العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
إضافة رد
   
 
أدوات الموضوع تقييم الموضوع انواع عرض الموضوع
قديم 29-06-2016, 09:49 PM   رقم المشاركة : 1
الــعــمــيــد
( ود فعّال )
 
الصورة الرمزية الــعــمــيــد
 






الــعــمــيــد غير متصل

قصه وقصيده سالفه اليتمان




السلام عليكم ورحمة الله وبركاته ,,,



قصه وقصيده . . نقلاً عن الراوي / عبدالكريم شليويح الرمضي . . من بلدة المذنب . . من القصيم



وسأروي لكم القصه . . حسب ماسمعتها منه شخصياً . . وبنفس لغته .



هذولا اثنين يتمان من بلدة شقراء . . كبروا . . ووصلا اعمارهم قرابة العشرين سنه . . واحد منهم . . هداه الله . . والتزم . . وربا لحيته . . وصار إمام مسجد . .

والثاني . . بالنقيض تماما . . سكسك اللحيه . . والربابه بيده . . ومن نفود لنفود . . وراعي قصيد ومهيجن . . وكذلك . . مهاوي بنت خاله . . ويحبه . . على نقاء . . وكان دايم يروح لخالته . . يعرض عليه المساعده . . كله عشان يتقرب للبنت ويشوفه . .

المهم . . جاء موسم الحج . . واخونا .. إمام المسجد . . نوى الحج . . وجاء لم اخوه راع الربابه . . وقال . . طلبتك ياخوي . . قال آمر تدلل . . قال انا نويت الحج . . هالسنه . . وابيك تمسك المسجد عن ...!!!!

قال ياخوي . . انا ماني فيد صلاة . . ولا عرف . . انا رجال راعي قصيد . . وربابه . . ومهيجن . .

الوكاد الرجال . . الح عليه . . الح عليه . . ووافق اخونا راع الربابه . .


جت صلاة الفجر . . يوم صلا الامام . . وانتهت الصلاة . . قال للجماعه . . ياجماعة الخير . . انا نويت امشي اليوم مع الحاجه . . وترى اخوي فلان . . ويأشر عليه بآخر الصف . . يبي يمسك الامامه لين ارجع بالسلامه . . قالوا الجماعه الله يستر عليك . . ويطرح بأخوك البركه . . وهم خابرينه راعي قصيد . . ومطنوخ الرجال . . لكن قالوا مابه فايده . .


بدأ الرجال يصلي بالجماعه . . واموره زينه . . بس اللهم . . انه لا جاء يحدث بالجماعه . . بعد صلاة العصر . . يشيل الحديث شيله . . لكن ماشيء . . اموره سالكه الرجال .

بعد ثلاثة أيام . . بنت خالته فقدته . . بدى مايمر عليهم . . على عادته . . وجت حول البيت تنشد عنه . . وقالوا لها الجيران . . ان اخوه راح مع الحاجه . . وهو مسك مكانه في المسجد . . قالت البنت . . مو معقول . . ماني مصدقه . . هذا ماهو راعي صلاة . . قالوا جاك العلم . . قالت انا ماني مصدقه لما اشوف بعيني . . قالوا لها . . لاجت صلاة العصر . . روحي وشوفي . . جت العصر .. وهي لابسه هكالثوب . . وروايح حلوه . .

اذن العصر . . وجو الجماعه على العادة . . وجت البنت ومعه ثلاث اربع حريم . . وصارن على يسار الصفوف . . تقدم رفيقنا راع الربابه . . وقال للمطوع (( اقم )) . . اقام المطوع . . التفت على يمناه الامام . . وقال (( استوو )) . . والتفت على يسراه يبي يقول (( اعتدلوا )) . . يوم التفت ويلاه يراعي بنت خاله وهي تشيل اللثام عن وجه . . وهو يقول :-


//


//




تعدلوا يأهل القلوب المواليف
صيروا ورى القراي خمسة اصفوفي
حياك رب(ن) حيزم الغرس بالليف
مرجع بصر يعقوب عقب الكفوفي
إنك هواي بلابسات المشانيف
والكاذب الله يجهله مايشوفي





//


//


الله واكبر .........!!!!!!!


وهو يكبر بالجماعه . . ويصلي بهم . . يوم خلص والتفت . . واثره فشل من الجماعه . . قال واحد من الجماعه من كبار السن . . والله ياوليدي يازين صلاتك لك ثالث يوم . . إلا هالحديث اللي قلته بين الاقامه . . وتكبيره الاحرام . . وش هو . . !!! قال هذا ياعم . . (( حديث ضعيف جداجداجدا )) . . ومانيب قايله غير ماقلته . .


وسلامتكم ...

__________________







التوقيع :
تستطيع أن ترى الصورة بحجمها الطبيعي بعد الضغط عليها

رد مع اقتباس
قديم 03-07-2016, 06:05 PM   رقم المشاركة : 2
شمس القوايل
المشرفة العامة
 
الصورة الرمزية شمس القوايل

الله يهديه هههههههههههههههههه

يعطيك العافيه ع الطرح الرائع

ننتظر جديدك القادم

دمت بخير

شمس القوايل







التوقيع :


اضغط على الصورة لفتحها بصفحة مستقلة

رد مع اقتباس
قديم 17-07-2016, 09:35 AM   رقم المشاركة : 3
Ŗờờ7 έήŠấń❥
( مشرف أقسام التقنية والتصاميم والجرافيكس)
 
الصورة الرمزية Ŗờờ7 έήŠấń❥

يعطيك العافية اخوي العميد على الموضوع الجميل
وننتظر جديدك
ودي وتقديري






رد مع اقتباس
قديم 06-06-2017, 11:43 PM   رقم المشاركة : 4
ملاك الاحمد
( ود فعّال )
 





ملاك الاحمد غير متصل

اشكرك على الطرح القيم
ابدعت الصراحة
لك خالص
ودي وحترامي







رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:05 AM.




 


    مجمموعة ترايدنت العربية