كون يمك.........كون يمك
الف هنيا له اللي الليله قعدها يمك
انا احبك.....وانا احب كل حرف باسمك
وانا احس ان يجرن سوى دمي ويادمك
كون يمك.......كون يمك
كون احضنك.....كون ابوسك.......كون اشمك
كون احط راسي على صدرك......كون اضمك
الله لاينطيه.....كل من راد يحرمني ويحرمك...
انا اللي تمنيت ابواسك......
وانا اللي تمنيت اشمك.....
وانا اللي تمنيت احط راسي على صدرك
بلكي خدي.....يزيح همك
ناري ماتطفي...ولانارك طفت
وعيني قبلك تبكي اذا عينك.....بكت
اليامتى ياحبيب تظل من ايدي تتطشر والمك
كون يمك.......كون يمك
اليوم قلبي لبابكم بالليل اخذني
واسمع اهلك كلها ملتمين يمك
انت بطارف لساني.....ولااقدر اصيحك
واهلك براحتهم يصيحون.....باسمك
والله لوتعرف بحالي
قلبك على الباب يركض قبل جدمك
اذكر ايام سالتني..
من يحب محبوبه اكثر؟
يوم اقلك ....انا اكثر...تنقهر ويفور دمك
اذكر ايام على بابي.....جيتني امحمل اهموم
ومن شفتني......تبسمت....وانزاح همك
وهسه جيت
هسه جيتك من دموعي دخيل يمك
اليوم......اليوم روحي اتعاندت وياي
وتريدك حبيبي
بيا طريق اوصل الك ؟وشلون افهمك؟
كون يمك......والف هنيا له اللي قعدها الليله يمك...
عجبتني وحبيت اكتبها لكم اتمنى انها اتحوز على رضاكم
اعذب تحيه
من
احلى دلع
العرض العادي
