أن صفعت بيميني زدت له رفعـة واكـرام=وأن صفعت بشمالي غدت بي الناس نقاده
أناادري أن القوافل لامشت تمشي على قدام=ماهمها في نباح كلاب مربوطه ومنقـاده
وانا صدى صفـر سبعـه ياوليـد العـام=ياغرّ بأجهل على اللـي يجهـل أسيـاده
كلـك فخـر لاذكرتـك ياشبيـه أنـغـام=ياببغـاء تعلّـم يـردد صـوت مـيـاده
حي الله الصوت ياسر ياهلا ياوردة الرسام=يأحلامن التوت طعمك وذوقك سكر زيـاده
ماكنت تسمع حكايـة عـن عمـر وتنـام=اللي على أكتـاف صيتـه عـاش جـلاده
يقولون من كبّر اللقمه يغص ولابعدقد قام=ولازاد حمـل الذلـول يطيـح بـشـداده
ياللي رويـت بحليـب النـان والاغنـام=سيـرلاك مشـروب امثالـك مــع زاده
فضلـة شـوارع وبيتـك ملجـأ الايتـام=متنقـل مـن حـضـن داده الــى داده
متلقم الحكي مـن راسـك الـى الاقـدام=والا انـت مامنـك لانفـعـه ولافــاده
اخبرك سواق من البطحـاء الـى الدمـام=ولـك شلّـة بالتاكاسـي حيـل كــداده
حول التريلات نومك فـي خـلا الاوهـام=وكم طاح راسك من وساده علـى وسـاده
الكفو يبقـى كفـو مـن الاب والاعمـام=وماينفع اللاش لـو عنتـر مـن اجـداده
جاهل ولاتعـرف الاخـدود مـن الاهـرام=أحنا سما الكـون وأنـت واطـي مهـاده
وأحنا كما النار تاضي من علـى الاعـلام=من فـوق روس النوايـف دووم وقـاده
من حدّ زهران الـي شـم الجبـال بيـام=وأحنا الكرم جدنـا وأحنـا مـن احفـاده
وأحنا عرفنا الرجالة وأنت فـي الارحـام=واحنا عقلنـا الفخـر فـي سـوق وراده
وأحنا كما القيض لاثـار الغبـار اللغـام=وأحنا كيأجـوج مايحصـى كـم افـراده
واحنالظى النار في عيـن العـدو لاطـام=واحنـا كمـا الزمهريـر يمـوّت بـراده
ماهولمـن شـان مثلـك تكتـب الاقـلام=لنـك تحـت مستـوى شـعـري ورداده
استغـفـر الله وعذراًيـاهـل الاحــلام=والاتـري بحرشعـري مانتهـى مــداده
العرض العادي
