عفا الله عن خطا غدر الخناجر وضلوع أبطال
بسامح واتركك تحت ظلام الحالك لحالـــــــــك
دخيلك وفردموعك ترى هدر الدموع إذلاــــل
وترى ما في أحد يصبر مثل صبري بغربالك
أنا عيب علي أنقض كلامي والرجال أفعال
إذا قلت أقطع أحبالك تراني بقطع أحبالك
عشان اكسب هدب عينك تجرعت العذاب أشكال
وليتك ترأف بحالي علشان أرأف بحالك
مسوي في حياتي شي لا يذكر ولا ينقال
حشا حتى العدو وهو العدو ما يعمل أعمالك
تمسيني على الهم وتصبحني على الغربال
تقلطني بفناجيلك وتقصر عني ادلالـــــــــــك
تحملت التعب لأجلك وأنا حملي يهد جبال
رحلت من العذاب وما وقفت إلا على جالك
علامك كل ما جيت متواضع جيتني تغتال
معاك إلين متى بصبر وصبري معك يحلالك
مثل ما اقبلت لعيونك لزوم تلدني باقبال
ومثل ما حشمتك حس..واحشم قلبي أشوالك
أنا محدن مجابرني أساير هــــــــذا المنوال معك
تراني لاني لك ولاني بأصغر عيالــــــــــــــــــــــــك
أنا جيتك أعشقك نبض ومشاعر ما أعشقك تمثال
أنا جيت أسكنك وأحيابك وأبقى فيك وأبقالك
أنا جيت بظمى عاشق تعب يطرد سراب الال
أنا جيت أستفز رضاك من فرقاك والجألك
أنا ما همت بك عاقل أنا كنت أعشقك بخبال
أنا ما كنت أحبك حي أنا كنت أعشقك هالك
شعر: حامد زيد
العرض العادي
