بسم الله الرحمن الرحيم
السلام عليكم ورحمة الله وبركاته......
اخواني واخواتي اعضاء منتدي الود انا اريد السفر الى امريكا وبالتحديد الى ولاية كلورادو للدراسة فمن لديه معلومات عن هذه الولاية بشكل عام يخبرني عنها فأنا ليس لدي اي معلومات اريد منكم الرد باسرع وقت ممكن لان معد رحلتي ان شاء الله يوم الاحد واكون شاكرا لكم .
هـذا منتـدى سفـر و سيـاحة .. يعني المعلومات أغلبها راح يستفيـد منها واحد .. بيسـافـر سيـاحة .. وبيجلس شهر شهرين ثلاثة مو أكثر
عشـان كـذا ..
روح لمنتديات الطلبة المبتعثين ..
راح يعطونك التفاصيل عن ولاية كلورادو
بالتفصيل الممل .. بمـا أنك راح تسكن هذي الولاية وتعيش فيها ... و راح تشوف مواضيع طلبة موجودين هناك .. راح يفيدونك بتجاربهم .. من إقلاع الطائرة من السعودية حتى مطار واشنطن دي سي أو نيويورك .... وراح يعلمونك على الأبليكشـن الي تعبيـه قبل ما توصل مطار واشنطن دي سي بساعة أو ساعتين ..
أتمنى منك تنتبـه له الشغلة ... خصوصاً إذا ما كنت تجيد الإنجليـش .. عشان ما تتـوهق
راح تحتاج .. معلومات مثل السكن في الجامعة أو المعهد أو العائلة .. ومثل المعلومات عن المواصلات .. البـاص ... وكم سعر التـذاكر .. حيث أن هناك تـذاكـر شهـرية وتـذاكر يـومية
وكيف تستخرج رخصة قيادة لو حبيت .. و كيف تستخرج بطاقة الإئتمان .. و عن نـوادي الطلبة السعوديين وموقعها في الولاية ... وعن أفضل البنوك الي ممكن تتعامل معها .. وأفضل شركات الهاتف وأفضل شركات الإنترنت .. وعن الضـرائب .. وفواتير الكهرباء والماء ... و الإجراءات الي تسويها أول ما توصل لواشنطن دي سي .. كيف ترتب مع الملحقية بحيث أنهم يرسلون من يستقبلك .. وعن أفضل الفنادق الي ممكن تسكن فيها في أول اسبوع .. و الأوراق الهامة الي لازم تأخذها معك مثل شهادات الثانوية وشهادة التطعيم وصور الجواز .. وغيرها معلومات كثير كثير
يعني معلومات كثيرة ما راح تحصلها في منتديات السفر والسياحة .. لأن السـائح لا يهتم بهـذه التفـاصيل الدقيقـة التي يهتم لها من سوف يعيش في الولاية خمس سنوات أو ثلاث أو سنة حتى ...
عموماً هي مدينة جميلة و يمكن من أكثر الولايات المليانة طلبة سعوديين في أمريكا
وهي ولاية جميلة جداً جداً ... بس الله يعينك على بردها ..
عموماً لو أردت التـواصـل معي للحصـول على معلومات أكثر .. أتمنى منك تفعيل رسائل الخـاصة .. حتى يتسـنى لي مراسلتك بكل ما تحتاجه .. والله يوفقك ..يارب
ارجوا الرد على هذا الموضوع بجدية
اخواني واخواتي اعضاء منتدي الود انا اريد السفر الى امريكا وبالتحديد الى ولاية كلورادو للدراسة فمن لديه معلومات
عن هذه الولاية بشكل عام يخبرني عنها فأنا ليس لدي اي معلومات اريد منكم الرد باسرع وقت ممكن لان معد رحلتي ان شاء الله يوم الاحد
واكون شاكرا لكم .
العرض العادي
