(الليله احساسي غريب) اش صاربي يا قصيد
من ضيقتي كني على رجلي وصلت الحسـا
أراقب النجمـات وأدوّر علـى هـلال عيـد
حتى لقيت الليل مـن شـدة سـواده قسـى
من بعد ماكان المسى يجعل فـؤادي سعيـد
حرمّت اقول الله وأكبر يـا جمـال المسـى
اليوم مثل الأمس مابه شـي غيـروجديـد
أستغفـر الله كـن قلبـي منخلـق للأسـى
أعاتب الأيـام وأدري ذا العتـب مـايفيـد
واقول في نفسي وانا قاسي عليهـاعسـى
وش فيك يا الخفجي علي ؟ مايكفي أني وحيد
غريب نفس ومركبي فوق المآسـي رسـى
لو كنت ساكن بك ولي ربع وعمام وعضيـد
مادار يوم الا وانـا حزنـي لقلبـي كسـى
من هو نساني قلت جعله خير لي يـافهيـد
له يوم وبيرجع وابنسى مثـل ماهـو نسـى
حنا عطانا الله قلـب ٍ صلـب مثـل الحديـد
وشلون يبكينـا الجفـا والا فـراق النسـى
لاصرت فاقد طير شلوى راس مال الرصيـد
يحق لك تبكي وتفخر فـي دمـوع الأسـى
محمد بن عبدالله الزعبي - ملاوح
العرض العادي
