اصعب سؤال اللي جوابه للاسف مثله سؤال
ما هو تفلسف الا موقف صار واسمع ثاني بيت
البارحة يومه سأل وش ذكرك ذيك الليال
كان الجواب بكل بساطة من متى اصلا نسيت
ادري بين جمع الصعوبه والبساطة شي محال
لكنها صارت كذا واللي اهم اني دريت
ان الحياة فبعد احبابك اذا جف الوصال
بتعيشها لو تقتنع انك خلاص اصبحت ميت
ياصاحبي لو كل شي يمر بالخاطر يقال
ماكانت العبرة تولجني ليامنك طريت
شفني قدرت احبس ادموعي بس دمع القاف سال
ياكبرها ساكت لكن داخل اوراقي بكيت
عمر الحكي ماكان دافي لبتدا بقولة تعال
لجل اتجاهل رجفة حروفي ليا مني حكيت
الحال في بعدك قسم بالله ما اسميه حال
انوي على الضحكة واحس كلي خطا لني نويت
اتصور انك من رحلت اشوفك لجسمي ظلال
لاشفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ما ركد قربت اموت وما رسيت
يرضيك ماعادت معي تفرق اذا جالك مجال
لني اقتنعت انك نهاية واني ببطي مابديت
صرت اعقد حجاجي اذا جابوك باطراف الجدال
وانا قبل لاقالوا اسمك كني ميت ثم حييت
تعبت اعيش الدور وافتح للمعاذير الخيال
واتخيل اني جيت في بالك ومنك استحيت
وترد لي كلك وله وتقول كن البعد طال
ومن الفرح ماعاتبك واقول ياخي مابغيت
حتى وانا اتخيل حشمتك لن قلبي لايزال
يكرر اسمك داخل اعماقي بنبضه لاسهيت
قلي شسوي فيك وانت بداخلي اصدق مثال
للحب واحساس القصيد معانق الليل وسريت
ربي صبرني على الفرقى مدام الحظ مال
وانت بيجي لك يوم تعرف ليه في بعدك شكيت
واذا بلاك الله وعذبك اشتياقك بس تعال
واقرا القصايد في غيابك كل ابوها بيت بيت
بتدري ان اصعب سؤال اللي يجي رده سؤال
لا قلت لي وش ذكرك ثم قلت لك متى نسيت
العرض العادي
