السلام عليكم ورحمة الله وبركاته
مشرّفي .. وأعضاء .. وزوّار .. منتدى الود الصادق
هي مشاركه أولى لي .. هنا .. بينكم أيها المتميزون
وأتمنى لها التوفيق .. بالقبول .. والرضا
وأرجو بأن ترتقي حروفي .. لسمو ذائقتكم
هي بينكم .. ولكم
[poet font="Simplified Arabic,4,white,bold,normal" bkcolor="black" bkimage="" border="solid,2,darkred" type=2 line=200% align=center use=ex length=0 char="" num="0,black" filter=" glow(color=red,strength=3)"]
أيّ والله .. أني .. لاتباعدت الأخبار = أقْـرُبْ من الحيّـرَه .. كما قُرْب غالي
مدري يهمّك ؟ وضع الآهات .. تذكار ! = ولا ّ يغيضك .. كل محبوب .. سالي ؟
ولا ّ تماديتي ؟ على ( غفلة أقدار ) ! = وأغفّلَت انا .. من عقبها .. ماجرالي !!
أبلتني ( الغيبه ) .. وغيبتك ( تكرار ) = تتكررَ الغيبَه .. وانا في سؤالي ؟
( هو ينقبل جرح الهوى .. رغم ماصار ؟ ) = ( ماينقبل ) !! .. بسّ الأمل .. كان عالي
مرّه أعْذّرك .. عذْر جار ٍ مع جار = ومرّه أعذّرك عْذر .. قاض ٍ .. لوالي
حتى غدى عذرك ينادي للأعذار = ندوى العلا .. من بين أهل المعالي
ثم سيّرو موكب على ( الدف ) و ( الطار ) = فيه انعقد صوت ( الجهل ) بالحبالي ؟
والجَهْل نعمه لا تولتني .. أفكار = رسّت محاورها على ( صوت عالي )
وانا غديت أفّـك قلبي بالأسرار = القلب ( عاطل ) ! .. والشقا ( إتكالي ) !!
متوكل ٍ بأمره ويأخذ بالأشوار = اللي رمتني .. والبلا .. ويش حالي ؟
كاس الهوى .. بالشوق .. يسقيك ماحار = في قاعه الظلما ولا هو بـ .. حالي
شوق ٍ مرير الحال والعظم أكسار = كسر النخاع وكسر جذع الوصالي
وكسر ٍ لخاطر من تولّع ولابار = وكسور تلحق ماسلف بالتوالي
دار الفلك والأرض ترجي بالأمطار = وأمست ضلوع الأرض ترجي همالي
من صوب عيني غافلتني بما ثار = حمامة ٍ تشبه ( حمام الكمال ِ )
كْنَها تقول إختم ّ .. وجاتك هالأخبار = غاليك يوصِــل بالمراسيل .. غالي !؟
[/poet]
وسلامتكم
عاشق خياله ..
أعشق خيالي .. عشق .. مايوّصفه الخيال !!
العرض العادي
