرجت: طيب اطلب لي أي شي كاس ماي يكون احسن
علي: انشاء الله ماي ماي
بعد ما جاهم اللي طلبوه اللي هو كاس مويه على قولتنا
علي بيدين ترتجف يفتح الورقه وكانت عيون فاطمه ملاحظه توتره واهي كانت متوتره اكثر منه لانها ماعندها فكره عن هالورقه خلود ماقالت لهاعنها
فتح الورقه وقرى مضمونها بصوت مسموع..

Ooهلا يا علاوي عارفه انك ما تحب احد يقولك علاوي بس انا الحين وانت تقرى هالورقه اكيد في قبري سلملي على فاطمه عشانها جمبك
انتو اكيد مستغربين اانا وش بوصيكم عليه صدق انا ما عندي املاك واموال كثيره اقسمها على الناس بس انا طول فتره شغلي كنت اجمع مبلغ لاني كنت اشتغل شغلتين محد يعرف عنهم شي والمبلغ 3000دينار =تقريبا 30000 ريال سعودي للمعلومه فقط
انا حاطتهم عشان خواتي وابوي من لهم بعدي وانت عارف يا عمي ان راتب ابوي التقاعدي ما يعيش منه احد هذا اول شي
الشي الثاني انا كنت بقولك لازم تتزوج من اعز صديقه لي فاطمه اللي اكيد وجهها انقلب الحين مليون لون يا الله يا انك وحشتيني يا فطووم
&&فاطمه بدت تمسح دموعها اللي خانتها&&
وكمل : بس عمي علاوي سبقني وقال انك معجبته يا فطوم من قدك عاجبه علاوي
___علي انحرج من فاطمه مرره ..__
كمل كلامه واهو في غايه الاحراج: بس يا عمي انتبه لفاطمه اهي مثل اختي ولو انا مو شايفه ان انتو الاثنين تصلحون لبعض وتقدرون تسعدون بعض كان ما سعيت اني ازوجكم حتى ولو انا ميته
شقهت فاطمه وحز في نفس علي كلام خلود مد لها منديل: تفضلي
فاطمه خذته بكل هدوء مسحت دموعها: تفضل كمل
كمل كلامه وعين على الورقه وعين على فاطمه للي تكفف دموعها : واخر شي بقوله يا عمي انتبه لابوي المسكين واخواتي تراهم امانه في رقبتك وفاطمه حاولي تكونين اخت لهم وحلي مكاني والله يوفق الجميع ويوفقكم كنت اتمنى احظر عرسكم بس ادعو لي بالرحمه

Oo خلود oO

سكر الورقه بصعوبه شاف دموعه بدت تخونه مسحها قبل ماتنزل
فاطمه بصوت ضعيف: الله يرحمها
على: امين
فاطمه واهي تقوم من الكرسي: انا استأذن
لمحت فاطمه اخر شخص كان ودها تشوفه وكانت متوقعه تشوف
يحيي وكان الشرر يطلع من عيونه جا وضرب يده بقوه على الطاوله: انتي وش جابك هنا
فاطمه واهي تاخذ شنطتها: وش دخلك فيني
يحيي مسك يدها بقوه : يله قدامي مابقى الاتقعدين الا مع رجال غريب تحركي
علي قام بكل هدوء : اترك يدها
يحيي واهو ينافخ: وانت لك وجه تتكلم معاي غلطان احمد ربك ما سويت فيك جريمه
علي لازال ماسك اعصابه بنبره جديه تخوف: قلتلك اترك يدها خلنا نتفاهم
يحيي واهو يفك يدها: نتفاهم على ايش انت الثاني اصلا اهي وحده فاجره والا كان ما طلعت مع رجال غريب
علي وقف الدم في راسه حس انه اهان شي مهم بالنسبه له قام بسرعه ولف يده حول رملابس يحيي ورفعه : انت لو شفتك مقرب منها لاقطع رجليك وانطلك في السجن لحد ما تعفن
علي كان قوي البنيه بحكم شغله كضابط طويل اسمر وجسمه معضل شوي له سكسوكه محدده ملامح وجهه الشرقيه خشم طويل وعيون حلوه مناسبه لملامحه

