۩ رواية »الموت ما هو أنك تكتفن بترابك الموت أنك تحب حي ويفارقك

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

راني فتحت شنطتها وطلعت سيدي: هذا تصوير متقن من اكثر من كاميرا تسجيل لموقع الحادث.. كاميرا خاصه ببوابه مصرف يبعد بعض المترات عنه.. و كاميرا داخل احد المحلات التجاريه امام الحادث .. و كاميرا سريه للشرطه والتي هدفها رصد المجرمين الكثر في هذا الشارع.. وكلها تؤكد بان الرجل المسكين كان يقف على طرف الشارع ينتظر اول سيار ه تمر حتى يرمي بنفسها عليها.. وللاسف كانت سياره صديقتي فكتوريا..
المحقق كان مصعوق من قوه تحليلها و مهارتها: كيف عرفتي بامر الكاميرات السريه يا راني..
راني بابتسامه كلها ثقه: قلت لك .. لا احد يهزمني سدريك اضف هذه للقضايا الكثر التي خسرتها امامي..
سديريك: ساخذ فتكوريا الى قسم الشرطه حتى نكمل القضيه حتى وان كانت برئيه..
راني بثقه: اخسى ان هذا الامر غير ممكن .. فالصحافه اشتمت خبرا لا اعرف كيف وصلها( وعطته نظره قويه) وان ذهبت فكتوريا معك فسوف تسوء سمعتها كثيرا و عندها سارفع قضيه على قسم الشرطه التابع لكم .. وساكسبها دون اي تفكير وستطرون الى دفع تعويض كبير.. لا اظن انك ستفرح به صحيح..
المحقق بلع ريقه: لا داعي لهذا ابدا( طلع مستند القضيه و مشى لفكتوريا اللي ارتسمت السعاده على وجهها) وقعي فقط هنا..
فكتوريا سحبت الملف بسعاده ومشت فيه لراني: اسفه ولكن الا لا اوقع الا على ما تقراه راني اولا..
راني ابتسمت بسعاده النصر و قرت الملف بتمعن وبعدها مزقت ورقتين و تركت ورقه: وقعي الا..
المحقق: لحظه...
راني: لا ارى ان موكلتي قامت باي شيء من المذكور في الورقتين.. لهذا ستوقع فقط على الورقه الاخيره.
المحقق عض شفايفه قهر و طلع من عندهم بعصبيه...فكتوريا نقزت من الوناسه: واااووو.. راني دائما تفوز..
راني مشت للشرطي اللي كان منزل راسها ومدت له شيك: هذه مكافاه بسيطه على مساعدتك..
الشرطي هز راسه بالنفي: لا داعي يا سيدتي انا..
راني: من الصعب ان يعترف احد انه كان في مكان غير مكان عمله امام مسؤول هذا مبلغ بسيط لك في حال عاقبوك بخصم..
الشرطي فتح الشيك وانصدم: هذا كثير..
راني هزت راسها: الليدي لارا تعشق ادلال المخلصين..
الشرطي طار من الفرح: شكرا شكرا شكرااا سديتي...
و ركض لبره فتكوريا او ما ابتعد ذابت عظام رجلها و انهارت على الارض.: كدت ان اسجن..
اسماء بفرح: لايمكن ان يحدث لنا شيء وراني مسؤوله القانون للشركه.. صحيح راني؟؟
راني تنهدت بخوف: لا. انني اخشى من يوم لا استطيع ان اساعدكم فيه.. انها ثاني مشكله نقع فيها يا سوما خلال هذا شهر و اخشى ان الهدف سيكون المره القادمه انا ولن اجد طريقه لاخلص نفسي او انتي وعندها ستكون ضربه كبيره لليدي لارا
اسماء نزلت راسها .. الشرطه مسكت في شنطه عضوه الشركه جوليا.. ممنوعات.. قدرت راني تطلع جوليا من الموضوع بسهوله بعد ما انكروا ان الشنطه لها و نتجت لانها ما كانت تحمل اي بصمات او دلائل انها صاحبتها...
والحين مشكله فكتوريا اللي اكيد احد وراها وكيف ينرسل سيدريك اللي يكرههم للقضيه..
اسماء: تظنين ان في احد يسعى لتدميرنا؟؟
راني تنهدت: انا ما اظن... انا متاكده من هذا الشيء.. الاعداء كثر يا اسماء..
فكتوريا بعيون حزينه: نحن لم ناذي احد ابدا!! و السيده لارا كريمه مع الجميع و تحب مساعده الاخرين.. لماذا يريد احد ما تدميرها؟
راني: اننا يا فكتوريا ..نسيطر على تجاره المنتجات الجماليه و الازياء في اوروبا كلها.. وحتى الشركات العاليمه اصبحت تتعامل معنا و تعلن ولاءها لنا.. هذا سيكره كل من يحاول التقدم في هذا المجال..
اسماء من غير نفس: ولاتنسي السيد ادغار.. انه اكثر شخص تحوم حوله الشبه..
راني هزت راسها: السيد ادغار يريد الليدي لارا في فراشه ولن يحدث هذا ان اذااانا اليس كذلك..
اسماء نزلت راسها خجل من كلمة راني الجرئيه فكتوريا عصبت منها: راني .. لا تقولي هذا الكلام امام سوما.
راني: لا اظن في كلامي شيئا غريبا انها 18+ اليس كذلك... سوما
اسماء رفعت راسها ووجها احمر: معك حق..
راني: على اي حال هيا نغادر من الباب الخلفي..
اسماء: وماذا بشان الصحافه...
راني بثقه: جوليا ستهتم بهم...-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

