قصيده لوالدي الشاعر \سعد ابن عيران القريني حفظه الله
لاتبحث الخافي ترى القلب منصاب
كن السؤال بداخل القلب جمره
تلقا جوابه حايرن بين الأهداب
كانك فطين الحر تكفيه نظره
وكان السؤال عن ماجرالي من أسباب
عمر(ن) عثينا فيه طيش وزمره
أوعن عضيد حال من دونه تراب
لاواحسايف ماأكل ثلث عمره
أوعن صديق العمر عن ناظري غاب
غربّ وعنا أنقطع كل أمره
أوعن حبيب خان والجرح ماطاب
أقفا وخلا بين الأضلاع حسره
أوعن جميل ضاع بأصحاب وأقراب
كل من نصيته دار لي عرض ظهره
أوعن رجال مفتلت سود الأشناب
ضاقت بهم بيد الفيافي وبحره
أوعن وعن وعن تملابها كتاب
لو أنت قريته قلت ياقو صبره
لاتلحق العالم مشاريه وعتاب
والخاطر المكسور ياصعب جبره
دنيا ملاها الناس بخداع وكذاب
((أطيبهم اللي كافي الناس شره))
سعد ابن عيران
العرض العادي
