صباحي بدونك باكي ٍ منك ما زال
,,,,,,,,,,,,,,,,, حزين ٍ و نوره خافت ٍ ما يبن ِ
صباح ٍ طيوره تنشد الحزن موّال
,,,,,,,,,,,,, صباح ٍ يزول و ما انتشى به حنيني
جمعتك غرام ٍ يروي القلب بـ ازلال
,,,,,,,,,,,,,,, و نثرتك ( بعاد ٍ) يدمعه موق عيني
أداري دموعي من مآسيك بـ إغفال
,,,,,,,,,,,,,,,, و ادوّر بـ قلبي ما بقى (منك) فيني
أصابع تخطك في وسط ناعم ارمال
,,,,,,,,,,,,,,,,, و عين ٍ تخيلك من ديارك تجيني
أشوفك و كنّي عن روابيك بـ اعزال
,,,,,,,,,,,,,,,, بـ سور ٍ جداره ما رضى لي يليني
كما من غيومه تنثر الغيث همال
,,,,,,,,,,, و لا قد تلاقى قطرها مع يديني
ألمّ إنكساري في تحت ضافي اظلال
,,,,,,,,,,,, و أدوّر وجودي و انطق بْـ تيه : ويني ؟!
شعور ٍ بـ قلبي عانق الضيق و انهال
,,,,,,,,,,,,,,,,,, بـ دمع ٍ يبلل وجنتي كلّ حيني
أببكي و يمكن بالبكا يصبح البال
,,,,,,,,,,,,,,, قنوع ٍ و ما هو للدموع ايحديني
أبصبر و اجاري مدة البعد بـ امهال
,,,,,,,,,,,,,, و عسى الله يجبر هالكسور وْ يعيني
صباحي بدونك باكي ٍ منك ما زال
,,,,,,,,,,,,,,,,, حزين ٍ و نوره خافت ٍ ما يبن ِ
ألا ليت ترجع يا ضيا الروح بالحال
,,,,,,,,,,,,,,, و الاقي صباحك ضاوي(ن) بالجبيني
و ذا (هيلك) اللي بهّر الشوق بـ ادلال
,,,,,,,,,,,,,,,, و قال ارتشف فنجال .. بوح ٍ حزيني
مما راق لي
العرض الشجري