بعد كم يوم في شركه البدر.. كان اجتماع مغلق ينعقد..
كانت الاضواء مغلقه و الكل يتامل شاشه العرض اللي ابتدتت بعرض فيديو لبنت جميله شعرها اسود بوي عيونها خضراء و ملامحها بين العربي و الاجنبي. و لابسه فستان وردي فاتح لنص الساق عليه شال ابيض لف مغطي اكتافها لتحت الظهروعليها ورده ورديه..
ادوراد كان اللي يشرح قدام شاشه العرض للاعضاء: هذا كان رد شركه L&M على موضوع الحادث الذي قامت فيه مسؤوله الازياء الاولى فكتوريا..للصحافه واللي تناقلته اغلب وسائل الاعلام..
شغل ادوارد الفيديو و تكلمت البنت: مرحبا .. انا المتحدثه الرسميه لشركه L&M جوليا كلاك اندرسون.. اتكلم نيابه عن عارضه الازياء الاولى و مسؤولتها في شركتنا .. والتي اصابها الحزن الشديد للحال الذي كان فيها المدعو.. صديق فاضل 45 عام .. مغربي الجنسيه.. والتي دفعت للانتحار... حيث رمى صديق وهو ابو لثلاث اطفال بجسمها امام سياره فكتوريا بقصد الانتحار و هو شيء تم تاكيده من قبل الموجودين ساعه وقوع الحادث.. و رغم انه اراد الانتحار الا ان الرحمه الالهيه لم تحقق له رغبته و القي في المستشفى مصابا ..
وهذا شيء لم يكن اظظبدا من صالحه فصديق.. قرر الانتحار بعد ما قرر مستخدموه الاستغناء عن خدماته بسبب تقدمه في العمر.. من غير ان يعوضه باي مبلغ مالي.. يعينه على الحياه حتى يجد عملا اخر .. في الطريق تذكر صديق بان زوجته الحامل مريضه لا تستطيع ان تتحمل البقاء دون طعام كذلك الحال لابناء الثالثه و الذين لم يدفع لهم تكاليف مدرستهم الشيء الذي سيجبر المدرسه على طردهم ايضا و ليست المدرسه فقط و انما الشقه التي كانوا مستاجرين فيها
... فصديق لم يدفع الايجار من 17 اسبوعا و ان كان مالك المبى قد تحمل هذه المده كلها فلن يتحمل اكثر منه احس صديق بالم و الحزن و الوحده و الضعف... كيف يعيل عائلته.. كيف سيحمي اطالفه و كيف ياويهم.. هل سيتركهم ينامون في الشارع.. هل سيتركهم .. يجبون الشوارع يسالون الناس لقمه العيش ام هل سيجبر زوجته ان تنزل الطفل في بطنها... وهنا راى صاحبتي فتكوريا... للحظه ظن انه لو دهسته السياره فسيكون الخير و السعاده له و لعائلته... هو سيرتاح من هذه الحياه و ابناءهم سيؤمن لهم مستقبل جيد من مال التعويض الذي سيحصلون عليه من فكتوريا..
(جولياا نزلت راسها باسى ) ولكن مراده كله انتهى عندما كشفت خطته.. وها هو الان راقد في مستشفى لندن الكبير .. مكسور مريض ولا اظن ان عائلته تستطيع ان توفر ثمن العلاج...
( كان صوت اسى و بكاء جاي من الصحفين اللي يقابلون جوليا بس جوليا كملت ) لكن شعار شركه L&M هو صنع الابتسامه على وجه الحزنين.. ولهذا اعلنت السيده لارا مسؤوله شركه L&M عن توليها التام لجميع مصاريف علاق و سكن و دراسه عائله صديق.!!!!
( صوت تصفيق كبير كان واااضح من الصحافه) وليس هذا فقط.. الليدي.. لارا اعطت السيد صديق.. وظيفه مشرف الانسجه في مصنع الشركه جنوب لندن وهي وظيفه مناسبه لعمره و وضعه الصحيه ومبلغ كافي لا يدفعه لطلب المساعده من الناس.. عااااااااااااااااااااااشت الليدي.. لاااراااا...
الصحافه بدوا يهتفون : عاشت السيده لارا عاااااااااااااااااشت..
ادوارد وقف الفيديو .. و بدأ اسامه يتافف: كانه استعراض مرشح لمجلس..
منصـور وهو منزعج: انقلب كل اللي خططنا له لصالحهم...
ادوارد كبر صورة جوليا و ظهرت المعلومات الخاصه فيها تحتها : من المعلومات التي تلقيناها عرفنا ان جوليا اندرسون هي المتحدثه الرسميه باسم شركه L&M والمجيب الاول والرئيسي عن الاسئله في المؤتمرات و اللقاءات...
فارس وهو نص سرحان سال: اندرسون فيغا.. .. الاسم هذا ماهو غريب عني...
سـعود وهو يتامل الصوره: ماهو اندرسون صاحب جريده افق مدريد الاسبانيه .. واللي تتكلم عن التجار و غلاء الاسعار؟
فارس بتذكر: اهااا ذكرتها .. اللي قال عنا انا نصابيين بصفقة المواد الغذائيه اللي نزلناها سوق اسبانيا من 6 سنين..
جسار اللي كان جالس معهم : وكانت النتيجه انكم رفعتوا عليه قضيه خسرته كل املاكه و تسببت بانتحاره...
العيون كلها التفتت لجسار اللي كان يتصفح نسخه من الملف اللي سلمهم اياها عبدالعزيز اللي ما عجبه كلام جسار مثل العاده و سال: شلون تعرف هذا الشيء و انت معنا بس من ثلاث سنين..
جسار بعيون كلها ثقه: من ملفات بوطارق محامي الشركه السابق... كان لازم اعرف كل قضاياكم و مشاكلكم و تعاملك حتى اعرف كيف اتعامل مع اي شيء مستقبلا..
نواف اللي كان على راس الطاوله ابتسم: وهذا اكثر شيء يعجبني فيك يا النسيب..
جسار هز راسه ، عبدالعزيز انقهر و اشر لادوارد يكمل: أكمل العرض ادوارد..
ادوارد بدأ يتكلم عن جوليا: جوليا .. احد اعضاء مجلس اداره شركه L&M وهي اكثرهن ابداعا في الكلام عمرها 27 سنه .. متزوجه من كلاوديو ريغز.. اسباني الجنسيه يدير شركه منفصله متخصصه فقط في اعمال المقاولات... ولديها ابن عمره 5 سنوات...و تملك جوليا 10% من اسهم شركه L&M
مشاري صفر : واو 10% ماهي نسبه كبيره لموظفه؟
ادوارد: جميع اعضاء المجلس يملكون 10% وهم ( عرض ادوارد صور اربع حريم ) الاولى مثل ما ذكرنا هي جوليا اندرسون .. والثانيه وهي مسؤوله الشؤون القانوينه..راني اجايي .. 29 سنه هنديه الجنسيه و عاشت اغلب حياتها في بريطانيا.. تملك شهاده دكتوراه فخريه في القانون .. ولها حضور متميز في المحاكم و ما خسرت اي قضيه من قبل... مطلقه مرتين و احد ازواجها ... موجود معنا هنا..
العيون كلها التفتت لنواف اللي على طول توسعت عيونه و استغرب: لا تنظرون لي ... رغم انها مزيون و حلووه كثير ماهو انا سعيد الحظ..
عبدالعزيز من غير نفس: ما عندك شيء تقوله يا ابوي؟؟؟
أسامه من غير نفس كان عارف انه ان ما تكلم راح يتكلم ادوارد و يفشله : كانت مجرد نزوه لما كنت ماسك فرع لندن قبل 5 سنين..
ادوارد بابتسامه: ولكن هذي النزوه... خسرتك 10 ملاييين و اسهمك في شركه الفونسوززن للمنتجات الصحيه...
منصور توسعت عيونه بعصبيه: خييييييييير.. وانت اللي قلت لي انك اضريت تبيعها لكنك كنت مضطر.. واخذت سيوله مني..
اسامه بتأفف: ايش كنت تبيني اسوي... قررت اطلقها بعد ما زهقت من طلباتها و اسلوبها اللي كله ثقه بالنفس..و من بلغتها اني ابي الطلاق راحت و ارفعت قضيه طلبت من بوطارق الله يذكره بالخير يرافع عني.. ورغم كل مهاراته ما قدر يغلبها .. كانت تحمل الماجسيتر و قلقله الخبره فظنيت ان الموضوع بيكون بسيط بس للاسف قالت في الجلسه اشياء ما تنقال .. و حكم القاضي لصالحها بكل بساطه ...
نواف رفع حاجبه على كلام اسامه وابتسم: ثنتين من حسناوات L&M يكرهونا الله يستر من ثالثتهم..
ادوارد حرك الشاشه وظهرت البنت الثالثه: نار على علم.. فكتوريا ماكسويل. 24سنه. بنت لوري ماكسويل.. صاحب اكبر محلات العطور في باريس.. كانت عارضه ازياء متميزه في شركه L&M في سن 18 الشيء اللي رفعها لتكون مسؤوله التصميمات و عروض الازياء الخاصه فيهم..
نواف تنهدت باستماع لصوره البنت الغايه في الجمال: هذي متزوجه صح..
ادوارد ضحك: هههه لا ليست كذلك سيدي.. انها تظن انه لم تقابل الشخص المناسب حتى الآن..
عبدالعزيز بوز من الحقد.... مشاري ضحك: ههه يظهر في ناس رافضتهم الاخت...
عبدالعزيز: مو شغلك...
نواف ضحك: لا تلومه يا مشاري.. وحده بهذا الجمال مستعد اعطيه اللي تبيه و احصل عليها ليوم..
منصور انقهر من وقاحه نواف و بجرأه طلب من ادوارد يكمل: كمل يا ادوارد... لو سمحت عندنا شغل بنكمله..
ادوارد كبر صوره البنت الاخيره: العضوه الرابعه.. اسماء العبد المحسن.. 21 سنه...
نواف رفع حاجبه باستغراب: اسماء؟ من هذي..
ادوارد: هي بنت الجازي العبدالمحسن.. اخت.. بومبارك العبدالمحسن..
احمد حرك عيونه باستغراب لاعضاء المجلس وبعدها للشاشه : هذي المعلومه غير صحيحه.. الجازي ما عندها اولاد..
اعضاء المجلس كلهم حركوا عيونهم لاحمد اللي اعلن شيء غير متوقع، عبدالعزيز: عمي.. المعلومات على الفلاش انا متاكد منها.. جاسوسنا على شؤون الموظفين..
احمد: الجازي كانت متزوجه سطام العبدالمحسن واحد من اصدقائي ايام الدراسه و اللي مات في غزو الكويت.. من 20 سنه... و الجازي ما تزوجت بعده نهائيا .. بمعنى لو كانت هذي فعلا بنتها كان لازم تكون مولوده قبل وفاته..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

