ياناس خلوني وحيداً لحالي
لقيت انا في عزلتي راحتـْلي
ارجع مع الذكرى لوقتً مضالي
والا التسلي راح مامن تسلي
مدام وقتي عافني ماصفالي
انا بعد عفته وخله يولي
والله مستانس ويرتاح بالي
ولا ينشرح صدري سوى يوم اصلي
واهني من قلبه من الهم خالي
دايم ضحوك وخاطره مسفهلي
ماهو بمثلي ذقت مر الليالي
وحظ الشقا عن رغبتي واقفلي
وانا مادهورني ولا سم حالي
الا محبة واحدً مافطنلي
انجيت ابيّن له عن اللي جرالي
اخاف مايفهم وش اللي حصلّلي
واخاف يرخصني عقب كنت غالي
ويزيد صده بالجفا والتغلي
العرض الشجري
