حبر هالليله دموع

[! قمـر سهران !]

خليط من المشاعر
أدواتي كانت

كي بورد بحاجة إلى حروف لأنها باتت مخفية من أثر الضغط عليها بعنف

وبعض الأرق

وحبري المعتاد ..

والنتيجة أنتظرها حسب ذائقتكم

من الفرن لمشاهير
مع الحب والتقدير

حبر هالليلة دموع ..... دمعته ما خانته

جيت لك بشفاي جوع ..... شك يمكن هانته

ينكسر مثل السنين
مالقى لحظة حنان
والأسر شوق وحنين
ما يخففه الزمان

ما يجف الحبر لكن .. كانت الصفحة أرق

قبل ماكتب جبت زهره ..... جبت عطر وشمعتين

وانتظرت وشفت عذره ..... شك وجراح وأنين

والصبر لك إحتضار
كنت أتساءل عليك
وانتِ ماهمك نهار
بس اغوص بعمق فيك

مابقى بالنبض ساكن .. والجنون اسمه غرق


تسئليني ليه احبك ..... وانتِ انفاس الحياة

ما سألتي قبل قلبك ..... ليه مال وليه جاه

ماعرفتي هالمحبه
كلها جنون وعطا
ما سألتي نبض قلبه
يرتعش لحظة بطا

ما يعيش الصدق داكن .. لونه أبيض من ورق

اسألي لحظة جنوني ..... والقلم والنزف شاهد

اسأليهم يا عيوني ..... ماعرف سلوى وناهد

مايعرف الا عيونك
ما يعرف الا غلاك
غيرتك مدري جنونك
كلها والله هلاك

مايروح الحب ماكن .. دام بيديك انسرق


98م قمر سهران 98م

[SOUND]http://www.salmiya.net/songs/jasmi/ram/jasmi89.ram[/SOUND]