عبدالعزيز بابتسامه سعيده: يعني اسماء المغروره ماهي بنت عز...
فارس بثقه: ممكن تكون الجازي تبنتها بعد وفاه زوجها وعطتها اسمها حتى تورثها لما تموت..
ادوارد هز راسها بموافقه مع نواف : بعد ما قريت الملف اللي حصلت عليه من السيد عبدالعزيز قررت اطابقه بمعلومات جمعها لنا بعض جواسيسينا الباقين.. البنت اللي اسمها اسماء... ظهرت على العلن من 3 سنين فقط..ولا توجد اي بيانات اخرى لها قبل هذه السنوات..
نواف توسعت عيونه و بقوه: ثلاث سنين!!!
ادوارد بابتسامه: هذا صحيح يا سيدي .. بمعنى ان كانت هذه الفتاه متبناه .. فقد تبنتها الجازي منذ ثلاث سنوات..
نواف تامل صوره البنت النحييييله كثير ذات الشعر الاسود القصير المتدرج...وهو يقول في نفسه و يتذكر: معقوله!
-
قبل ثلاث سنين و نصف..في الرحله لجزيره كوزمو..
نواف بتملل شاف ايمان جالسه على نفس الطاوله لمبارك اللي كان جالس على كرسيه المتحرك تتفرج معه على مجله ازياء..
ايمان باستمتاع: واااوووو الفستان هذا عجيب.. تصميمك مبارك؟؟
مبارك ابتسم: ايو تصميمي.. بس احسه بسيط كثير..
ايمان بانباهار: انت عن شنوو تتكلم الفستان طالع يجنن...
مبارك بعيون مركزه على صوره عارضه الغلاف اللي كانت مثل الالعاب بجمالها و شعرها الذهبي الجميل: هذي احسن عارضه عندنا لهذا السبب الفستان طالع حلو..
ايمان صفرت: ووواووو.. كلام حلو اكيد طالع من قلبك.. تحبها..
مبارك بوجه محمر: انتي شنو تقولين يا ايمان.. هذا الشيء مستحيل .. مستحيل اني انا........
ايمان نزلت عيونها باسى : اسفه يا مبارك...
مبارك اشر لمرافقه: وصلني للجناح...
ايمان بحزن: مبارك..
مبارك تجاهلها و طلع من الحديقه للجناح ايمان كانت بتلحقه بس .. الممرضه قربت منها ووقفتها: السيد مبارك حساس كثير لما يتعلق الموضوع بالحب..الزواج
ايمان: ليش ؟
الممرضه: مثل ما قلتي بالضبط هو فعلا يحبها هذي العارضه وهي رغم انها انسان رقيقه وطيبه القلب ما فكر السيد مبارك يكلمها لان يحس نفسه عاجز ان كلمها بموضوع الزواج اكيد راح تقبل بشفقه..
ايمان بعصبيه: مافي انسان يتزوج شفقه...
الممرضه: اجل الثروه الكبيره اللي ممكن تاخذها من زواجها منه..هذا اللي يظنه السيد مبارك و مستحيل يغير هذي الفكره فاتمنى انك تنسين الموضوع و تهتمين بامورك الشخصيه..
الممرضه ابتعدت عن ايمان و كملت طريقها ورا مريضها.. ايمان وقفت ووعدت نفسها وهي ما تدري ان نواف يسمعها: لا تخاف يا مبارك .. ما اكون سيده الحب ان ما خليتك تاخذ حبيبتك...
نهايه الذكريات
-
نواف بعد ما تذكر كل اللي صار و كلام ايمان يومها رفع عيونه للصوره من جديد وهو يقول في نفسه: معقوله تكون هذي البنت انتي يا ايمان..بعد ما هربتي رحتي لمبارك و لعبتي دور سيده الحب في موضوعه مع حبيبة و كوفأتي بالتبني من عمته ..بس حتى وان فقدتي اكثر من نص وزنك... و غيرتي لون تسرحيه شعرك.. بعض الملامح مختلفه... يستحيل اتأكد قبل لا اتكلم معك..
ادوارد: سيدي نواف.. اهنالك شيء يشغلك..؟؟
نواف حس انه سرح و شرد تفكيره وهو شيء غريب عنه ابتسم و حرك عيونه لادوارد حتى يكلم: كمل يا ادوارد..
جسار كان اكثر من اثاره اهتمام نواف بصوره البنت اللي ما كانت غريبه ملامحها عنه.. بس قرر يسكت حتى يكمل ادوارد الاجتماع: الحسناوات الجميلات الاربع.. كلهن يشكلن %40من اسهم الشركه.. تبقى 10% موزعه على باقي رجال الاعمال
سعود وهو يتامل الصور المكبره على الشاشه: من جهة حسناوات فهم شديدات الجمال...
ادوارد: تظن الليدي لارا رئيسه مجلس ومالكه 50% من الاسهم انه اكبر دعايه لشركتهم ان تكون موظفاتها و العاملات فيها كلهن جميلات..
فارس بضحك: وهي اكيد قبيحه..
ادوارد كبر الصوره لرئيسه المجلس: الارمله لارا يغامزي .. عارضه الازياء السابقه 27 سنه ..رغم انها تبدو لي ب17
ظهرت صوره لارا واللي كانت لها صوره لابسه فستان اسود في جنازه مبارك مع والده و الصور الثانيه لها كانت صوره في عرض ازياء كانت لابسه فستان اخضر للركبه و عليه من جهة الصدر دانتيل ابيض مزين ابحجاز زمرد سعرها بني فاتح بخصل ذهبيه نازل بطوله لاخر ظهرها ناعم ولابسه نظارات عسليه الخاصه بشعار شركتهم..
عبدالعزيز: خطيره!!
ادوارد: لارا كانت اجمل و على رأس عارضات الازياء في شركه مبارك العبدالمحسن قبل زواجها من ابنهم الوحيد مبارك.. منذ ثلاث سنوات.. فقد كان مبارك معجبا بها ولم يعرف اي شخص بموضوع علاقه الحب التي اعلنت فجأه و تلاها زواج تقليدي بين افراد العائله.. هذا الزواج لم يكتب له الاستمرار فقد توفي مبارك بعد عام واحد من زواجهم.. تاركا والده المريض و زوجته الحامل.. توفي بومبارك العبد المحسن بعدها بشهرين و خسرت بسبب الصدمه السيده لارا الطفل.. بعد ست اشهر تجاوزت لارا المحنه و قررت ان تحي اسم عائله العبدالمحسن بعد ان اصبحت الوريثه الوحيده لكل شيء.. قامت بتغير شعار الشركه من مبارك العبدالمحسن الى .. L&M وهي تعني لارا و مبارك..
مشاري: مسكينه ما تهنت باي شيء..
سعود بغرور ضحك: هههه انت اكيد تمزح ياا مشاري.. بسيطه وسهله اكثر من ما تتصور.. تزوجت الولد المريض بكل ذكاء بعد ما عرفت بحبه لها وان المسكين ما عنده اي احد يورثه.. بعد ما تزوجته مثلت دور الزوجه العاشقه باتقان و صار اللي كانت تتمناه و مات الزوج المزعج قررت تضغط على الاب حتى يجعلها الوريثه الوحيده وبعد ما صار اللي تبيه اثارته حتى مات هو الثاني و بعدها تخلصت من الطفل اللي كانت تحمله حتى تعيش حياتها بسعاده و حريه..
ادوارد: اسف يا سعود لكني ما اوافق كلامك هذا..
سعود بعدم رضى: خير..
نواف كمل عنه : لا اظن ان عارضه ازياء جميله مثل لارا تفكر بهذي الطريقه الغبيه... ليش تتزوج واحد مريض وهي تقدر تتزوج واحد غني و معافي..
سعود باستخفاف في كلام نواف: ومنو يرضى في وحده مثلها..
نواف حرك عيونه للصوره مره ثانيه: ما عندي مانع ابدا اكون هذا الواحد..
سعود بعصبيه: نعم!!!
ادوارد: اضم صوتي لسيدي نواف.. فمنذ وفاه السيد مبارك و الملياردير جفري ادغار يحوم حول الليدي لارا.. اضافه الى عدد كبير من رجال الاعمال الاوربيين..
نواف حدد نظرته لوجه لارا: ادغار.. نظرته دائما سباقه للاشياء الجميله.. منافس ممتاز..
جسار من غير نفس وهو يقصد شيء ثاني: ظنيتك معجب بفكتوريا...
نواف حرك عيونه لجسار بثقه: معجب بفكتوريا صح.. وما عندي مانع انعجب بلارا بعد...
جسار ابتسم له رغم ان الف فكره و فكره كانت في باله وكان يقول في قلبه: واسماء اللي قطعتها بنظراتك شنو هي بالضبط..
ادوارد اعلن نهايه التقرير لما سكر الشاشه: انتهى التقرير.
نواف هز راسه واشر لادوارد يجلس: القاء ممتاز يا ادوارد ومعلومات ممتازه يا عبدالعزيز.. فعلا تستحق اداره فرع لندن بعد التخرج.. فانت محافظ على اداره و دراستك في الوقت نفسه..
عبدالعزيز باتسامه سعاده: تلمذيك ياا طويل العمر..
نواف: عين الصواب.. من اليوم ورايح راح اكلفك بموضوع شركه L&M خسارة شركه T.beauty و الجمال الشرقي دليل على توسع شركه لارا وحسناواتها على اوروبا كلها و تدرجيا راح يبلتعون الجزء العربي وهذا اللي انا ما ابيه يصير..
احمد بهدوء: بس يا نواف.. الازياء و الجماليات ماهي اهم اعمالنا.. ومجرد قسم..
نواف: لارا سوت صفقه مع شركه الجوري و الجوهره الماسيه اخذت كميه كبيره من اسهمهم وهذا دليل على رغبتها في توسيع تجارتها و بمعنى ثاني هي تخطط تبدي في مجالاتنا و بما ان ثنتين من مجلس الاداره الخاص لشركتهم يكرهونا لازم نخاف و نحذر ونهجم قبل لا يهاجمونا..
اسامه تنهد: موافق على كلامك يا نواف.. والباقي..
منصور على طول بعد ماشاف تاييد اسامه قرر يايد: كلام نواف صحيح والا ايش رايكم انتوا..
احمد ما كان بيده الا انه يوافق هو وولده بما ان اخوانه و عيالهم موافقين على الخطه و جسار اللي يدير اسهم ابوه وافقه هما لانه ما شاف اي ضرر من الموافقه على قررات نواف العقل المدبر في الشركه..
نواف بدأ التخطيط: عبدالعزيز .. عليك.. بااللي اسمها اسماء.. لازم تتقرب منها باي طريقه و تحاول تجمع اي معلومه ممكن تحصل عليها من صديقاتها و زميلاتها و حتى الاساتذه.. و راح اطلب من فيصل يتولى فرع لندن نيابه عنك..

