جاي في لحظة وداعك تواسيني
تقول انه مقدر لك
مقدر لي واقولك ايه لزوم ارضى
لزوم انسى وروحي في الألم غرقى
واقولك تدري وش ابغى
ابي اضحك الين ابكي
وابي ابكي الين اضحك على همي
ويبكي من بكاي دمي
وابي آآآه توديني لحضن "امي
واحب كفوفها واشكي عليها طبع
هالدنيا
وتدري وش بعد ابغى؟!!
ابي في الهوى مشقى ولاتخنقني
العبرى
ولا أدري عن الفرقى
وتدري في هاللحظه وش بعد
ابغى؟! ابيك
تضمني لصدرك واضمك حيل
وابيك تكون آخر من يودعني قبل
ارحل عن الدنيا .. ..
::
يا"طويل العمر" قلي علامك
قلي عسى ماجاك من صوبنا اقصور !
ماعدت اشوف بهالرسايل سلامك
وماعدت انا مثل الوصل دوم مسرور !
ماظنّـي اخطيت ولازدت بكلامك
عشان تتركني يالغلا بين العــرب
"مقبــور" .. !
::
سهرت وليلتي هدت على كتوفي كل أمل جبار
وعصفور الفجر لي صفر يبلغني طلع فجره
كرهت الصفره والعصفور وتبشيره بأمل فشار
وضيى صبحاً للمقهور يجدد شوفه لقهره
وعوزاً شيل الرجال من الدنيا كثير أفكار
تودي هناك وتجر هنأ يم اللي طغى شره
يم اللي عطى وعده وقال انه للغلا كفار
وتكافير الوعد للكافر ترفع بالوفى قدره
::
جيتك وانا من زماني بالعٍ سمه ..
مثل الفراشه تهافت على ضوؤك ..
لاهنت شفها همومي جتك ملتمه ..
سولف لها يمكن تريّح على صوتك ..
في داخلي طفلٍ صغير وميته امه ..
حزين لاشفته يذكرك في موتك ..
دايم يصيح وينتخي يابسٍ فمّه ..
عطشان وده يسير على جووتك ..
::
حبيبي جاني يترجى بعدماذلني ويّاه
و يطلب من شعورٍ مات يرد يحياعلى شانه
بعدماكان يعذبني وفيني مايخاف الله
رجع مثل الطفل يرجي وصالي وعينه غرقانه
يحسْب اني على خبره مناي وغايتي لقياه
بعدعامين من هجره رجع لي يشكي احزانه
يحسْب اني هذاك اللي بيغفر كل ما سواه
و جاني بكل ثقه يركض يقول ان الزمن خانه
و بشرته انا بربي حلفت اتجاهله وانساه
و اذا قلبي طرى اسمه حلفت اقطع له لسانه
عشانه كنت انا عايش ولكن احسن الله عْزاه
رحلت بكل مافيني وغيّر قلبي عنوانه
::
كان قلبي يحلم بقلب من قلوب البشر يبكيه..
وكل ما ارويتهم كانوا بالشقا هم يحرقوني..
كان قلبي ينتظر قلب من همومه ينسيه..
بس للأسف مابه قلب بها الدنيايقبل بكوني..
مات وللأسف ما قدرت أبكي عليه..
مات قلبي ودموعي جفت في عيوني..
::
ليه امتلت هالدنيا يا يمه غدر وخيانه
وين الحب و الصداقه ..؟وين يا يمه الامانه..؟
حتى حبيبي اللي كان لي السند راح واخلف الوعد
راح وتركني اللوعةعذابي والغى العشره والعهد
::
تخيلت الذي يجمع حبنا هو عشق لحد الموت
تخيلتك تدفني وتلمني داخل اضلاعك
تقاسمني فرح قلبك وافهم ضحكتك بسكوت
وتفهمّني بنظراتك عن اللي مسبب اوجاعك
لقيت انك تدور لي مكان لدفنة التابوت
وتجهز لي من الصدمات شي(ن) عمره ما طاعك
::
ودك تغيب وتنسحب من حياتي ودك تسابق خطوتك والمقادير
ودك تحطم حلم كان امنياتي
واشوف نظرات الشماته من الغير
طبع الجفاء ماكان يوم صفاتي
ادق وارسل لك موده وتقدير
وان كان ماصدقت عندي ثباتي
شف رقمك اللي طالع(ن) بالفواتير
::
تسألني وش أتمنى؟؟
احترت من سؤالك لان الجواب واضح
بقربك كل الأماني املكها
::
حكاية حب أنا اللي قد رسمت حروفها بحدود
وبطوي مع غروب الشمس آخر صفحة في احزاني
ولا يمكن لقلبي بعد يخصك بالغلا والـــزود
ولا يمكن لقلبي بعد يذوق الحب من ثاني
أذوق المر أهون لي ولو قربك عسل و ورود
ولو قربك دوا عوقي أموت ولا اقصدك عاني
وما تنلام ع القاصر إذا كنت بالنقص مولود
لكني أنا المخطي وفي حقي أنا الجاني !!!
ابي تكون اخر من يودعني قبل ارحل عن الدنيا.!!!
العرض العادي