يحيي كان مليان مايل انه يكون دب ابيض وعصبي انسان فاشل في الحياه وما يحب احد ياخذ شي ملكه او مثل ما يظن ان فاطمه بنت عمه مكتوبه بأسمه انسان غبي وهمجي
كانت عيونه حمراء من كثر التعصيب: فاهم
يحيي خاف بس لسانه طويل: وانت وش دخلك فيها بنت عمي وانا لي حكم عليها
زاد قبضته على رقبته : هذي اللي تتكلم عنها خطيبتي
يحيي انصدم: أي خطبيه اهي خطيبتي انا انا
علي والدم يفور في راسه: اسمعني اشوفك لاحقها في مكان لاتكون اخرتك على يدي فاااهم
يتبع<<

[عاشقة الحرف]

يتبع<<
فاطمه كانت واقفه وحطه يدها على فمها الناس بدت تتجمع حولها من صوت علي العالي كانت مثل المنشله لما سمعت الكلمه من لسانه خطيبتي انا خطيبته من متى وشلون يسمح لنفسه يقولها قدام يحيي الحين بيسوي لي مشكله
يحيي واهو يرتجف : اقول بس هذي بنت عمي وانا اولى فيها من الغريب وماراح تتزوجها لو اذبحك انت وياه يوم العرس >>وفك يد علي وطلع يركض
علي وقف منصدم من نفسه كيف قال هالكلام بسبب وحده بس هذي الوحده انا احبها
علي انت تحب انت فاطمه خلاص اهي صارت بالنسبه لي بحكم خطبيتي
فاطمه تحاول تستوعب كلامه:انت كيف تقوله اني خطيبتك
علي تنهد وسحب كرسيه وجلس: طيب ليش ما تجلسين ونتفاهم
فاطمه تأففت : ما اقدراتاخر اكثر من كذا الحين ما تعرف يحيي وش بيقول لاخواني
علي يشرب من كاسه : فاطمه بس كلمتين هذا موضوع مهم ما يتأجل
فاطمه واهي تجلس على كرسيها: طيب تفضل
علي : يا فاطمه انا لو بخطبك ماراح اخطبك عشان المرحومه طلبت هالشي او بدافع الشفقه اللي من اني احميك من ولد عمك انا بخطبك بخطبك لانك معجبتني
فاطمه نزلت راسها استحت من كلامه
كمل : انا شفت وشلون انتي كنتي تعاملين خلود وكيف وقفتي معاها انتي بنت اصل واي شخ مكاني يتشرف يرتبط بأنسانه مثلك طول عمره
فاطمه سحبت شنطتها وقفت:عن اذنك
علي قام وراها: لحظه
فاطمه التفت عليه : نعم
علي يغمز لها: معقوله اخليك تروحين لسيارتك لحالك وانا موجود اخاف احد يتعرضلك
فاطمه: طيب تفضل وصلني ماراح اقول لا
واهم يمشون للمواقف اللي برا الكوفي
علي: فاطمه هذا موضوع مصيري ومهم خذي راحتك بالتفكير انا مو مستعجل
فاطمه تناظر خطوات رجليها: ايه انشاء الله
^^وصلو المواقف راح وفتح لها باب سيارتها
دخل راسه جوا سيارتها: عقبال ما اسكر لك باب سياره يوم العرس
فاطمه تلونت مليون لو وتناظر حولها كأنها تدور شي: ايه اوكي
سكر علي الباب واهو ميت ضحك عليها: طيب مع السلامه استنى ردك