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

عبدالعزيز بنوع من الاعتراض: مافي داعي ابدا يا نواف. اقدر اتولى الموضوعين بكل بسهوله..
نواف: مافي داعي تضغط على نفسك ابيك تتفرغ و بشكل تام لهذي المهمه.. فاسماء هذي واضح انها بتكون الخيط اللي بيوصلنا لثروتهم و للنصر..
فارس: بس ان كانت اسماء هذي ماهي بنت الجازي ما راح نستفيد شيء.. فالطماعين كثار و اكيد احد منهم بيطعن بحقيقه هويه اسماء و ماراح يسمحون لها تورثها..
نواف ببرود: تكفينا 10% اللي تملكها و ماني بحاجه ثروه الجازي..
مشاري: 10% لايمكن تنفعنا قدام 90% الباقيه,,
نواف اشر على سعود: وهنا يكون دورك...
سعود بتوتر: انا؟؟ كيف...
نواف: المدعوه راني... مثل هذي العقليه و الذكاء لازم تكون في شركتي تحت امري انا...
سعود: وتطلب مني انا اني اقنع انسانه مثلها تترك الناس اللي تثق فيهم؟
نواف بثقه: راح اعلمك كيف تدخل في الموضوع معها.. لكن المهمه مافي احد امهر منك يقدر ينفذها.. هل انت بمحل ثقتي فيك يا سعود
سعود ابتسم على ثقه نواف: اكيـد يا النسيب..
نواف لوى وجهه على كلمه سعود و بعدها ابتسم من غير نفس... : انتهى الاجتماع.. اجتماع ثاني راح ينعقد بكرا نحدد فيه دور كل واحد على جنب..
الكل استأذن و قرر يطلع وظل نواف جالس وقبل لا يطلع جسار ناداه: جسار لحظه ابيك بكلام..
جسار التفت له و اشر لمشاري: اسبقني مشاري..
مشاري ابتسم لها و مشى .. جسار رجع و جلس جنب نواف: هلا ياا طويل العمر
نواف تنهد وقال: ابيك بكلام
جسار: ماقلت ان كل واحد بتحدد معه باجر؟
نواف رفع حاجبه وهو عارف ان جسار عارفه هو بايش يبيه بالضبط: ما عدت تناديني النسيب يا جسار.. و صرت تكتفي بطويل العمر او نواف... ليش.؟
جسار ابتسم بخداع: عادي.. احنا في شغل و انا فضلت اني اقولها جذي حتى افصل الشغل عن البيت و البيت عن الشغل..
نواف ببرود: يعني ماهو حتى تنبهني على بعدك عن فاطمه..
جسار بهدوء رغم توتره لان نواف كاشفه: افااا ليش تقول جذي يا نواف..
نواف بكل صراحه: جسار ابي حل لموضوعك مع فاطمه .. اتمنى تكون صريح معي.. وما تلف و تدور لانك تعرف اني اقدر اكشفك بسهوله..
جسار بهدوء: وليش الف و ادور يا نواف.. انا صريح معك من البدايه.. قلت لفاطمه تنتظر حتى اوقف على رجولي خصوصا اني ابيني ثروتي لحالي و ما اعتمد على احد وهي موافقه على هذا الشيء.. الا ان كانت تقول هذا الشيء قدامي و من وراي عند تقول غيره..
نواف تنهد و كمل: فاطمه ما قالت لي اي شيء بس انا اقدر اعرف من خلال نظراتها لغيرها من البنات و تصرفاتها.. اخوك يا جسار اللي اصغر منك تزوج وعنده الحين ولد وانت مازلت مملك على فاطمه لا انت راضي تتم الزواج ولا راضي تتطلقها..
جسار عصب: ان كان الطلاق اللي تبيه ليش ما قلت من الاول وانا اعطيها حريتها.. انا يا نواف ما اقعد حرمه معي عصب..
نواف وهو حاس انه بدأ يخسر الحوار: مافي داعي لهذا الكلام يا جسار.. انا قلت بس ان فاطمه انسانه رقيقه وانت ما عليك رئيسه الوحده القانونيه في شركتنا و عندك رصيد كبير ايش اللي تنتظره حتى تتم زواجكم..
جسار بابتسامه ساخره: ايمااااان
نواف توسعت عيونه من جواب جسار: ايمان؟؟ايش غلاقتها بالموضوع
جسار: انا مستحيل يهنى لي بال او ارتاح حتى القاها و اغسل شرفنا اللي نزلته الارض..
نواف باستغراب: بس ايمان ماتت..
جسار: والميت ما تظهر جثته؟ احساسي يقول ان ايمان حيه.. وانا مازلت ادور عليها و ان كنت تبي تسرع في زواجي من اختك ليش ما تساعدني
نواف فهم على طول ان جسار استغل الحوار حتى يعرف ايش هي شكوك نواف اتجاه البنت اللي اسمها اسماء..
نواف ببرود: ان كان هذا هو شرطك يا جسار فراح اسوي اللي اقدر عليه حتى نلقا ايمان..
جسار: مشكور..
نواف : بس هذا الاتفاق راح يكون لمده سنه وحده بس..
جسار: خير؟؟ ليش ان شاء الله..
نواف: فاطمه عمرها يزيد سنه بعد سنه.. وان كنت ناوي تعلقها سنه ثانيه فراح تكون الاخيره لاني خايف عمرها يضيع و ما تتزوج..
جسار: تطمن يا نواف.. ما راح يصير االا اللي تبيه..شيء ثاني..
نواف ابتسم له حتى ينصرف: سلامتك..
جسار بابتسامه: مع السلامه..
جسار طلع بثقه وهدوء و ترك نواف اللي حط راسه على الطاوله: ايمان مصره انك تذليني و تاذييني حتى وانتي غير موجوده.. ما كسر ظهري غيرك وبعدك فاطمه اللي ما اقدر المس جسار بسببها..
نواف اخذ جهاز التحكم للشاشه الكبيره و بدأ يتصفح الشرايح وحده وحده: و الصور المتتاليه ..: معقوله تكوني انتي يا ايمان..
الصوره كانت لاسماء تمشي جنب فكتوريا في ممر للشركه وجنب اسماء وحده غير واضحه ملامحها بسبب ان الصوره قصت نص وجهها.. نواف ذبحه الفضول و كبر الصوره لما حس ان ملامح الوجه مالوفه له ..و فجأه: سلين؟
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

