قصيدة غزليه ......

[سلطان الحـ ب]

هذي قصيدة غزليه - بين حبيب وحبيبتـــــــــه - اذا تبون العلم


يـا غريـق الـحـب يانـعـم الغـريـق
عن هـوى الخفـرات صـدرك لا يضيقـي
لـو يشـب الجـوف يالغـالـي حـريـق
الحبـيـب بسكـرتـه لا مــا يفـيـقـي
عنـده المحبـوب هـو أغـلـى صـديـق
عـن جميـع النـاس يسلـى يـا صديقـي
يتبـع المحبـوب مـع نـفـس الطـريـق
يحلـم بلقيـاه لـو بأقـصـى الطريـقـي
وان مـا تهيـا لـه ملاقـا مـا يضـيـق.........................................؟؟



قلت:




لا تحمل خافقـي مـالا يطيـق
حيث خفاقي بكبره مـا يطيقـي
يا وسيع النفس ابو حجاج طليق
لا تمشيني على السلك الرقيقـي
تدري إن الضعف فيني ما يليق
وانت تدري وش يليق وما يليقي
يا عدو القلب ابو قلبـن رقيـق
كيف طاوعت الخلايق يا رقيقي
والحقيقة صارت انصاف الحقيق
والسراب اللي بدربي مو حقيقي





قالت:




ما للعمر في بعض الاحوال قيمه
لاغاب عنك من توده وتغليـه
تصبح حياتك في بعاده سقيمـه
ويفز قلبك كل ماجـاك طاريـه
دام المحبة تمطر الوجد غيمـه
وصل الحبايب عهد لازم نوفيه




قلت:




قطع الحبايب يا صحيبي جريمه
لو هو مقفي عنك لازم تناديه
لو هو مقفي للمقفي حشيمـه
يالله عسى بالخير ربي يجازيه
ومن لاحشمهم جعلهم للحريمه
يالله عسى كل البرايا تجافيـه


قالت:




اصبر وياتـي للزمـان انفراجـه
والناس قالوا كل مطرود ملحـوق
وان ضاق صدرك بين همن وحاجه
لاتبدي اسرارك على غير موثوق
ولو كل من يمرض عرفنا علاجـه
ما ضاعت الدنيا ولا مات مخلـوق





قلت:




المشكله تكمن بعنـق الزجاجـه
اللي بها بعض الاجاويد مخنوق
اما خرج لو هو صعيبن اخراجه
وليا خرج لاشك يابنت معتـوق
والا جلس يرفس سوات الدجاجه
لا نازلن سلم ولا طالعن فـوق

قالت:




تخفي هيامك وانت ميـت وملتـاع
ما تدري انه في ملامحـك منحـوت
حكي الغزل في صدرك اشكال وانواع
لكن صمتك حـول الصـدر تابـوت
اليا طلبتك وصل صعبت الاوضـاع
مدري من اللي درسك جعله يمـوت




قلت:




يا صاحبي وش فيك فتحت الاوجاع
ضربه بقلبي صاحبي شاتها شوت
ليا طلبته بعض الاحوال ما طـاع
لو ندهنه يابن الاجاويـد بزيـوت
والمعذرة لاشفت بعض الخطا راع
ترى لساني بعض الاحوال مفلوت



قالت:




ما يزعج النفس الا بعد غاليهـا
ولا يسعد القلب الا شوفة احبابـه
ياعين خلي دموعك فيـك خليهـا
القلب يكفيه من الاحزان ما صابه
يكفي حياتي غلا الغالين ماليهـا
لو شفتهم زال كل الضيق واسبابه




قلت:




الكلمة اللـي تعبـر عـن معانيهـا
بالذوق والذوق نعرف منهو اصحابه
(؟س؟) يطلب مـن الدنيـا معاليهـا
صقرن ولا ينزل الا فـوق مرقابـه
(؟س؟) للقلـب والدنـيـا يحليـهـا
يالله عسى الخير دايم يطرق ابوابه

	وشكرا لكم جميعا اتمنى ان هالقصائد المتبادلــــه تعجبكم سلطــــــــــ الح ب ــــــــــــان

[معدي المراقيب]

سلطان الحب روعه من جد
صح لسانك ولاهنت

[سلطان الغلاا]

شكرا عالقصيده الرائعه


دمت بود

[[] خفـوٍق الـرِوِح []]

سلطـآن ..,.,’..مشـآركـه رآئـعه .. تنقـل للقسـم المنـآسب .. ,.,’..

[شوق العبير]

بصراحه القصايد تاخذ العقل
سلمت ياخوي
ومشكوووووووووووووور