&فاطمه تفاجأت من اسلوبه كيف دافع عنها حست انها محتاجته في حياتها سحرها بطريقه تفكيره بعقله بأسلوبه بشكله بكل شي في شخصيته حسته رجال راح يعيشها احلى ايام عمرها يعوضها عن الحرمان اللي عاشته طول عمرها حرمان من الحنان من العاطفه ويكفي شي واحد لها انه عم خلود صديقه عمرها اللي طول وقتها تمدح فيه وفي اخلاقه بس عمرها ما شافته او قابلته غير فتره ماكانت خلود في المستشفى

فاطمه" اه يا خلود حتى وانتي بعيده عني تفكيرين فيني وفي غيرك الله يرحمك"
مسحت دمعتها اللي خانتها وراحت تواجه المشاكل اللي تستناها في بيتها الله يعديها على خير

7777777777777777777


كان جالس طول وقته ساكت يفكر بحالته واللي ريحه انه سفرته قريبه يعني بيلقى شي يشغله عن همومه
احمد لاحظ الهدوء القاتل اللي اهم فيه حاول يكسر السكوت: الا اقول زياد في بشاره نسيت اقولها لك
لف راسه بكل هدوء: أي بشاره هذي
احمد واهو يناظر طريقه: نوف
زياد انشد له ولف بجسمه له: وش فيها
احمد استانس انه تحمس معاه: قلتلها وتصدق صارت تحبني
زياد فرح لصديق عمره: والله على البركه يا رجال مو انا قايل لك بس انت تحب تجيب الهم لنفسك
احمد : ايه والله صدقت ما اصدق يازياد يمكن كانت تحبني من قبلي عارف والا
زياد: يله على البركه انشاء الله دوم تحبون بعض
احمد :هههههههه انشاء الله بس طلع كلامك صح
زياد يسحب بلوزته على قدام: وانا قد قلتلك شي وطلع غلط
احمد يضحك عليه:هههههههههههههههههههههه لا ما قلت
وصلو عند الجمارك البحرينيه السعوديه
احمد يأشر على الدرج: زيود عطني الجوازات من الدرج
زياد يفتحله الدرج: خذ
احمد: اخيراا يله والله مشتاقلها
زيادك ياحظها ولله مشتاقلها
احمد: هه تتستهبل انت الثاني
زياد يضحك عليه:ههههههههههههههههه لا ابدا وانا اقدر
احمد: ايه احسب

**********

جالس يناظر الطريق طويل وكله اسود حس ان حياته صايره مثل هالطريق كلها اغلاط واوهام متى بحدد مصيري ومصير حياتي ومسارها لف شاف نوف في سابع نومه وشخار في واصل له ههههههههههههه مو بنات
لاحظ هدوءها اللي كان قاتله متعود على ضحكها ومزحها طول وقتها تتكلم مدري اذا حست بالتغير اللي صار فيني والا لا

واهي حالها مو احسن من حاله حاطه راسها على شباك السياره تناظر السماء مثل حرير اسود متداخل ببعضه القمر كان عندها عنوان للرومانسيه النجوم حوله منوره السما ومعطيتها لمعه حلوه
يااه سبحان الخالق كيف خلق شي بهالجمال كانت عايشه جو غريب السياره كانت باارده ومستحيه تتكلم وتقول يقصر على مكيف السياره
رجعت تناظر السما كانت معجبتها سواد وداخل في الوان زرقاء بسماوي فاتح حول القمر والنجوم حواليه
مي ساكته وتحاول تنمع نفسها انها تطلع أي صوت لفت براسها لان رقبتها عورتها شوي وفي كانت نايمه على رجلها ورجلها نملت((للي ما يعرفون معنى نملت يعني ان رجلها صعب تتحرك بسبب قله الدم اللي وصلت لها خخخخخ))
لفت وحطت عينها على المرايه شافته
و وش اللي شافته مي خلاها تخاف بهالطريقه وايش راح يكون رد فاطمه لعلي ؟؟؟

[عاشقة الحرف]

تابع البارت السابع
لاحظ هدوءها اللي كان قاتله متعود على ضحكها ومزحها طول وقتها تتكلم مدري اذا حست بالتغير اللي صار فيني والا لا