جسار دخل لبيتهم و لقى ابوه جالس مع ريم يشربون قهوه الظهر

و محمد الصغير في حضن امه
جسار بابتسامه مشى لعندهم ورمى شنطته اللي كانت فيها ملفاته: السلام عليكم
محمد ابتسم له ونزل فنجانه : وعليكم السلام..
جسار قرب من ابوه وباس راسه: شلونك يا الغالي..
محمد وهو يهز راسه له: بخير جعلك بخير دووم..
جسار التفتت لريم و اخذ محمد منها: ايشلونك يا ام محمد..
ريم بتوتر نزلت راسها: ببببببببخير يا جسار..
جسار ضحك على توترها اللي اعتاد عليه على مر الوقت.. فواز قرب لعندهم بلبسه الطيران ومعه شنطته..
فواز بصوت عبيط: هههي انت شنوو تسوي لزوجتي وولدي..
جسار انفجر ضحك: ههههههه اعذبهم..
فواز: سوها وانا ارميك من اول طياره تركب فيها معي..
الكل ضحك على تعليق جديد مضحك من فواز.. فواز نزل راسه حتى يسلم على ريم قبل لا يطلع و انتبه على شنطه جسار..: وااوو مجله L&M للازياء... كل اللي فيها جميلات..
جسار ضحك وحرك عيونه لريم: زوجك المخلص يشوف غيرك..
ريم رغم توترها: يا كثر ما يتكلم.. بس في الحقيقه هو مخلص .. صح فواز
فواز كانت عيون ملصته على صوره وحده في المجله ولا انتبه على ريم اللي تبدلت ملامحها الواثقه الى الخوف: فووواز؟؟
-
-

