مــتـغـطيهـ دآآخل الديرهـ .. طيبـ وبرآآ الديــــــــــرهـ ؟!

[ود الجوف]

السلام عليكم ..
اخبار الكل ان شا الله تمام وبصحه ..

بودي اليوم اناقشكم بموضوع جـــآز لي وحبيتـ اشووف وجهآتـ نظركم فيهـ ..


اللي هو الحجاب خارج السعوديه وداخلها ..


مثلا الوحده هنا عبايه ونقاب وراضيه كل الرضى وماعندها مشكله ..
من تسافر برى .. اللي تشيل العبايه مره وحده .. واللي تتحجب حجاب عادي .. والي والي والي ... الا من رحم الله


ولا ولو يدري ولي امرها ان في هالشارع اللي خارج السعوديه عرب قال تغطي !!
والا اذا صار يعرف احد هناك قال اذا جا تغطوا واذا راح افتشوا


لحظه لحظه ..
الحين انتي تتغطين عشان الناس والا عشان الله ..
يعني لهاالدرجه مسببه لكم مضايقه !
وانت ياولي امرها ماعززت هالحجاب انه من امور دينها والا مخليه عاده غصب مشيتو عليها


يعني ربي في السعوديه وبرى السعوديه مافيه رب ..

قسم بالله اذا سالتني وحده لو سافرتي برى وش اللوك اللي تسوينه
ودي اصنها بكف ..
اعنبوا بليسها مافيه رب هناك والا ماخذين راحتهم عا الاخر


طيب حجابي انا البسه عشان يرضى ربي علي ويثيبني على صبري
موب البسه عشان العادات والتقاليد والمجتمع ..


شي صراحه يقهرني ..


وحده من زميلاتي : بتسافر وعرفت انها راح تفتش هناك ..
قلت لها هناك مافيه رب والا بس الدعوه استغفال وعاده..
قال وش باسوي بيضايقوني وبعدين احس اني قرويه ..
بالعكس راح يحترمونك موب يضايقونك فيه مسلمين هناك احسن من اسلامنا هنا
يافشيله بس لو شافونا وقالوا وين تمسكهم بدينهم الا بيستحقرونك لو يدرون
اذا على الحجاب الاسود واللي المفروض كل وحده تتمسك به
قوة لها ولدينها اللي هو الاسلام .. واللي يمكن تهتدي ناس كثيره من التمسك
بس للاسف ماعندنا ناس صاحيه


طيب الاسود مسبب لك حرج ..!!
فيه عبايات مره ممتازه وتستر وتفي بالغرض البسيها وخلصنا .. المهم ماتتخلين عن دينك واوامر ربك حتى لو كنتي باخر الدنيا ..


برايكم .. ياحبايبي ... وش نظرتكم لها العاده الغريبه صراحه ..
وهل الحجاب عاده !! عندنا اكثر مما هو امر من الله سبحانه !!
ولهاالدرجه العبايه عدو للمراه !!!


صراحه ابيكم تطلعون اللي بقلبكم .. لو تسردون لي قصص المهم


* تخلون للحق نوره .. وللدين اساسه وثباته .. وللعقل دوره ..!!







اسفه ع الاطاله


انتظركم ..

*م / ن