واهي حالها مو احسن من حاله حاطه راسها على شباك السياره تناظر السماء مثل حرير اسود متداخل ببعضه القمر كان عندها عنوان للرومانسيه النجوم حوله منوره السما ومعطيتها لمعه حلوه
يااه سبحان الخالق كيف خلق شي بهالجمال كانت عايشه جو غريب السياره كانت باارده ومستحيه تتكلم وتقول يقصر على مكيف السياره
رجعت تناظر السما كانت معجبتها سواد وداخل في الوان زرقاء بسماوي فاتح حول القمر والنجوم حواليه
مي ساكته وتحاول تنمع نفسها انها تطلع أي صوت لفت براسها لان رقبتها عورتها شوي وفي كانت نايمه على رجلها ورجلها نملت((للي ما يعرفون معنى نملت يعني ان رجلها صعب تتحرك بسبب قله الدم اللي وصلت لها خخخخخ))
لفت وحطت عينها على المرايه شافته نايم ناااااااايم
وقف الدم في راسها وش اسوي وش اسوي انا ما ابي اموت مالقت نفسها الا تصارخ
مي:خاااااااااااااااااااااااااااااااالد قوم <>>وصارت تهزز الكرسي حقه تبي تصحيه
نوف وفي قاامو وكششهم واقفه من الخوف والروعه
خالد وقف قلبه بس قدر يمسك نفسه وما ينحرف عن الطريق: ها وشو وش فيك
نوف تنزل كشتها للي وقفت: وش فيك انتي وقفتي قلوبنا ناويه تموتيننا ها ها
وفي تفرك عيونها واللي يشوف شكلها يقول نافضتها كهرب 220 : عمى يعمي العدو يا ميوووووووووو يا خلني ساكته خلوني ساكته وش فيك انتي
مي تأشر على المرايه ومو قادره تطلع كلمتين على بعض: ها المرايه كان نايم المرايه
نوف تدف كتف خالد: خويلد اذا فيك النوم نام ياخي وش ورانا مو مستغنين عن انفسنا احنا
في تصلح طرحتها اللي طاحت: ايه يا خالد وقف ارتاح وش فيك موتموتنا ما شبعت من الدنيا لسى
نوف تضرب كف في بكفها: ايه وفي ناس ما يستغنون عننا
خالد اخيراا تكلم:ههههههههههههههههههههههه مين قصدك
نوف تفتح كيس شيبس مبقته تحت الكرسي: ما قصدي احد انت وش فيك يروح بالك لبعيد قصدي اهلنا اهلنا وانت ما تستغني عني صح خلودي
خالد يبي يرفع ضغطها : لا مو صح خلودي من قالك عادي عندي
نوف واهي متحمسه تاكل: اقول بس فيك النوم وقف والا خلني انا اسوق بدالك
خالد:هههههههههههههههههههههاي عشم ابليس في الجنه تراك معروفه بالحولاء وبعدين اسمعي انتي وياها
نوف وفي:ايش
خالد: يا بقر لو اني نايم كان من زمان انتو مودعين ياحبيباتي في
في: هلا
خالد: روحي مكان مي وناظري المرايه
وبالفعل راحت ووشافت المرايه
في :ههههههههههههههههههههههههههههههههههههههههههههه
نوف: وش فيك انتي انهبلتي
مي توها تتكلم وتستوعب: ايه وش فيك
في: لا بس صح شكله كنه نايم
خالد: شفتو المرايه تعكس على عيوني تخليني كني نايم فهمتو يا حلوات
نوف وفي كنهم بزران:فهمنا
خالد: شاطرات يله ارجعو كملو شخاركم
نوف: من قالك اصلا اصلا انو احنا نشاخر قصدك على نفسك يمكن
خالد يخبطها بيده: اقول نومي نومي
في تتمغط: ايه والله يازين النوم انا جسمي متكسر
في اقل من خمس دقايق الا الشخار رجع اقوى من اول >>>>مو بنات دبابات الله يكفينا الشر خخخخخخخخخخخخخخخخخخ
خالد جلس يهز براسه يضحك في نفسه عليهم رجع يفكر وش فيها ساكته
ناظرها من المرايه لقاها رجعت تناظر السما وتفرك يديها ببعض
خالد واهو يناظر في الطريق : مي اذا بردانه اقصرلك على الكيف مافيها مشكله
مي انقطع سرحانها: ها لا انا مو بردانه
خالد " ياحليلها مستحيه مني "
خالد: طيب شوفي اسحبي من تحت كرسيك في بطانيه اذا تبينها
سحبتها وجلست فتره ساكته وبعدين:خالد شكرااا
خالد ابتسم: العفو ما سويت شي
مي منحرجه منه تتكلم واهي منزله راسها:لا بس لانك ما احرجتني قدامهم
خالد: انتي ما قلتي شي غلط والا وش رايك انا وشلون عرفت
مي بستغراب: وشلون
خالد واهو يضحك:هههههههههههه صارت معاي مره
مي:ههههههههههههه معاك
خالد: ايه
مي تحمست معاه: طيب كيف
خالد: ماراح تصدقين لان نفس اللي صار معاك صار معاي بس انا كنت رايح البحرين مع اخوياي وكنت جالس ورى الكل نايم وانا ما اقدر انام لما يكون احد يسوق غيري ما ارتاح
مي متحمسه: ايووه
خالد: وايه واشوف الرجال نايم واجلس اهبل فيه واصرخ
مي:ههههههههههههههههههههههههه
خالد:ههههههههههههههههههه ايه والله ومن بعد ما اكلت لي تهزئ وتصفيق منهم عرفت على طول لما انتي جلستي تصرخين
مي استحت من نفسها وشلون روعته: اسفه اني خوفتك
خالد: المفروض اشكرك انا
مي رفعت حواجبها: تشكرني؟
خالد وماسك ضحكته: ايه الحين ماراح انام اسبوع من بعد صراخك
ميمنزله راسها:......................
خالد ضحك:هههههههههههههههه امزح معاك
مي: طيب
سكتت مسكت البطانيه كانت رماديه كبيره وناعمه لفتها حول جسمها ورجعت راسها ورجعت تناظر من الشباك وراح في سابع نومه
خالد" يا حبيلها ما قدرت تنام من البرد خخخخخخخخخخ""

