بسم الله الرحمن الرحيم السلام عليكم ورحمة الله وبركاته هذا مقتطفات من شعر الشاعر الامير خالد الفيصل حفظه الله وبصراحه انها اعجبتني وقلت انزلها في المنتدى ........ وانتو شوفوها واحكمو ............ بنت الكحيله .. بنت الكحيله مهــرتي وخيالتي من كل اصيل ألقى عليها طربتي بين المعنـــــــق والشلــــــــيل صدر وقطاة فلـــوتي العنــــق والســـــاق الطويــــــــــــل وقع الحـــوافر نغــــــمتي وحــــداتنا رجـــــــع الصهيـــــــل أبوي وجدي قدوتي لو ما لهــــم عنــــــــــدي مثيل بالدين تفخر عزوتي والرمح والسيف الصقيل ماكر حرار ديرتي ما في هل العوجا ذليل -------------------------------- سريت .. سريت ليل الهوى لين انبلج نوره امشي على الجدي وتسامرني القمرا طعس وغدير وقمر ونجوم منثوره انفاس نجد بها جرح الدهر يبرا يا نجد الاحباب لك حدر القمر صوره طفلة هلال وبنت اربع عشر بدرا حبيبتي نجد عيني فيك معذوره معشوقة القلب فيها للنظر سحرا فضة شعاع القمر في نجد مسحوره منشاف لمع قمر في خدة سمرا --------------------------------- من بنات الريح .. من بنات الريح لي صفرا جفول كنها ظبي الفلا بجفالها منوة الخيال عساف الخيول زينها في دقها وجلالها زينها ما شفت وصفه بالمثول الله اللي بالجمال اصخى لها تستذير كحيلتى من كل زول ما يصخرها سوى خيالها اذكر الله كل ما قامت تجول و احمد الله خصنى بحبالها كنها تمشي على قرع الطبول فتنى اللي خافقه يبرى لها ظافي القصه على الطرف الخجول تنكسر شمس العصر بظلالها وصفها وصف السحاب اللي يحول كل عين تستخيل خيالها او كما طاري على الخاطر عجول صاحبه حقيقته ما طالها كل رجل في حياته له ميول والهوايه تمتلك رجالها ---------------------------- ياصاح يا صاح انا قلبى من الحـب مجـروح جرح عطيب ما لقى له مـن يـداوي لو ينشـرى قربـه شرينـاه بالـروح مير البلا شوفـه غـدى بـه هقـاوي أهل دمـع فـوق الاوجـان مسفـوح على الذى مـا هـو بـللغـدر نـاوي انا ادرى انه مثلـي اليـوم مطـروح لاشـك مـا يقـوى و لانـي بقـاوي لولاي ادارى سر الاحبـاب لا ابـوح و ابيـع بيعـة الهبـيـل الـفـداوي لكنى اجحد فيـه عـن كـل مفضـوح خوفي عليه مـن الحكـي و الدعـاوي حسبي على اللى حط فى الدرب ساموح العذيـل اللـي جـرّ كـل الـبـلاوي مـن اول بـاب المواصيـل مفتـوح يـوم ان عـذال الـمـودة خــلاوي واليوم يسد الباب لوح(ن) علـى لـوح و امسيت انا يا صاح قلبـى شقـاوي -------------------------------------- اتمنى ان تنال اعجابكم
الخـآلدي ..,,’.. لآآ شـك .. أبيـآت لشـآعر فـآق الوصـف .. تسـلم يميـنك ولآآهنـت .. همـس لبوح الشـآعر نفسـه .. والمكتبـه الأدبيـه لنقلـه .. لذلك طرحـك سيحـضى بالقسـم المنـآسب .. وبإنتـظآر جديـدك ..,.,’..
