انك كل شوي وانت مصور لهم وجهك ومرسلها هههههههههههههههههههههههه
هاه
هو انه هذا وشسمه يعني قصدي أني الصراحة كنت قاعد اجرب الوسائط أول ماشريت الجهاز وخبرك الجهاز جديد ومابوه ولا صورة قمت عاد اصور خشتي الموقرة وارسلها لبعض من حلفائك اللي مايقعد ببطونهم شي الا قالوه<دور غيرها قال تجرب الوسائط قال
بالاول وش دخل الهلال أبي أعرف , يعني مايكفي خربتو علينا الدوري <قسم مالكم داعي لازم تفوزون بكل المباريات يعني
<<واحد ماعنده شي على الهلال خخخخخخخخخخخخخخخخخخخ
سالفة المايكرويف طال عمركم صارت لي في أول أيامي بالجامعة
طبعاً أنا قبل مااجي بالرياض كنت في ساكن بقرية ضواحي مدينة حايل حيث كان عمل الوالد الله يرحمه فيها
ومن وعيت على الدنيا وانا من قرية في قرية يعني اقصى شي نعرفه سندويش لحم مفروم وفلافل وإذا بغينا نتطور نروح حايل ونشتري شاورما خخخخخخخخخ
المهم بالكلية كان فيه كافتريا وكان اكثر الاكل فيها غريب علي شوي <يعني مثل كلوب ساندويش وهوت دوق وهالامور ماكنت اسمع فيها ولا اعرفها
واللي ماكنت أعرفه بعد المايكرويف
انا بالاول كنت ناوي مااكل من هالكافتريا شي لأن الوالدة الله يحفظها كانت تقولي فالرياض لاتآكل شي ماتعرفه <ياحليلها الوالدة تحسبني رايح استراليا مو الرياض
قام وعد علي قائمة من المفردات اليونانية والبيزنطية طلعت فوق راسي مليون استفهام وعلامة تعجب وحدة <مقطوعة من شجرة علامة التجعب هههههههههههههههههههه
الى ماوصل الى الهامبرقر قلت بس هذا اعرفه اعرفه وقف وقف <فيس حاس انه فايز بسؤال المليون في برنامج من سيربح المليون ههههههههههههههههههههه
قلت هات واحد وواحد ببسي واخذته والتفت وراي الا فيه شي على الجدار الناس تحط فيه الاكل وتخليه وتروح ورى الجدار
أثاريه هو هذا المايكرويف <كان على جدار وخلف الجدار كان فيه الظاهر السكر والشاهي وملحقاته
أنا وقتها قلت يمكن انهم يحطون الآكل هنا ويستلمونه من ورى <ضرورات أمنية يعني
جيت وانا شايل آكلي أمشي تجاه الماكيروف بكل شموخ ووقار <تمشي على الريدكاربد انت ؟ خخخخخخخخخخخخخخخ
وأحط الهامبرقر مع الببسي بالفتحة اللي هي المايكرويف على شان استلم الأكل من ورى <وش رايكم بالناس النظامية بالله ؟خخخخخخخخخخخخخخخخ
الا واحد من الشباب قال وين وين ياابوالشباب قلت نعم يااخ <يعنني حضري
قال ياأخي هذا لتسخين الأكل وين حاط الببسي الله يهداك , وانا اممعن النظر فالجهاز الا أي والله مافيه فتحة من الخلف على شان يطلع الآكل <فيس طايح وجهه بقوة
طلعت الببسي وتركت الهامبرقر واصقع ابوالجهاز واحط خمس دقايق للتسخين
وقعدت انتظر وانتظر وانتظر والعالم وراي تنتظر قال يااخي اخلص علينا ورانا محاضرات قلت لا انا احبها حارة ,
ويوم انتهت الخمس دقايق فتحت الباب حق المايكرويف الا الدخان اللي ملى الكافتريا كلها والهامبرقر قالبة فحمة والبلاستيك اللي حولها شاب نار ومايع على الخبزة<ياليتك سمعت نصيحة أمك
أنا قلت يوووه المحاضرة بدت يلا عن اذنكم >والعالم واقفين خلفي مذهولين يستنشقون هواء عجتي وانا منحاش من بينهم خخخخخخخخخخخخخخخخخخ
ومن بعدها تخرجت وانا ماقد طبيت هالكافتريا ولا عاد استخدمت مايكرويف الا في المناسبات <اجل المناسبات هاه
وهيدي هيا ئصة المايكرويف <عاد لاتشرهون وقتها كنت مااعرف شي
من البيت للمدرسة للمسجد للبل غيره مااروح ولا اشوف
العرض العادي