××××في سياره ابو احمد
ام احمد واهي تمد له تصب له شاهي: الا اقول يا ابو احمد كم باقي على الدمام
ابو احمد واهو يناظر اللوحه اللي في الطريق: شوفي باقي لنا يا طويله العمر 100 كيلو ساعه وانشاء الله واصلين
ام احمد: طيب انت اكدت حجز الشاليهات والا لا
ابو احمد تذكر: لا اانا حجزتهم من فتره بس ما اكدت عليه لازم اتصل فيه انتي عارفتهم لو رحنا وقالو لنا انتو ما حجزتو ولا شي يسونها والا اقولك خلينا نتصل على احمد نشوف وينه فيه
ام احمد: اتصل وشوف
خذ الجوال واتصل
احمد: هلا وغلا بالغالي
ابو احمد: هلا الا اقول ها وينكم
احمد: خلاص تونا داخلين الدمام
ابو احمد: اووه الحمد الله على السلامه وزياد معاك
احمد يناظر زياد اللي مرجع راسه ومنزل الكاب على وجهه وشكله نايم: هذا اهو جمبي
ابو احمد: طيب يا ولدي روح الشاليهات واكد الحجز وخلهم يكونون جمب بعض لاني ما رجعت واتصلت عليهم
احمد: انا كنت بروح من دون ما توصي ولا يهمك
ابو احمد: زين نشوفكم على خير
احمد: الا كم باقي لكم
ابو احمد: يعني ساعه الا ربع ساعه وانشاء الله واصلين
احمد: توصلون بالسلامه
ابو احمد: انشاء الله مع السلامه
احمد: مع السلامه
&&&&&&&&&&&&&
زياد رفعه الكاب من على عيونه: ابوك
احمد: انت صاحي ايه ابوي يقولي نروح الشاليهات قبل ما يوصلون ونأكد الحجز
زياد: اهااا >>ورجع حط راسه
&&&&&&&&&&&&&&&&&&&&
وصل احمد ودخل الريسبشن واكد حجزهم وحجز الشاليهات جمب بعض.......

