في حضرتك كنـي مدينـه بهـا نـاس=وفـي غيبتـك كنـي بلـيـا مديـنـه
حلم الوصال أشعل على الشاطي احساس=وريح الحضور أزكـى مـن الياسمينـه
يوم الفراق أقسى مـن الهـم واليـاس=حـزنٍ يكابـدنـي ليـالـي سنيـنـه
قربـك يسلينـي بـلا حـد وأقـيـاس=وبعـدك يزلزنـي بوقـتـه وحيـنـه
شربت بحر الشوق كاس علـى كـاس=وأشعلـت مابيـن الضلـوع المتيـنـه
وثارت لك الاشواق بالشعـر هوجـاس=أرسـم لآمـالـي معـانـي ثميـنـه
أحيـان ياتينـي لـلأفـراح نسـنـاس=وأحيان أبـات الليـل روحـي حزينـه
بيت الغلا بانـي جـداره علـى سـاس=بالعـز والاخـلاص مـاهـو بطيـنـه
وباب الأمل مفتوح مـن غيـر حـراس=وبـدر الدجـى نـوّر دروبـي جبينـه
كان البحر يعلـو علـى كـل غطـاس=الريـح مـا تعكـس مسـار السفينـه
هذي حقائق واقعـي صـوت وانفـاس=أظهرتهـا مـن بعـد كانـت دفيـنـه
وأسمعتها حـيٍ علـى كـل الأجنـاس=مـوت القهـر مـن لا تُجمّـل يمينـه
ياللي حضوره فيه ميـزه عـن النـاس=مدينـةٍ تسـعـد وتشـقـى مديـنـه
العرض الشجري
