السلام عليكم ،،،
كيف الحـــآل إن شالله بخير ،،،
هذي قصيدة محمد ابن الذيب الشاعر القطري المعروف و أنا من عشاقه ( مع انه عليه دخلات غلط ،،، بس كلامه قمة بالروعة ) ،،
أخليكم مع القصيدة :-
المارد الشعرى اليا غاب ولا حضر
يزت روحه على كفيه ويزتها
الله يقطع هل الدمام ياهل الخبر
وعدت ابو ريوف بزياره ولا زرتها
ياريوف ليل المواجه قدر ولا سهر
لو انها بختيارى ما تخيرتها
ونا فى راسى قصيده تشتعل من ظهر
وخاف عينى تغمض ونا بعد ماقلتها
لا كن قولى لبنات السد ولا النصر
وش رايهم فى هنوف يوم عينتها
جديلها يدهر ورموشها تدهر
وثيابها كل ما هب الهواء بختها
ما هى بثيب من الفتنه ولا هى بكر
لكنها من غلاها لى تبكرتها
وردوفها رفرف الجمس الجديد الحمر
مستعمله بس لا ذلحين ما سقتها
قالو لى خذ اختها قلت اليالى دهر
ماهى ببلغا ولاكنى تبالغتها
كئن نيل مصر الذيذ الى يصب بمصر
نيل امها وكن دلتا سوريا دلتها
ان سولفت سولفت لاكن بلمختصر
كنها التضامن مع البكمان فى صمتها
وليا ضحكت قلت ياربى عليك الصبر
وليا بكت قلت ياربى ما صبرتها
الخيل واليل والبيداء وجه الفقر
تطيح من عينى اليسرا لنظرتها
حتى هواء الطايف الى كل ليله مطر
كنى مصيف بجوه لا تحضنتها
امحق سنه عاد قلبى فيش ومحق شهر
ما فيه مره بعد فرقاش ما ذقتها
ونا على شانش ازعل حكومه قطر
عجمى وقلبى خبل لا بعتها بعتها
امتن من الضعف واطول من ضلال العصر
يضيع فيها النظر لا منك ناضرتها
يا قلها يوم الد العين يم الخصر
وليا تعديت قلتها تكاثرتها
من المخافه ما يوقضك لصلاه الفجر
ومن الطهاره ما يكفى لا تيممتها
الى اقبلت كنها لارهاق بعد السفر
متثيقله من سحاء ولا تثيقلتها
يدفها الشوق دف العاصفه لشجر
وتميل لا كن تستعدل لا عدلتها
ساعه ما تزعل كنه زعلان منك بزر
يجعلك تموت يا محمد ما زعلتها
يجعل ما لش يعينى غير فتنه نظر
والله يلعنك يا قلبى لا هملتها
الله خلقها بشر لا كنها غير البشر
الناس من تحتها ولا رض من تحتها
قالت ونا الحمد الله وثنا والشكر
قلت انتى القمه الى ما بعد كلتها
قالت انا الموت قلت انتى عذاب القبر
قالت لا بالله يبن الذيب مصختها
الله عطها شرف مريم وتقوى عمر
ونا ليا ذعذع الغربى توسدتها
بس اعذرونى ليا غنيت يا هل قطر
الله يغفر ذنوبى يوم حللتها
ماهو جنون الغنم ولا جنون البقر
شاعر وعندى قصيده زينه وقلتها
قولو لها لا تورينى نجوم الظهر
اما ترد الخبر ولاعشقت اختها !
و سلامتكم
إن شالله عجبتكم ،،،
مز مز
العرض العادي