واخيراا وصلو وقفت السيارات في الباركنج حق الشاليهات والكل ينزل وتعبان من الطريق والنومه غلط
بس بعد ما يشمون ريحه البحر والجو الرايق مايل للبروده نسمه الهوا موجوده تحرك اوراق الشجر من حولهم كان المكان رائع محاطين بالبحر من كل جهه وتوجد ملاعب تنس وكوره سله وقدم ومسابح للأطفال ومسابح للكبار

^^^^^^^^^^^^^^^^^^^^^^^^^^^^^
نزل ابوفهد ماسك ظهره
ابو احمد:هههههههه ها ياشايب الحمد الله على السلامه
ابو فهد: ما في شايب هنا غيرك
ابو متعب:ههههههههههه احنا مو شايفين احد ماسك ظهره غيرك
ابو فهد: ايه اسوي تمارين رياضيه يله سووها معاي
ابو سعد:ههههههههههه وش شاايفنا دلوخ تبي تلعب علينا
ابو فهد: افااا من قال انكم دلوخ انتو بس اغبياء
الكل:هههههههههههههههههههههههههههه
ابو احمد: بنعديها لك هالمره بمزاجنا بس يله انا بروح اخذ المفاتيح من الريسبشن وانتو نزلو الشنط والعفش ونادو الخدمات بعد
ابو سعد: يله مشينا
&&&&&
وصل وقف بسيارته الهدوء كان مغطي المكان والشمس توها تبدى تشرق على المكان معطيته جمال اكثر من جماله
نزل يشم هوا ويحرك رجليه ويريح شوي نسى البنات في السياره فتح الباب وطاحت مي بس اهو لحق عليها ومسكها
مي واهي تفتح عيونها بصعوبه وتبعد عنه:خلاص انا صحيت اتركني
لاحظ خالد انه كان ماسك يدها بقوه طاحت عينها في عينه كانت صدق متغطيه بس ما نقصت من حلاوه عيونها لو شي بسيط عيونها كل مالها وتحلو
مي تناظر وحست ان الوقت من حولها وقف اول مره تحس برجفه في قلبها ويدها الم في بطنها بس نفضت يدها من يده
مي : مشكور للمره الثانيه
يتبع<<

[عاشقة الحرف]

