اريد مساعدتكم

[ملااااك]

السلام عليكم ورحمة الله وبركاته

ما ادري بشنو ابدي سالفتي اني راح اقول اليكم الشي اللي ابغي فيه مساعدتكم وان شاء الله تقدرون
سالفه وما فيها اني تخرجت من الثانويه العامه ( قسم التجاري ) واني قدمت للجامعه بس الى الحين ما طلع القبول واني متاكده ان راح يقبلوني الكورس الثاني والمشكله اللي اعاني منها اهي اني قاعده بروحي في البيت ومتملله حدي فوق ما تتصورون ابغي احد يعطيني اقتراح مثلا ابغي اشتغل في وين وشنو اللي يناسبني او اي شي بس بليييييييز لحد يتاخر على اقتراحه لاني راح اطفش بموت تدرون اتمني اني ما نجحت في المدرسة لان الحين كاني قاعده في سجن ابغي اتخلص منه بس اشلون
اشياء وايد لو بقولها اليكم راح اتكون صفحات مو صفحه بس
تدرون اني قاعده اكتب لكم واني بصراحه دمعتي على خدي لان عن جد بطفش اذا ما لقيت الحل مو كفايه اني ما اشوف اعز ناس عندي واهم ربعي بس زادني الملل لو بس اتعرفون اشلون يكون يومي نفس امس واللي قبله يعني البرنامج مالي ما يتغير



المهم ابغي مساعدتكم ومكشورررررررررررررررررررررين مقدما

وبس تحياتي
ملااااك

[محمدعبدالوهاب]

ملاك
ما شاء الله
مبروك اولا على النجاح
ونتمنى مزيد من التوفيق
انا اقول لكِ

اولا
تشكرين الله على نعمة النجاح والفلاح
الى ان ياتى الكورس الثانى
وهذا اقل شىء تقابلين به الله بالشكر
وتصقلى ما تعلمتيه فى الكورس الاول
وتنظرى فى اى الاقسام تتميزين
محسابة ام ادارة
ام سكارتارية
ام كمبيوتر
وتحاولى الاتقان فيه لكى يؤهلك للمرحلة القادمة
ملاك......... رحمة ام عذاب ؟
ان كان هذا او ذاك
فكله ملاك
المهم انك تثبتين وجودك فى ما تبرعى وتتفوقى فيه
وساكمل الحديث بعد عدة ردود
دمتم بخير
ودام الود بيننا

[ملااااك]

مشكور اخوي على ردك الحلو وان كلامك كله صحيح بس ابغي اعرف في الفترة اللي اني قاعده في البيت شنو اسوي فيها لان ما اقدر اتحمل الملل الفضيع

ومشكور مرة ثانيه

[ومضة]

غاليتي ملاك ..

مبوووك على النجاح ..وان شاء الله يوفقك في كل عمل..

عزيزتي الصيف والاجازة دائما ان لم نخطط لاستغلالها سوف تقتلنا بما تحمله من فراغ ..كان عليك التخطلط لها قبل ان تبدأ..

لذلك انصحك بشراء كتب مفيدة وقرائتها..او اعداد برامج مع العائلة لاستغلال الاجارة..
واذا كانت لديك امكانية ان تسجلي في احدى معاهد لأخذ دورات في الكمبيوتر او اللغة..
او ان تسجلي في مركز لتحفيط القران فيا لها من اجازة ننجز فيها فحظ عدد كبير من الاجزاء..وهذا لا يحتاج الى مراكز انتي وحدك حددي لنفسك اوقات للحفظ..
وهناك الكثير واتمنى ان يفيدك بها الاخوة الاعضاء..

تحياتي

[s_Li lg_i_c]

اول شي الف مبروكه علي التخرج اختي وعقبال دخول الجامعه يارب بس في اشياء واجد تقدرين تشغلين فيها وقتك القراءة المشاهدة وهم بعد الانترنت اما لو انك تتكلمين عن وظيفه ما اقدر اقولك لاني ماعندي خلفيات عن مجال الاعمال وقوانينه المتوفرة علي العموم اتمني لك التوفيق

[عزووز]

السلام عليكم ورحمة الله وبركاتة
طبعا الشباب ما قصرو واعطوكي خيارات وباركولك بعد والف مبروك مرة ثانية على العموم انتي قلتي للاخ طيب وش اسوي بفترة الاجازة او الفترة الي انتي فيها بالبيت الان... وتقولين ملل والبرنامج مالك نفسة ما يتغير..عاد هاذي الامور بيدك يا بنت انتي الي تقدرين تغيرينها .. انا بس ابعطيكي مثال.. هذا النت قدامك صح؟؟ تقدرين يوم تخشين مندى ويوم شات ويوم قيم ويوم موقع اغاني ... الخلاصة انك تقدرين تغيرين برنامجك مثل ما تبين مثل ما تتحكمين بجهازك تحكمي بنفسك وان شالله ما راح تنزل دموعك وحنا اخوانك وراح نساعدك بس تذكري انك تنتي الاول الي لازم تساعدين نفسك

ومع السلامة