بسم الله اكبر في صدور وورودي = بسـم الله اكـبر كــل ماهب نودي
هبت هبوب النار مـن كل ناحيه= بمدمرات مثل قصـف الـرعـودي
لـبيه يالحـد الجنوبي لك الوفـا= رجال سـعوديه وجـيش سـعودي
رجال الموقف صدق ماهي بسالفه= لاصـار في الأعـلام بيض وسودي
ولّيت يالحوثي عمى الله بصايرك= ولّـيت يالنـذل الحقود الجـحـودي
غلطان في فكرك وعلمك ونظرتك= وقّعت نفسـك في الجحـيم الوقـودي
حـنا سـعـوديين الإسـلام ديننا= نقلب عليك ايـامـك البيض سـودي
والله تشوف الموت من كـل ناحيه= وإحـنـا إذا قـلنا نوفّـي الوعـودي
يـاجيشـنا يـادرعنا يـاحصوننا= يـاأمننـا اللـي بـاذلين الجـهـودي
دكـوا حصون النذل خلوا كـرامته= تنهان مخـلف كـل وعــد وعهودي
خـلّوه يعـرف كـل حجمه وقيمته= ومن هو الشجيع ومن هو اللي شرودي
خـلوه يرجـع حيث ماكـان يختبي= خـفّـاش ليل يـاحـيـاة الزهـودي
يـالله انـا طـالبك يافـالـق النوى= تحفظ بلـدنـا مـاتجيها الـنكـودي
وختامها منـي صـلاة عـلى النبي= أعداد نبت الزهـر في كــل عودي
العرض الشجري