تابع<<
خالد واهو يقوم من الارض: العفو للمره الثانيه ممكن تصحين في ترانا وصلنا
مي انقهرت من اسلوبه:انشاء الله بقومها
خالد راح للباب الثاني جهه نوف وطق الشباك: يله قومي وصلنا نوفه اصحي
نوف تفتح عيونها بصعوبه من نور الشمس اللي بدى يقوى : ها صحيت صحيت
نزلو البنات وراحت كل وحده للشاليه اللي فيه اهلها ..
&&&&&7777
ابو سعد شاف شمسيه جايه تركض
ابو سعد" وش فيها هالخبله تركض كذا"
شمسيه واهي توزع ابتسامات: بابا ابو سعد
ابو سعد: نعم
شمسيه: بابا مين فوز هلال والا نسر
ابو سعد ما قدر يمسك نفسه:هههههههههههه الحمد الله ياربي اول شي اسمه نصر نصر وبعدين اللي فاز الهلال
جلست تنطنط مثل المجنونه: هي هي بابا انت فرحانه فوووز
ابو سعد يبوس يده وجه وقفى: االحمد الله على نعمه العقل اقول المباراه من زمااان مخلصه وش فيك انتي شيلي بس شيلي وانتي ساكته
اخذت منه الشنط واهي تتحرطم((يعني تكلم نفسها)): تيب تيب هذا كلو سرخ سرخ
ابو سعد: يارب وش ذا
<<<<<<<<<<<<<<<<<<<<<<<<<<<<<<
جالسه تتأمل المد وجزر البحر حولها بكل مكان فكت ربطه شعرها نزل مثل انهار وسيول اسود سواد الليل وناعم تحركه أي نسمه هوا ناعمه لاحظت اصتدام الامواج بصخور الشاطئ شدتها طيرتها في مكان وزمان ثاني الجو ولا اروع السما بدت تتلون بألوان الشروق خيوط من الاحمر امتزج بخيوط صفراء وبرتقاليه مع نظرها للافق لاحظت زراق البحر وكيف ملتصق بالبحر كنه شي واحد ورجعها للواقع لمسه اختها على كتفها
في واهي حاطه يدها على كتف مي:ها الحلو في ايش سرحان
ابتسمت عشان اختها كانت مروقه اخر روقان : في الدنيا
في واهي تسحب كرسيها وتجلس: طيب يا الدنيا انتي
مي واهي ترفع شعرها: يله اانا بروح افطر بطني يناديني
في وهي تناظر منظر البحر: لا انا بجلس مالي نفس
مي: بكيفك >>>راحت
تركتها سرحانه في دنيتها بس متى اعرف وش فيك يا زياد شالت النظاره اللي على شعرها نزلت خصل ضايقت عيونها لفتهم على اذنها بلطف لاحظت وجود شخص واقف تحسه رايح في تفكيره سواد تحت عيونه مبين عليه قله النوم السهر لمده طويله
)(كانت طريقه ترتيب الشاليهات جمب بعضها تبين الشخص لما يكون واقف عند البحر يعني ممكن الناس تشوف بعضها )(
سحبت نفسها محاوله ما تطلع صوت ما تبي تقطع عليه وحدته دخلت الشاليه ولقت امها جالسه تتقهوى وباين عليها قله النوم والارهاق
في واهي تسكر عبايتها:يمه وين راحت بنتك
واهي تشرب من كاسها: مي راحت مع نوف يفطرون
في: واحمد
ام احمد: والله مدري عنه هالولد ما شفته الا دقيقتن وطار مدري وين راح اتوقعه مع خالد والا زياد
في تنهدت خذت شنطتها وقررت تدور عليهم مشت تبي تختلي بنفسها لحظات كان المكان متعه للأستكشاف ملاعب من كل مكان ومسابح والجو رائع يسمح لتفكير بالأنطلاق وتجول في انحاء المكان
اتصلت على نوف بينما كانت تمشي: هلا نووويفه
نوف واهي تجلس على كرسيها: هلا وش فيك معصبه ما تقولين نويفه الا وراك شي
في: ما وراي لا شي ولا شيات بس وشلون تروحون عني وتخلوني
نوف: لا والله مي تقول انك تقولين مو مشتهيه واحنا بصراحه جوعانات بصراحه يعني بصراحه
في بطفش: طيب بس اخلصي وينكم الحين
نوف تناظر من شباكها اللي يطل على منظر روعه: احنا في المطعم جمب المسبح للي للكبار مو الاطفال
في: ايه شفته هذا انا قريبه جايتكم