نهــــــــاية الجــــــزء

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر جديدج القادم

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر جديدج القادم

●●●
يمرحبا بك هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

البارت العشرون:
ريم رغم توترها: يا كثر ما يتكلم.. بس في الحقيقه هو مخلص .. صح فواز
فواز كانت عيون ملصته على صوره وحده في المجله ولا انتبه على ريم اللي تبدلت ملامحها الواثقه الى الخوف: فووواز؟؟
فواز صحى من سرحانه: هاا؟
جسار بخبث و حتى يستغل الظرف سال: اي وحده اخوي من الجميلات في نظرك احلى من ام محمد يا اخوي ..
فواز خاف من سؤال جسار الغريب بابتسامه سخيفه جاوب: مع انهم كلهم احلى من ام محمد هذي احلاهم كلهم..
جسار حرك عيونه للصوره اللي اشر عليها واللي كانت لفكتوريا .. اللي كانت فيها المديرات الخمس و جنب فكتوريا بالضبط اسماء
جسار في نفسه: حركه ممتازه يا فواز .. لكن توترك و طريقه نظرك للصوره تاكد لي شكوكي في نواف...
محمد بتافف: فواز عيب عليك هذا الكلام.. ام محمد اغلى و احلى من هالعارضات الاجنبيات ..
فواز جلس على الكنبه و ضم ريم بطريقه محرجه: انا عارف يا ابوي.. وما يحتاج انك تقولي لي.. ام محمد غاليه و حبيبه و امووت فيها لكن هذا ما يعني اني اوقف اكحل عيوني بالزين...
ريم باحراج دفعته عنها: خلك مع زينك..
ريم جت بتقوم بس فواز رجع و سحبها و طاحت في حضنه: فوووووازز!!
فواز بجرأه و ضحك: عيونه و روحه...
ريم قامت باحراج وعلى طول ركضت لغرفتها .. جسار انفجر ضحك و ابوه عصب: فواز مليون مره قلت لك.. لا تسوي هذي الحركات قدامنا.. البنت بغت تموت من الاحراج.
فواز وقف و اخذ شنطته: ما اقدر يا ابوي و انت تعرف ان هذا طبعي من كنا صغار و المفروض ريم تتعود عليه..
جسار بتاييد لكلام ابوه: بس ريم غير عن باقي البنات انت تعرف هي شكثر رقيقه و ناعمه..
فواز : انا عارف هذا الشيء اكثر منك يا جسار و هذا اللي حببني فيها..
جسار استغل اللحظه حتى يضرب الوتر الحساس عند فواز: غريبه !! مع انك كنت تقول قبل ان البنات الرقيقات ماهم نوعك.. .. وانك كنت تبي وحده مثل ايمان..
فواز تاكدت شكوكه اخيرا من جسار ابتسم وقال بهدوء: و من ظل منا على حاله يا جسار... خل ناخذ صفه الخبث كيف صارت معززه عندك بعد ما كانت معدومه قبل كمثال..
جسار توسعت عيونه على قوه كلمه فواز اللي مشى وباس راس ابوه و طلع على طول..رعص جسار على اسنانه و كان بيمشي لما وقفه محمد..
محمد ببرود: لحظه يا جسار..
جسار رجع وجلس : هلا يا ابوي..
محمد: جسار انت ولدي الكبير و اعرفك زين و مستحيل تقدر تخفي او تكذب علي فاتمنى انك تجاوبني على سؤالي من غير لف و دوران... انت سامع شيء عن ايمان؟
جسار زفر .. كان يبي يستغل الوضع لمصلحته لكن الشيء اخذ نتيجه عكسيه سحب المجله و وراها لابوه: هذول يا ابوي.. مديرات في شركه l&m و اللي يخطط نواف انه يكسر تطورها السريع حتى ما يتعارض مع مصالحه... اليوم واحنا نعرض الصور ركز نواف نظره على هذي ..( وهو ياشر على اسماء) وهي بنت متبانه للعائله و ظهرت فيها من ثلاث سنوات... انا ماني عارف ليش احس نواف شاك فيها.. مع ان البنت ما عطتني اي انتباه.. لكن من خلال تعاملي مع نواف خلال الثلاث سنوات اللي فاتوا فهمت انه انسان لا يستهان بذكاءه و لايمكن ينسى شيء حتى وان كان صغير.. فلهذا السبب كنت ابي فواز يشوف الصوره باي شكل حتى اتاكد و اظن ان شكوكي في محله..
محمد: ان كانت ايمان مثل ما تقول .. تظن ان فواز ما راح يقول..
جسار من غير نفس: انت تعرف فواز اكثر مني يا ابوي.. وتعرف بعد انه خايف عليها منا كلنا ولهذا السبب في نظره انه تكون بعيده و في الغربه احسن من انها تكون عندتا.. اللي ماني عارفه او فاهمه هو شلون وصلت للشكل هذا و للمكان هذا شلووون؟؟؟
محمد ابتسم: ايمان تسوي اللي تبيه يا جسار و مافي شيء يقدر يوقف بوجهها وهي الحين تلعب اخطر لعبه في حياتها وما اعتقد بتسمح لنفسها تخسر بعد ما راهنت بكل ما تملك فيها..
جسار رفع حاجبه بغضب: كانك فرحان؟؟
محمد ضحك : هههه وليش ما اضحك على نجاحها...
جسار: ماني قادر افهمكم.... وتتصور انها وصلت للي هي عليه بطريقه شريفه!!
محمد: بنتي وانا اعرفها...وانا واقف من انها مهما صار و مهما اشتدت الظروف لايمكن تطلع عن شيء انا ربيتها عليه...
جسار رمى المجله على الارض: نشوف يا ابوي.. نشووف..
جسار كان بيروح بس محمد رجع وقفه : جسار.. ما خلصت كلامي..
جسار كان معصب بس حاول يبتسم و يقعد: هلا..
محمد: ابي افهم انتي الى متى ناوي تاجل في زواجك من فاطمه..
جسار من غير نفس: هذا اللي ناقصني ..بعد..
محمد: خير وش قلت؟؟
جسار: ابوي الغالي.. نواف توه مكلمني بالموضوه و بصراحه قلت له كل اللي عندي.. انا متسحيل اتزوج طول ما ايمان هربانه...
محمد: بس انت تعرف الحين هي وين؟
جسار: انا صحيح اعرف هي وين لكن ما رجعته لبيتنا وهو الشيء اللي اشترطته..
محمد: ايمان ما هربت حتى ترجع وانت تعرف هذا الشيء..
جسار: هي ما راح ترجع بس ما تقدر تمنعي ارجعها بالقوه... كل اللي احتاجه هو دليل ضدها و هذا الشيء مستحيل يصير طول ماهي بعيده..
محمد: ماني فاهم؟
جسار : انا بروح مع بحجه مراجعه بعض القضايا العالقه للشركه في لندن و راح احصل الدليل ..
محمد: لندن؟
جسار: بنتك العزيزه تدرس اداره اعمال في اكسفورد..
محمد ابتسم : ما شاء الله عليها سوت اللي كنت دايما اقوله ... رغم كل حججها وانها ما تحب الدراسه..
جسار انفجر عصبيه من برود ابوه: انا اخلص من جسار و ثقته فيها تطلع لي انت يا يابوي..
جسار عطى ابوه ظهره و طلع من البيت رغم انه كان ناوي يصعد لغرفته.. محمد بهدوء اخذ المجله و تامل صوره اسماء من جديد: حتى بعد كل هالسنين الوحيد اللي يقدر يطلعك من بين آلاف يشابهونج هو فواز... اما انا اللي ربيتج ما فهمت انها انتي الا بعد ما قال لي جسار..
-
-
-
ريم جلست قدام المرايا تتامل شكلها ترفع شعرها و ترجع تنزله من جديد و تغير في لوك شكلها بس ما كانت حاسه بتغير رجعته مثل ما كان وبعدها تاففت
حركت عيونها لصوره فواز المبتسه معها جنب المرايا و بوزت وجهها: حسبي الله و نعم الوكيـل: شككتني في شكلي يا فواز...مافي داعي ابدا تتكلم عن غيري في وجودي.. بس تدري.. تكلم في غيري مو مشكله.. بس لا تسوي حركاتك الجرئيه قدام اهلك... الحين شلون بقابلهم اسبوع كامل وانت مسافر بعد اللي اللي سويته...
ريم قامت من قدام المرايا ومشت للسرير اللي رمت نفسها عليها: ما انكر ان البنات اللي في الصوره كانوا ملكات جمال.. بس انت اخترتني رغم انك كنت تختار احلى مني بكثير.. والمفروض تحترم قرارك..
تقلبت ريم و تحركت عيونها لاتلقائيا لصوره كانت جنب السيرير وهي صوره غاليه على فواز بلبس رعاه البقر المفضل له مع ايمان اللي كانت مسويه معه نفس اللبس و الحركه: على من تضحكين يا ريم.. وحده من البنات اللي كانت في المجله هي البنت نفسها اللي شفناها في النمسا البنت اللي نادها ايمان... معقوله تكون هي؟؟ رغم انها ما تشبها نهائيا.. بس جسار يقول ان فواز يقدر يطلع ايمان حتى لو كان لها توام متطابق..في الشكل والاسلوب.... بس هي فعلا ما تشبهها..اووووووف......... معقوله..
ريم قامت من الفراش على طول:معقوله يكون يخدعنا كلنا لما قال لها ايمان وهذي البنت وحده يحبها....
موبايل ريم رن الشيء اللي صحاها من ازمه الاحباط و الجنون اللي كانت فيها: الو..
ندى بصوت رقيق: مرحباا ..
ريم ابتسمت لما سمعت صوت ندى اللي ترتاح له كثير: هلا ندوووي..
ندى: ريم اسفه ان كنت ازعجتك باتصالي هذا الوقت..
ريم : لا ما في ازعاج اصلا انا كنت جالسه لحالي.. فواز طلع عنده رحله..
ندى: الحمد لله... ريم.. حياتي.. اذا ما كنتي مشغوله تقدرين تروحين معي المول؟
ريم بثقه مختلفه عن طريقتها المتردده في الماضي..: هذا كلام يا ندوي اكيد بروح معك..
ندى: ريم ممكن الحين؟
ريم تاملت الساعه وبعدها سالت: ما كأن الوقت بدري؟
ندى: لانه ضروري ارجع قبل الليل... اليوم..... شوفتي؟
ريم توسعت عيونها صدمه : ايش!!!!!