يسلمو يالغلا ومشكوور
الخالدي يعطيك العافيه على هذا الطرح صح لسان شاعرنا دايم السيف واسمح لي بهذه الاضافه لنحظى بمزيد من روااائع الفيصل الله أكـبــر كـيــف يـجـرحـن الـعـيــون ******كيـف مـا يبـرى صويـب العيـن أبــد أحـسـب إن الـرمـش لــى سلـهـم حـنــون ******اثـر رمـش العيـن مـا يـأوي لاحــد يــوم روّح لــي نـظــر عـيـنـه بـهــون ******فـزّ لــه قلـبـي وصـفـق وارتـعـد لـفّـنـي مـثــل السـحـايـب والــمــزون ******فـي عيونـي بــرق وبقلـبـي رعــد نـقّـض جـروحـي وجــدّد بـــي طـعــون ******قلـت يكـفـي قـالـت عيـونـه بـعـد وانعـطـف هــاك الشـعـر فــوق الـمـتـون ******وانثـنـى عــوده وقـفّــى وابـتـعـد أشغلـتـنـي نـظــرة الـعـيــن الـفـتــون ******حيـرتـنـي بـالـتـوعـد والــوعــد هــي تـمـون الـعـيـن وإلا مـــا تـمــون ******لـى خـذت قلبـي وقفّـت يــا سـعـد **************************** خـذاك الزمـن مـنـي وتــرك لــي أشـواقـي ليـتـه خــذا ذكــراك مــن كــل أوراقــي الصهـد ولّــع حيـاتـي ليتـهـا لمـعـة قـمـر تذكـر أيـام القمر؟كيـف السمـر أصبـح سـهـر؟ كيـف الأمـانـي.. أصبـحـت شـكـوى عـمـر؟ لــيــه انـطـفــى فــيــك الــزمــان؟ لــيــه اخـتـفــى فــيــك الأمــــان؟ خــــــذاك الـــزمـــن مـــنــــي يــا روعــة أيـامـي ولـوعــة حـاظــري يــا بهـجـة الـخـافـق ومـتـعـة نـاظــري تـــذكـــر الـــحـــب الأمــــــل ؟ قـــبـــل يــصــبــح ذكـــريـــات تـذكــر الـفـرحـة.. ولهـفـاتـي عـلـيـك؟ أســـبـــق الــمــوعــد إلـــيــــك ولـحــظــة الـــشـــوق الـكـبــيــر والخـفـوق الـلّـي مــن الـفـرحـة يـطـيـر ورقـصــات الـدقـائـق عـنــد الــوعــد وهـمـسـات الحـقـائـق قــبــل وبــعــد لــيــه انـطـفــى فــيــك الــزمــان؟ لــيــه اخـتـفــى فــيــك الأمــــان؟ خــــــذاك الـــزمـــن مـــنّــــي *************************** أستـطـيـع أمـنــع لـسـانــي لا يــقــول ******وأستطـيـع أمـنـع عيـونـي لاتــرى وأستـطـيـع أمـنــع يـديـنـي لا تــنــول ******وأمنـع أذنـي عـن سوالـيـف الــورى لـكـن المشـكـل أنـــا وشـلــون احـــول ******دون فكـري لـو خيالـي بــه ســرى شــارد أفـكـاري عـلـى رغـمـي تـجــول ******كــل مـاعـنّ الـهـوى وإلا طـــرى كــل نـجــمٍ للـخـيـال أصـبــح ذلـــول ******بالفلـك طـوّاف لــى ضــاق الـثـرى شاغـلـي يــا راعــي الـطـرف الـخـجـول ******بـاع حبـك فــي خفـوقـي واشـتـرى يــا ربـيـع القـلـب فــي كــل الـفـصـول ******ورد حـبـك فــاح عـطـره وأزهــرا مـرّنـي طيـفـك عـلـى الـعــادة عـجــول ******عـز طيـفـك مثلـمـا عــز الـكـرى مــا نـفـع تـحـذيـري الـقـلـب الـجـفـول ******يـرقـد الخـالـي وعيـنـي تـسـهـرا بسـألـك قـلّـي- ولــو فـيـهـا فـضــول- ******كيـف تذبـح مـن يشـوفـك مــا درى؟ ****************************** تـعـال أسـهـر مـعـك يــا اسـمـر عشـيّـه *****تعـال أسـلّـي خـاطـرك يــا عيـونـي تـهــنّ وخـــلّ عـيـنـي بـــك هـنـيّـه *****أنـــا وإيـــاك والـدنـيـا تـهــونِ تــــرى الـدنـيــا ليـالـيـهـا شـقـيّــه *****حــذاريِ تسـتـبـد بـــك الـظـنـونِ نـويــت وكـــل قـلــبٍ فـيــه نــيــة *****علـى إنـي لـك وفـي روحــي تـمـونِ هـــواك بـخـاطـري ســــوى ســويــة *****تركـنـي بـيــن أيـاديــك مـعـنـون ******************************** يــا وش بـقـى بأعطـيـك مـنّـي ولا جــاك *****مـا باقـي إلا روحـي أحيـا بـهـا لــك أوصـف جمالـك كـل مــا أنـشـدت وأهــواك *****وازيّــن أيـامـي بجـلـسـة خـيـالـك يــا الغـايـب الحـاضـر بقلـبـي ولا ألـقــاك *****أقـرب مـن عروقـي وصـعـبٍ منـالـك شـالــك زمـانــي عـــن عـيـونـي ووداك *****لا شـك وثّـق فــي ضلـوعـي حبـالـك يــا حـاجـبٍ شمـسـي ورى لـيـل جـفــواك *****مـا بالعهـد بـك قـاسـيٍ فــي دلالــك وش غـيّـرك يــا مـنـوة القـلـب و أطـغـاك *****عـلـى حبـيـبٍ مــا تخـيّـر بـدالـك دنـيـاي مــا تصـلـح بــلا شـمـس دنـيـاك *****والليـل يـوحـش لــو تغـيّـب هـلالـك مـا ينقطـع ظـمـا الـهـوى إلا عـلـى مــاك *****ولا يـهــوّن حــــره إلا ظــلالــك ولا تـشــوف الـعـيـن زيــــنٍ بـلـيّــاك *****ولا يـطــرّب سـمـعـي إلا مـجـالـك ولا انتـفـض قلـبـي مــن الـحـب لـــولاك *****ولـولاك مــا يـبـدي عـلـي مابـدالـك **************************** مــا هــو صحـيـح القـلـب للقـلـب شـاهـد ****لـو هـو صحيـح أصبحـت مفتـون فينـي بيـنـي وبيـنـك حــب مــن قـلـب واحــد ****ليتـه يجيـك مـن الـهـوى مــا يجيـنـي وليتـك تعـرف الـشـوق لــى صــار واجــد ****وليتـك تعـرف أوجــاع كـثـر الحنـيـنِ مــا قــد شكـيـت الـحـر والـجـو بـــارد ****ولا سـهـرت بلـيـل طـــول السـنـيـنِ ولا مـشـيـت الـعـمـر والـحــظ قــاعــد ****ولا تـحـديــت الألــــم والـونـيــنِ أضـحـك وأنــا لـجـروح الأحـبـاب جـاحـد ****أداري المكـنـون عــن كـــل عـيــنِ مــا ودي أفــرّح عـلـى الـقـلـب حـاســد ****وإلا عـذابـي فــي عـيـونـي يـبـيـنِ شــيٍ يـهــون وشـــي بالـحـيـل كـايــد ****يـا كــود تجـريـح الخـفـوق الحـزيـنِ مــن عـانــده وقـتــه وقـلـبـه يـعـانـد ****مـالـت بــه الدنـيـا يـسـار ويـمـيـنِ غـرّتـنـي أمـثــال الـعــرب بـالـشـواهـد ****يبـيـك قلـبـي وأحـسـب إنــك تبيـنـي **************************** يــا قصـيـدة عـمــري الّـلــي تكتبـيـنـي ***** كـل يـومٍ حـرف مـن نغـمـة هــواك ارحـمـيـنـي بـالـهــوى وإلا اذبـحـيـنـي ***** لا تخليـنـي معـلّـق فـــي سـمــاك كــل مــا خـذتـي عـمـر مـنّـي عطيـنـي ***** لحظـةٍ مــن سـاعـةٍ داخــل حـمـاك الـحـيـاة أشـوفـهـا والــمــوت فـيـنــي ***** واعــذاب الّـلـي بـغـاك ولا لـقــاك يسـهـر اللـيـل وقـمــر طـيـفـك بعـيـنـي ***** والشّعـاع الصبـح يوقـظ بــي رجــاك إن حـــدا حـــادي تــولانــي حـنـيـنـي ***** وإن عـرض