ابيات للمبدع / فهد عافت ((روووعه))

راح خلي · 22-05-2003, 09:55 AM

السلام عليكم ورحمة الله وبركاته 00

-- أعزائي أعضاء (( صفوة الشعر )) .. للجميع مني التحيه مشرفين وكتاب وأعضاء وزاور ..

--(( فهــد .. عــافت )) ..!!؟

-- ومختارات من أجمل أبيات هذا المبدع ..

-- لن أزيد .. وماذا ساأزيد ..!!؟ يكفي أنه فهـد عافـت ..!!

-- والآن مـع هـذه المقاطـع ..

ــــــــــــ ــــــــــــ ــــــــــــ ــــــــــــ ــــــــــــ

نادت مشاري , صاحوا الخلق : لبيه
....................... من زينها .. كل الخلايق مشاري ..!!

ــــــــــــ ــــــــــــ ــــــــــــ ــــــــــــ ــــــــــــ

أخافك تواعدني ولاتوفي الميعاد
....................... وأخافك تواعدني وتوفي مواعيدك
لاأنك إذا أخلفت , مات الهوى ببعاد
....................... ولاأنك إذا أوفيت مات الهوى بيدك

ــــــــــــ ــــــــــــ ــــــــــــ ــــــــــــ ــــــــــــ

أحبك كثر ماأحبك ..
أحبك وأكره الإملاء ..
هو العشق :
إحتمالات التطاول في البناء (( قبل الألف ))
منح النفسج فرصته للركض بعد (( الـــياء )) ..!!

ــــــــــــ ــــــــــــ ــــــــــــ ــــــــــــ ــــــــــــ

كان الفضا أوراق ..
في درج مكتبتي ..
وكنا ثلاث عشاق ..
إنتي .. وأنــا .. وإنتي ..!!

ــــــــــــ ــــــــــــ ــــــــــــ ــــــــــــ ــــــــــــ

دخيلك لاتصلح غلطتك هذا الخطا غالي
.................... رفضت إنك تجيبه من عرفتك لين هو جابك
ومدام أن الزعل مثل الرضا يبقيك في بالي
.......... أنا ماأزعل ولاأرضى منك أنا أزعل عنك وأرضى بك

ــــــــــــ ــــــــــــ ــــــــــــ ــــــــــــ ــــــــــــ

إذا ماإشتقت
في الغربه ..
قل الذكرى : طحين الوقت
واخبز من تبي قربـــه ..!!!

ــــــــــــ ــــــــــــ ــــــــــــ ــــــــــــ ــــــــــــ

ياهل ترى السراب يشوفنا سراب ..!!؟
ياهل ترى هذا بكى غصن ترك حريته في الغاب ..!!؟
ولا صرير الباب ..!!؟
ومن مــن ..!!؟
أو ليــــه ..!!؟
ولمتــــى ..!!؟
تبقى الهقاوى هاربه
ليه أول أحبابي : سؤال مستحيل ..
وآخـر أحبابي : إجابــه كــاذبــه ..!!؟

ــــــــــــ ــــــــــــ ــــــــــــ ــــــــــــ ــــــــــــ

السهر .. ماهو بهذا السهر ... لابعدي
.......... السهر شفني تعرفه , وشفني تزهقه
كل جفن من جفوني غدا : بيت أجودي
.......... لاتقضّب فيه عبدٍ من الليل .. أعتقه ..!!

ــــــــــــ ــــــــــــ ــــــــــــ ــــــــــــ ــــــــــــ

مريم وتضحك يرق الماء ويصفالي زماني
-------- والمكان يطيب والرمان يتكدس هنيا
قلت رحلتنا تبي سكر وترنيمة أغاني
------ جاوبت هات الأغاني وأترك السكر عليا
من شفايفها صباح الخير شكل وطعم ثاني
------- آه لو تدري وش تسوي صباح الخير فيا ،،

اتمنى ان تنال على اعجابكم.......

alhanoof · 22-05-2003, 11:06 AM

اشكرك على اختياراتك الرائعه

شاعر غني عن التعريف ...وناقل ينقل لنا كل ظريف

يعطيك العافيه

سـ جروحي ـيد · 22-05-2003, 01:21 PM

[c]^( راح خلي )^
يعطيكـ العافيه على أختياركـ
الرائع لتلكـ الابيات الجميله
من قصائد المبدع :
فهد عافـت

تحياتي لكـ(سيد جروحي)[/c]

راح خلي · 26-05-2003, 07:51 PM

الاخت / alhanoof

اشكر لك تواصلك المستمر....ويعطيك 1000 عافيه

سـ جروحي ـيد /

اشكر لك مرورك وتفضلك بالرد.....

wed848 · 27-05-2003, 12:06 AM

الأخ العزيز00 راح خلي000

الله يعطيك العافيه على باقه هالورد الزكيه00

وعساك عالقووووووه0

أختك:ود848

مسعد المدلج · 28-05-2003, 08:56 PM

الاخ / راح خلي

وقع اختيارك على مقطتفات شعريه رائعه

للشاعر / فهد عافت الذي ابحر في جنيات الشعر

وغاص في بحره

اشكرك على اختيارك هذى

تقبل احترامي

أسير حبك · 06-06-2003, 12:02 AM

رووووووووووووووووووووعه

والله كلك ذوق

الله يعطيك العافيه

راح خلي · 07-06-2003, 11:37 PM

الاخت / wed848

يعافيك ربي ويقويك...

الاخ / مسعد المطيري
الله لا يحرمني من تواصلك...

الاخ / أسير حبك

انت اللي رووووعه...وحياك الله في المنتدى....