قصيدة غزليه من شاعر مبتدىء نابعه من القلب اتمنى اسمع رايك؟؟؟

[الـــســـكـــب]

بـــسم الله الرحمــــن الرحـــيم
أخواني اخواتي السلام عليكم ورحمة الله وبركاته:
ما ابغى اطول عليكم وانا والله ماعندي الا سلامتكم أخوكم شاعر مبتدىء وهذي قصيده غزليه كتبتها واتمنى انها تعجبكم......

دام السماء صافيه والجو لنا زان ... بقطف ورود الغزل من كل ديره

واهديها للي قلبي من حبها الآن ... يسطر بيوت الشعر من شرق الجزيره

كلام قلبي وأقول لاهان لاهان ... يقول احبها لزينها وصفات كثيره

قلت على هونك لا تقولي ولهان ... قال تكذبني افاااا هذي والله قويه

أكذب وانا بديرة عبدالله وسلطان ... ديرة حبيبتي بالعربي السعوديه

ماشفتها لكن احساسي ولاني بغلطان ... ويقول المثل قلب العاشق دليله

وتحبني ولاهمها من فلان و علان ... وقالت روحي تراها مني لك هديه

وختامها بمدحها ولو حاضر السلطان ... قلت الحقيقه والمجامله مني بريئه

وكلنا بمنتدى الود احباب وخلان ... لكن عشقها شوفو وش مسوي فيه

وسلامـــــــــــتـــــــــــــــكم

ملاحظه: البيت اللي قبل الاخير ذكرت فيه (السلطان) وهو الدكتور : خالد السلطان عميد جامعة الملك فهد للبترول والمعادن الله يحفظه......
أخوكم طالب بجامعة الملك فهد للبترول والمعادن قسم هندسه ميكانيكيه ....
مكان الاقامه الطــــــــــــائف لكن انا بالشرقيه للدراسه فقط.
أمنيه: اتمنى من كل من قرأ القصيده يبدي رأيه بصراحه ومن دون مجامله وانا ترى انتظر ردودكم..

[معدي المراقيب]

أخي الكريم السكب

شي طبيعي أن تواجه كل مبتدي بعض الصعوبات اللتي يستطيع تجاوزها بالصبر والتكرار وكثرة القرآه بخصوص الشعر

القصيده يوجد بها أبيات غير موزونه واللتي نعرفها بمصطلحات الشعر النبطي بالابيات المكسوره وهي أبيات عديده في هذه القصيده
وهذا من عيوب الشعر حيث أن الوزن هو العمود الفقري للشعر

ويوجد هناك أيضآ أختلاف لبيتين في قافية العجز وهو أيضآ من الاخطاء في شعر النبط فالشي الاساسي في شعر النبط هو توحيد قافية العجز ولاييشترط توحيدها في قافية الصدر ولكن في مواضع محدده

ولي ملاحظه أيضآ على قصر بعض الابيات عن البحر اللتي بنيت عليه القصيده وهذا عيب أيضآ من عيوب الشعر النبطي

تقبل وجهة نظري بصدر رحب وأتمنى أن لاتضايقك صراحتي فأنا أتمنى لك الخير أخي الكريم وأتمنى أن تسير بنجاح فكما أنا في بداياتي تعرضت لمثل هذه الاخطاء ووجدت من يوجهني فأتمنى أن تجد من يوجهك أنت أيضآ يالغالي
تعلم بصبر فالبدايات دائمآ صعبه في كل أمر ولكن مع الجهد والصبر تزول العث\قبات

أخوك يوسف العتيبي

[*+* مـهــآآآآجــرة *+*]

دام السماء صافيه والجو قـد زان ... بقطف ورود الغزل من كل ديره

اهديها لمن حبها بالقلب قد كان ... و بسطر الشعر ببحورٍ غزيرة

كلام قلبي وأقول اليوم لاهان ... يعشق صفات لمحبوبي كثيرة

بالهون يا بنت لا تقولين ولهان ... قالت أنا صااادقة في كل سيرة

أكذب وانا بديرة عبدالله وسلطان ... ديرة هل العوجا صقور الجزيره

ماشفتها لكن ماني بــغــلطان ... إنــها على كل العـــذارى أميره

وتحبني ولاهمها فلان و علان ... وتقول روحي منك والله خطيره

والله لأمدحها على روس الأعيان ...ولا همني السلطان ومن كان غيره


*******

السكب

كلمات راااائعة عذبة البوح

أعدت لها صياغة الوزن

أرجو أن تقبل مني ذلك

صح لساااااانك ولا هنت


ننتظر جديدك الراااائع
دمت بخير

[وهــ المصيف ــج]

صح الساااااااااااااااااااااااانك

اتمنى لك التوفيق دئماً

ومرحبااااااااااااااااااااااا بك في منتدانااااااااا الغالي

[الـــســـكـــب]

بسم الله الرحمن الرحيم

السلام عليكم ورحمة الله وبركاته:
اشكر كل من اعطاني رئيه عن القصيده وهذا والله شيء بسطني.
اشكر اخوي يوسف العتيبي واقوله الله يعطيك العافيه طال عمرك وترى انا بعد عتيبي.
اشكر الاخت نبض الود والله يعطيها العافيه وصح لسانك واذا كانت القصيده لي مشكووووووووووورة واذا لم تكن لي بعد مشكورة(بس مشكورة الاولى اطول واحلى)
الله يجزاكم خير جميع وترقبوا القصيده القادمه.

أخوكم محمد العصيمي العتيبي

[معدي المراقيب]

أخوي السكب ونعم وسبعين نعم ولايكفون بعد يالذيب

ياولد العم من سار على الدرب وصل حاول وستصل أن شاء الله
يالغالي لاتكل ولاتمل

[[] خفـوٍق الـرِوِح []]

السكـب ..,.,’.. صـح لسـآنك وعلآآ شـآنك أحسـآس رآئـع .. وبإنتـظآر عـزف آخـر ..,.,’..

[محمد المتحمي]

السكب


تسلم على هذه المحاوله ومن سار على الدرب وصل



مودتي وتقديري




اخوك0 محمد المتحمي

[الـــســـكـــب]

بسم الله الرحمن الرحيم

اشكرك يا اخوي محمد على مرورك ولك مني كل تحيه وتقدير