طيفـك علـى طرفـي بكـاك كـيـف هــذا مــن هــوى قلـبـي يجيـنـي ***** يــا أرقّ الـنـاس قـولـي وش دهــاك لـــو تـمـاديـت بـمـلامـي سامـحـيـنـي ***** كـم تماديتـي بذبـحـي مــن طـغـاك ***************************** مــرتـــاح أحــبّـــك ولا عــلّــمــت ****** حـتـى انــت عيّـيـت أبـيـن لــك والـبـارحــة يــــوم أنــــا سـلّـمــت ****** شـكّـيـت لـــو عـيـنـي تـدلــك بـــرقٍ لــمــع بـالـعـيـون وخــفــت ****** مـواجـع القـلـب تـوصــل لـــك عـسـاك فـــي نـاظــري مـــا شـفــت ****** كـيـف المعالـيـق يـومــن لـــك مـــن خـوفـتـي لا احــتــرق جـنّـبــت ****** هـربـت مــن شـمـسـك لـظـلـك أخـشـى علـيـك الـهــوى لـــو طـحــت ****** مـــا تـلـنـي يـمّــك يـتـلّــك أبـــــي قـلـيــلــك ولا حــصّــلــت ****** بعـضـك تـركـنـي مـــع كـلّــك مــا ادري صــواب أو خـطـا مــا قـلــت ****** إنّـــك حبـيـبـي وأنـــا خـلّــك *************************** يــا مــدور الهـيـن تــرى الكـايـد أحـلـى ***** أســأل مغـنِّـي كـايـدات الـطــروقِ الـزّيـن غـالـي لـكــن الأزيـــن أغـلــى ***** ولـكـل شــرّاي بضـاعـه وســـوقِ الـنّـو عـالـي والـسـمـا فـوقــه اعـلــى ***** لـى فـاق عـلـمٍ جــاه عـلـمٍ يـفـوقِ الصّعـب هـلّـى قـلـت يــا صـعـب سـهـلا ***** دامـك تبينـي فانـت يـا صعـب شوقـي أحــب أعـسـف المـهـرة الّـلــي تـغـلّـى ***** وأحـب أروض كــل طــرفٍ يـمـوقِ وأحــب أسـافـر مـــع سـحــابٍ تـعـلَّـى ***** وأحـب فـوق الغـيـم لـمـع الـبـروقِ وأحــب أسـاهـر بــدري الّـلــي تـجـلّـى ***** وأرسـم شعـاع الشمـس عنـد الـشـروقِ يــا مــن عـلـى ثـايـر فــوادي تـولّــى ***** خلّـك علـى قـلـب الكـرامـة شـفـوقِ أكــرم عـزيـزٍ بالـعـمـر مـــا اسـتــذلاّ ***** يـسـوق عـمـره للمشـاريـف ســوقِ إختـرتـك مــن الـنــاس للـقـلـب خـــلاّ ***** يـا حيثـك مــرادي وكيـفـي وذوقــي مـــا رحـــت أدوّر كـــل زولٍ تـحـلّــى ***** لـولاك تسـوى مـا عطيـتـك خفـوقـي ****************************** يــا عـيـونـه بـــس يكفـيـنـي عـــذاب ****** بـالــذي ودّك تقولـيـنـه دريـــت كــل مــا قلتـيـه عـنـدي لـــه جـــواب ****** إقـري عيونـي مثـل مـانـي قـريـت يـا ذهــاب العـمـر عـمـري فــي ذ هــاب ****** الـقـوي الله فلـكـن مـــا قـويــت مــا بـقـى لــي قـلـب مـنـك القـلـب ذاب ****** بيّـن حـالـي ولـونـي مــا حكـيـت كـل مــا قـلـت انفـتـح لــي فـيـه بــاب ****** دار حـظّـي وانقـلـب عـمّـا نـويـت دوك شـيـبـي لاح فـــي حـــل الـشّـبـاب ****** كـلٍ بحظـه وأنــا بحـظّـي شقـيـت
يعطيكم العافيه الجميع ومشكوره على نقله يا ( [] خفـوٍق الـرِوِح [] ) يعطيك العافيه على هذي الاضافه المميزعه للشاعر يا ( غموض انثى )
![الصورة الرمزية [] خفـوٍق الـرِوِح []](image.php?s=51ef145c741e8b994eedc1ba024595f4&u=44747&dateline=1176313951)
العرض العادي