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

فاطمه كانت جالسه مع عواطف يتابعون مسلسل شافوه الف مره بتملل... لكن ماكان عندهم شيء احسن منه يسوونه.. كانوا لحالهم في البيت بما ان ديما طول الوقت عند اهلها او في غرفتها ما تطلع عندهم.. و امهم طالعه مع ابهم بما ان جلوسها معهم صاير يضايقها..
وسط جلست الملل رنين موبايل فاطمه لفت انتباه الكل : فطوم فوونك!!
فاطمه كانت متدده على الكنبه بملل و الموبايل بعيد شوي عننها:مالي نفس ارد...
عواطف تثاوبت: ما عندك حتى فضول تعرفين من المتصل...يمكن حبيب القلب؟
فاطمه تاففت وسحبت الفون من غير لا تتامل الرقم: الو؟
جسار بصوت رجولي ثقيل: مرحبا فاطمه..
فاطمه شقهت و نقزت من مكانها بقوه: جججججججسساااار...!!!!!
عواطف انفجرت ضحك على شكلها الشيء نفسه سواها جسار من ورا السماعه: هلا حبيبتي شلونج شخبارج؟
فاطمه على طول ركضت بره الغرفه اللي كانت فيه وعلى طول دخلت اقرب غرفه و سكرت الباب: بخير حبيبي انت شلونك؟
جسار بابتسامه: بخيـر دامني اسمع صوتج يالغاليه!
فاطمه: عساه دووم..
جسار بصوت كله حب: فطوم حياتي ابي اشوفج صار لنا مده بعاد عن بعض... ايشرايج نتغدى بره
فاطمه بفرح:صدقققققققققققققق
جسار: هه اكيـد.. وين تبين..
فاطمه كانت مثل عادتها بتقترح لها مكان بس قالت تهدا و تترك له القرار: اللي بتختاره انت اكيد بعجبني حبيبي..
جسـار ابتسم: اتفقنا.. عشر دقايق و اكون عندكم..اوكي.. لا تتاخرين؟
فاطمه: اوكي..
جسار: مع السلامه..
فاطمه: في حفظ الرحمان يا حبيبي.
جسار سكر الخط بسرعه و حرك بسيارته لبيتهم ، فاطمه نقزت من الفرح وعلى طول ركضت لغرفتها تطلع لها لبس بس عواطف طلعت بوجهها: خير على فين رايحه..
فاطمه: جسار عازمني على الغدا..
عواطف رفعت حاجبها: غريبه.. كذا ومن غير سبب؟
فاطمه: ما ادري عموما عن اذنك انا طالعه باااااااي..
فاطمه على طول ركضت لغرفتها و طلعت اشيك وارقى بلوزه عندها ولبستها على جنيز كحلي غامق ولبست الحزام الشوارفسيكي الكحلي و رفعت كل شعرها لورا و نزلت بس المقدمه بطريقه مايله على جنب وحطت ميك اب خفيف كحل كحلي و مسكرا كحليه و قلوس فوشي.. و لبست عباتها و المزينه بالنقوش و الكريستال و حطت عطرها المفضل مس ديور و ظلت تنتظر جسار يجي .. انتظرت و انتظرت و ما جاء لحد الحين
بعد ساعه..
ساره و جاسم دخلوا البيت يدهم بيد بعض: السلام عليكم
عواطف ابتسمت وهي ما زالت على التلفيزيون: وعليكم السلام.. ايش هالرومانسيه..
بونواف بابتسامه معتاده منه: هههه انا طول عمري رومانسي مع حبيبتي..
ساره انتبهت ان بنتها لابسه وجالسه: فاطمه؟ بتروحين مكان..
فاطمه ابتسمت لامها رغم القلق و الانزعاج اللي فيها على تاخر جسار: جسار عازمني على الغدا بره..
ساره استغربت بس بعدها ابتسمت لها: ماشاء الله وين؟
فاطمه: ما ادري والله بس كل شيء من جسار حلو..
بونواف: الله يخليكم لبعض.. فاطمه ما اوصيك ما ابي تاخير..
فاطمه هزت راسها له: ان شاء الله..
ثواني الا جسار متصل و قبل لا ترد فاطمه ببرود قال: انا بره..
وسكر الخط على طول قبل حتى لا تقول باي..فاطمه ابتسمت بتصنع و مشت: مع السلامه..
رغم ان فاطمه طلعت الا ان الجو المنزعج ما ترك البيت ساره على طول التفتت لعواطف: من متى وهي تنتظر؟
عواطف: من عشر دقايق
ساره بنظره عدم تصديقيه: متاكده انها عشر دقايق..
عواطف حركت وجهها لبعيد وساره على طول فهمت ان فاطمه تنتظر من مده استغفرت ربها و دعت ان الطلعه هذي تكون بدايه خير على الاثنين..
من جهه ثانيه فاطمه ركبت سياره جسار البي ام دبليو وجلست جنبه : السلام عليكم..
جسار التفت لها و نزل النظاره حتى يعطيها نظره ساحره: وعليكم السلام ... هلا وغلا بحبيبتي ...تاخرت عليج؟
فاطمه ابتسمت بتصنع لان اخر كلمه قهرتها وقالت حتى ترضي غرورها: لا ابدا اصلا انا توني خالصه..
جسار ضحك: ههههه اجل صدق اللي قال لي فاطمه عطتها موعد قبله بساعه..ههه
فاطمه ابتسمت رغم انها كانت مقهوره منه ..محامي و مستحيل تقدر تغلبه في الكلام.. جسار فهم انها قررت تختصر الموضوع فاخذ السيدي ودخله حتى يبدأ جوله ثانيه من ضغطها ... و اشتغلت اغنيه لعبدالحليم..

كان يوم حبك أجمل صدفة
لما قابلتك مرة صدفة
ياللي جمالك أجمل صدفة
كان يوم حبك صدفة
صدفة قابلتك ولا على بالي
شفت ساعتها جمال الدنيا
صدفة لقيتني إتغير حالي
واتبدلت لوحدي في ثانية
خدني جمال الروح والخفة
كان حبك أجمل صدفة
أوعى تفكر يوم تخاصمني
أو تهجرني ولو بالصدفة
وإن صادفك يوم ابقى صالحني
ماتفتنيش استنى الصدفة
وارحمني من الشوق واللهفة
كان يوم حبك أجمل صدفة
جسار ابتسم وهو يسوق ويسمع الاغنيه التفت لفاطمه اللي قهرها انه مشغل هذا النوع من الاغاني: فطوم شفيج ما تحبين عبداالحليم؟
فاطمه تصنعت السعاده: الا اكيد احبه.. من ما يحب عبدالحليم..
جسار كان فاهم تصنعها و كمل: اي اغنيه عندك احلى وحده..
فاطمه حست انها تورطت هي تكره عبدالحليم والاشياء القديمه و ما تحب الا الاغاني الاجنبيه بس ما قدرت تمنع نفسها من انها تظهر معه بنفس الذوق .. حاولت تتذكر وحده من اغاني عواطف المفضله واللي كانت تحب تسمعهم و قالت: اول مره تحب يا البي..
جسار رفع حاجبه وابتسم : حتى انا احبها.. القلوب عند بعضها..
فاطمه: اكيد..قلوبنا عند بعض..
جسار: بما ان قلوبنا عند بعض تتوقعين وين بنتغدا؟
فاطمه حست انها رجعت ورطت عمرها بس استخدمت ذكاءها: حركه حلوه بس ما ابي افرض رايي عليك ..
جسار رفع حاجبه: ماني فاهم...
فاطمه: انت تبيني اختار ولما اختار انت بتقول نفسي وبتاخذني له..
جسار ضحك على ذكاءها و اسلوب التهرب اللي استخدمته: ما شاء الله عليج... خلاص اذا جذي باخذج لمطعم واحد من شركائنا عجييييييييييييييب..
فاطمه وهي منزله راسها بخجل: اي شيء منك اكيد حلو..
جسار: فدييييييييت اللي يستحون..
-
-

[قلب الزهـــور]

