بسم الله الرحمن الرحيم
صبـحكم / مسـاكم الله بالخير اخواني واخواتي ،،
كيف حـــــــــــــــالكم يالربع؟؟
اتركم مع القصه والقصيده ،،
البيت المشهور لمسلط بن شعيفان الازمع السبيعي . وهو اقرب خوي للوليد بن طلال الامير ..
قصة هذه الابيات هو انهم كانوا مجتمعين الاخويا ومعزبهم في المخيم الخاص بالامير وكان
حديثم عن الماضي وتاريخ القبائل وبالتحديد قبيلة سبيع ومكانتها في اعين الدوله السعوديه
وفي الاخير سأل الوليد بن طلال مسلط بن شعيفان من اطيب جدك ولا جدي..!
(من المعروف ان سبيع لهم دور كبير في فتح الرياااض وايضا مساندتها للدوله السعوديه
الاولى والثانيه ومازالت.).
فرد عليه بن شعيفان وقال جدك ونعم فيه لكن مارسّاه وثبّته على الحكم الا جداني
وبني عمي سبيع الغلبا من غير قصور في جميع القبائل الباقيه..
بعدها زعل الامير الوليد وقال :
انت مهبووول وسخر من كلامه.. فما كان من مسلط إلا ان زعل ايضاً وقام من المجلس
وارسله بعد مده هالابيات بعد سماعها من قبل الامير ارسل في طلبه واسترضاه مع حفظ المقام
والكرامه .. وهذه هي القصه الحقيقيه...
.... الابيات هي كالتالي
يا أمير أنـا عنـدك حشيـم وغالـي "" ولا احب انا شئ يمـس الكرامـه
نفسي تـروم المرجلـه والعوالـي "" هـذا هـدف نفسـي وهـذا مـرامـه
تاجرت في بـاب الشكالـه بمالـي "" بعت الرخامه وأشتريت القرامـه
قالو هبيل وقلت جايـزلـي هـبـالـي "" هبال طيـب ولا صحـاوة رخامـه
هـذي تفاصيلـي وهـذي خصالـي "" يقول اللي مـا زهـد فـي كلامـه
أن جزت لك فأنا الرفيق الموالي "" وأن عفتني مسموح ومع السلامه
دور وتلقالـك رفـيـق بـدالــي "" وكـل يبي رفقتـك تـرفع مقـامـه !!
منقول
العرض العادي
