ياصاحبي .. هذا السفـر "غابـه" وأشجـاره غيـاب
آناظر عيون السما .. والقـى عواصـف ممطـره ..
وشلون ادوّر راحتي ؟ /.. باقول لك اسـرع جـواب
مابيـن "هفـوات القلـم" ولاّ "خـطـوط المسـطـره"
اسطّر حروفـي علـى (خـط الألم ) مثـل العقـاب
مـن لامنـي .. خلّـه يحـرر منطقـة مستعمـرة /
صدري ..\ ليا فاضـت براكينـه يعـوف الإنسكـاب
فـي داخلـه مليـون حاجـه مابهـا خيـر اشـكـره
والضيقه اللي ماقْـدَرت تلقـى لهـا "أجْـر وثـواب"
خلهـا تزيـد الكيـل فوقـي وتعطـي اللـي تقـدره
مادام صدري "في غياب" أغلى حبيبٍ لـه .. مصـاب
مافيـه شـي بْـلا خَسـاره ممكـن انّـه يَخـسـره