»الموت ما هو أنك تكتفن بترابك الموت أنك تحب حي ويفارقك

بعد ساعتين كاملين تسوق انتهت ندى و ريم من المول و جلسوا في كافيه ممغلق يرتاحون...
ريم كشفت وجهها و طرحتها وزفرت: اوووووف تعبت
ندى ضحكت على شكل ريم وهي تتافف: هههه فديتك يا ام محمد..ما قصرتي..
ريم ابتسمت لها و رجعت ترمي الطرحه على كتفها : تستاهلين يا حياتي... كل شيء خلصناه الفستان و الجزمه و حتى اكسسوارات الشعر..
ندى: اخدكم بعرس حمودييي ان شاء الله..
ريم: ما يحتاج يا ندى انتي ماقصرتي معي ايام زواجي ولا نسيتي.
ندى ضحكت بخبث: ههههههههههههه يا انها كانت ايام تضحك.. تذكرين يوم نشتري قمصان النوم..
ريم انقلب وجهها الوان: ننننننننننددددددددددددىىىىىىىىى!1!!! عـ....ــــــــــيب عليـ,,,ـــك
ندى: هههههه اي هذي ريم اللي اعرفها ... حتى بعد كل التعديلات اللي سواها فواز.. مازلتي خجوله..
ريم نزلت راسها على ذكر اسم فواز: بس ندى!
ندى ضحكت: مشتاقه لفووواز؟
ريم تنهدت: وليش ما اشتاق له يا ندى.. وفواز الروح و القلب و احلى شيء في حياتي كلها...
ندى بنص ابتسامه: تدرين يا ريم ان حياتك مع فواز و التغيرات اللي اشوفها فيك هو واحد من الاسباب اللي اقنعتني بالزواج من اللي متقدم لي؟
ريم: ماني فاهمه؟
ندى: انتي لسى تحبين نواف يا ريم..
ريم انصدمت من سؤال ندى و بعصبيه جاوبت:إإيييش هذا السؤوال طبببببببعااا لالاا
ندى بتوتر: لا تفهمنين غلط يا ريم.. انا بس ابي اوضح لك راي..
ريم: كملي..
ندى: انتي يا ريم.. في ايام مراهقتك انعجبني بنواف وهو شيء كل افراد العائله يعرفونه بسبب اختي ديما.. اللي هما انعجبت فيه اللي صار هو ان ديما فرضت نفسها على نواف اللي ما كان في باله احد.. وانتي تزوجتي يعقوب الله يرحمه..ديما تزوجة نواف و صار اللي تبيه لكن السعاده هي شيء بعيد عن حياتها.. ديما تشمتت فيك لما مات يعقوب وانا عارفه هذا الشيء حتى و ان انكرته وهذي هي الحين مقهوره و نادمه على زواجها من نواف.. انتي ربي عوضك بفواز.. من كان يتصور ان عيال عمي محمد بيظهورن في حياتنا من جديد.. وواحد منهم ياخذ فاطمه والثاني انتي والثالثه تعطيني نصيحه ما حسيت بقيمتها الا الحين...
ريم: نصيحه؟ اي نصيحه؟
ندى بهدوء: تذكرين يا ريم يوم ملكتك من يعقوب؟ ايمان قالت لي ان حتى من غير حب يقدر الرجال بالقلب البارد يمثل العشق بجنون قدام اي مرأه يرغب فيها... لهذا السبب لا ترمي اي وحده منكم نفسها في ايدي الرجال...
ريم رمشت بعيونها: صحيح الحين ذكرت كلامها .. الله يذكرها بخيـر..
ندى: اي والله.. يومها كنت مراهقه اعشق عبدالعزيز الشاب الوسيم في عايلتنا واللي من نفس عمري خصوصا ان الباقي اكبر مني بوقت وهو الوحيد اللي كان طول الوقت قدام عيني.. كنت اظن اني اقدر اطيحه بحبي و ارسلت له رسايل غراميه ولما ما رد علي ظنيت انها خيره بما انه ما رد عليه فهذا يعني انه ما يرد على غير و بكذا يكون احسن صالح و مستقيم.. بس اللي سمعته من صديقاتي واللي راحوا معه لندن للدراسه انه العكس و يمشي مع البنات الاجنبيات وله علاقات اعوذ بالله منها... لهذا السبب يا ريم انا خفت و قررت اخذ الطريق المستقيم انا بنظري الزواج التقليدي فيه بركه اكثر من الزواج اللي يجي عن طريق الحب,, ولو ما صار نصيب ممكن انا ننهييه بسهوله.. بعكس ديما اللي دمرها هو انها كانت تحب نواف وهي اللي سعت حتى تتزوجه .. و فاطمه اللي لسى معلقه...
ريم مدت يدها ومسكت يد ندى: سويتي خيـر يا ندى و تطمني باذن الله .. كل حي بياخذ نصيبه بهذي الحياه وان ما كان عبدالعزيز نصيبك اللي بتعيشين معه احسن حياه .. بيجيك اللي احسن منه باذن الله..
ندى ضحكت: ههههههههههههه والله و كبرنا يا ريم وصرنا نعطي حكم ومواعظ...
ريم: ندىىى
ندى بخبث: يااا حلوك ويا زينك يا فواز غيرت ريم الخجوله لانسانه ثانيه .. اكيد يعطيك دروس جريئه..
ريم على طول طرا في بالها حركت فواز اليوم قدام اهله و نزلت راسها محمره: بسسسسسسس
ندى ضحكت بجنون:ههههههههههه
-
-
الطيـاره المتوجهه لباريس :
عبدالعزيز كان يطبع على لابتوبه بسرعه كبيره و في نفس الوقت يتصفح له كم ورقه من ملف ...سعود كان جالس جنبه بتملل و بنفس الوقت اندهاش من مهارته
سعود وهو يلتفت عليه: الابتوبت عرفت انك تسوي عليه تحليل نسب المبياعات لشركه l&m بس الملف اللي بيدك ايش؟
عبدالعزيز وهو ما يشيل عينه من على الللابتوب: قاعد اراجع محاضرات الاسبوع اللي فات..
سعود رفع حاجبه: وااوو.. فعلا الله يعينك يا عبدالعزيز تدرس و تشتغل في الوقت نفسه.. و كل ويك اند ترجع للرياض لاهلك و تحضر الاجتماعات..
عبدالعزيز فصخ نظاراته الطبيه.. : انا عكسك يا سعود في سبيل اثبات نفسي مستعد اسوي اي شيء مهما كان..
سعود: بس هذا انتحار انت كذا ما تقدر ترتاح..
عبدالعزيز: راح ارتاح قريب .. بعد ما انتهي من الدراسه.. خصوصا اني اهدف اكون مثل نواف بعد التخرج..
سعود ضحك : ههه مستحيل.. نواف غيـر.. ذكاءه و تمكنه من شغله مستواه اعلى من مستوا انسان طبيعي .. يقدر يفهم الشيء وهو طاير و مستحيل احد يقدر يخدعه او يضحك عليه..
عبدالعزيز:نشوف .. مافي قوي في الدنيا الا وفي اللي اقوى منه.. وانا اسعى حتى اكون هذا القوي و اهزمه..
سعود ضحك: ههههه لما تخسر باكون اول متشمت فيك..
عبدالعزيز : نشوف..
كابتن الطياره فواز كان يتمشى في الطياره و يسلم على الركاب مثل عادته لما شاف سعود و عبدالعزيز جالسين جنب بعض
ابتسم وقرب منهم: ما شاء الله انتوا على رحلتي؟ بس اشنو اللي مقعدكم هني ... لو قلتوا لي كان
عبدالعزيز قاطع فواز قبل لا يكمل خصوصا ان مكان عبدالعزيز و سعود في مكان مزعج في درجه رجال الاعمال : اكيد هذي الطياره الوحيده اللي طالعه باريس اليوم و ما كان في غير هذا المكان.. خصوصا ان الدرجه الاولى مملوءه على الاخر ونفس الشيء مع رجال الاعمال..
فواز ابتسم بغباء: هههه بس السياحيه فيها اماكن احسن..من هنا..
سعود عصب : تبينا احنا عيال البدر نركب في الدرجه السياحيه..
فواز اخذ خطوه ورا ورجع ضحك: هههه اسف يا سعود كنت اضحك معك.. انا ديما مجهز مكان خاص لعبدالعزيز على رحله لندن- الرياض .. بس استغربت لما شفتك هنا...
عبدالعزيز هز راسه: صحيح انا اروح دايما على لندن.. بس عندي كذا شيء بخلصه مع سعود وبعدها بطلع على لندن ..
فواز في نفسه: سبحان الله يوم سويت المستحيل حتى اخذ مكان صاحبي على رحله باريس.. انكشف على يد هالاثنين بالذات..
سعود رفع حاجبه لما حس ان فواز سرح: فواز... انت ما هو من شوي تقول انك تقابل عبد العزيز على رحله لندن؟
فواز تظاهر بالبرود: صار تغير في اللحظه الاخيره.. زميلي اللي طالع باريس.. عنده ظرف يجبره يتاخر فلهذا اخذت رحله الحين و هو بياخذ رحلتي بعد ساعه..
عبدالعزيز: اهااا...
فواز التفتت لسعود: مبروك خطبه الاخت..
سعود انصدم : الله يبارك فيك.. كيف عرفت؟
فواز ضحك: ههههههه ساااحر.. ... ندى اخذت ريم معها للسوق تتجهز للخطبه اليوم ... وطبعا ريم ما تقدر تطلع قبل لا تقولي.. سبحان الله اتصلت قبل لا اطلع الطياره بشوي هه..
عبدالعزيز حس بصدمه و عدم تصديق على طول التفتت لسعود: ندى بتتزوج؟؟
سعود ابتسم وهز راسه: اليوم ان شاء الله الشوفه و الله يكتب اللي فيه الخيـر و انا كان المفروض اكون معهم بس للاسف طلع لنا هذا الشغل و منعني.. بس ان شاء الله ان صار نصيب ما في شيء بيمنعني من ان احضر الملكه..
فواز ضحك: ههه وانا معك... ندى غاليه علينا كلنا... و حبيبه قلب ريم ...
سعود: ههههههههههه
عبدالعزيز ما انتبه ابدا ان سعود و فواز غيروا موضوع ندى و دخلوا موضوع ثاني و لا لما تركهم فواز و كمل رحلته التفقديه على الركاب كان يغلي و يطبخ من داخله وهو يصرخ في نفسه: ماااشي ياا ندى.. مسويه لي فيها مستقيمه و تبين زواج تقليدي... وين الحب و ووين المسجات و الوعود.. ماشي ياا ندى.. ان ما كنتي لي... عمررررررك ما راح تكونين لغيري..