نوف سكرت السماعه ورجعت تناظر مي اللي باين انها في عالم ثاني>>>كاثر السرحان عن البنات مو ملاحظين خخخخخخخخخخخخخخخخخخخخخ
نوف : ميوو
مي: هلا
نوف تناظرها بنظره كلها حنان لانها حاسه فيها صعب لما تحب من طرف واحد بس اللي ما تعرف نوف ان خالد اخوها له دور في سرحان مي اللي كاثر: وين رحتي تراني هنااا قدامك
مي صلحت جلستها وابتسمت لها: وش اقول يا نوف
نوف باين عليها الاهتمام: في أيش صاير شي مع موضوعه
مي وش اقولك اقولك اني بديت احب اخوك ما ادري احبه والا احب زياد اللي طول عمري ما اتمنى اكون لغيره ممكن القلب يحب الاثنين شي مو معقول: لا ما صار شي كله على حطت يدك
نوف تنهدت ورجعت راسها شوي لورا:والله اتذكر لما كنت مكانك مو عارفه محلي من الاعراب في حياته هل انا مثل ما احبه يحبني والا مجرد اخوه وقرابه عيال عم وبس بس الحمد الله الحين عرفت كل شي وانا مره مرتاحه بس اتمنى شي واحد لك يامي
مي: اللي هو
نوف: بس ابيك تعرفين اذا كان يبادلك هالمشاعر والا لا
مي : تصدقين يمكن من كثر ما ابي اعرف شعوره على قد ما اناخايفه من رده
نوف: هذا شي طبيعي يا مي انت خايفه من رده فعله مهما كانت احيانا الواحد يكون يبي الشي بشكل غريب يبيه ويحس حياته ماراح تكمل الا به
مي كملت كلامها: بس
نوف: عليك نور بس موجوده ضمن كلامي بس لما يقرب انك تحصلين هالشي يبدى الخوف عندك من نتيجته والا كيف بيأثر على حياتك وهذا انتي اللي تحسين فيه الحين
مي تهز راسها بالايجاب: ايه
%%%%%
تمشي بخطوات مثاقله حست بأن احد يلحقها مره تسرع خطواتها ومره تحاول تخفف من سرعتها تبي تشوف او بمعنى اصح تتأكد اذا في شخص يمشي وراها حست بخوف غريب لانها ما تعودت تمشي متغطيه
شي حاولت تعود نفسها على انها تتغطى اشياء كثيره تغيرت فيها من مواقف صغيره تذكرت احداث صارت معها ممكن تغيرها استغربت عدم رغبتها انها ترجع وتقص شعرها مثل ما تعودت حست برغبه انها تطوله يمكن اقنعت نفسها انه مجرد تغير بس اهي اعرف بمشاعرها وش اللي غيرها
ما صدقت وصلت للمطعم كان ستايله حلو وغريب
ستايله امريكي وجوه حلو ويكفي منظر البحر حوله شافت نوف تأشر لها من طاوله بعيده عن المدخل
وصلت واهي تلهث وتبي تاخذ نفس: السلااام عليكم
مي تمسك الطاوله اللي هزتها في واهي جايه:طيب وش فيك كنه لاحقك احد
في واهي تجلس على كرسيها ويدها ترجف:ها بس مدري كنت احس احد يلاحقني
نوف : والله طيب شفتيه
في تشيل طرحتها حست انها مكتومه:تصدقين عاد مدري ليش ما قدرت الف واناظر
نوف بصوت عالي:ما اااااااااااصدق في ما تلف انتي العاده تلقين الرجال من ثوبه لو قالك أأ اجل لو وشلون يلحقك
في تحاول تبرر: مدري يختي مدري
مي: المهم ترانا من زمان نستنى موتينا جوع حرام عليك
في: معليش يله وين المنيو
طلبو لهم ساندويتشات كل وحده نوع اللي خذت مارتديلا واللي تونه واللي دجاج
جلسو ياكلون والكل معجبه المكان بصراحه كان رائع
في: يله خلصو تراني ميته فيني النوم ادور السرير دواره
نوف: انا مو احسن منك رقبتي تعورني نومتي كانت غلط
مي تفكر انها طول الوقت كانت ماسكه نفسها ما تبي تنام في السياره مجرد ما اخذت بطانيته وراحت في سابع نومه
ريحته كانت تنبض منها حست بدفى غريب اخذها لعالم الاحلام ما لقت نفسها الا واهي طايحه بين يديه...
يتبع>>>