اترككم مع هذة الابيات الرائعه
التي اتمنى من كل شخص يمر بلحظة
ضعف او انكسار ان يتذكر ابيات هذة القصيده
لوخسرتك ماخسـرت العمـر.. والدنيـا متـاع
وأدري أني لو خسرتـك ماخسـرت.. إلا قليـل
بس فكر زين تعرف مـن خسـر فينـا وضـاع
وتعرف إنك لو تلـف الأرض .. وتـدور بديـل
والله إن تبطـي ولـو لفيـت كــل البـقـاع
ولو تسوي وش تسوي ماأنت لاقي لـي مثيـل
وين تلقى مثل شخصي شخص..وطباعي طبـاع
وين تلقي مثل قلبـي قلـب .. أو مثلـي خليـل
البشر واجد .. نعم .. لكـن فـرق الانطبـاع.
يجعلـك يمـي تميـل .. ويـم غيـري ماتميـل
يارفيقي .. انتبـه .. واحسـن إلـي الاستمـاع
للمواقف دور في كشـف المزيـف .. والأصيـل
وأنت ماقصـرت فينـي موقفـك جـداً شجـاع
طعنتـك فـي الظهـر كانـت إثبـات ودلـيـل
بيض الله وجهك اللـي ساتـره تحـت القنـاع
ورايتك بيضا معـاي وياعسـى عمـرك طويـل
يعني أعطيـك الثقـة وتردهـا ب"لوي"الـذراع
ياخي ماشاء الله عليك أبدعت فـي رد الجميـل
مدري كيف أشكرك! مدري كيف أرد الصاع صاع
كنت أحسب أنك عزيـز النفـس تطلـع لي ذليـل
كم وأنا عييـت أصـدق فيـك قـدر المستطـاع
من غبائي كنت أسكت وأعذرك .. وأثر الحصيل
جـرح قلـبٍ ميزتـه فـي كـل يـوم الاتسـاع
ودمع عين" ينهمر من ضيقتـي فـي كـل ليـل
والله إنـي كنـت أحبـك حـب وأتبعـك إتبـاع
كنت لأجل أرضي غرورك بس أسوي المستحيـل
كنت أعمـى فيـك .. لا.. لا .. ميـت للنخـاع
كنت مدري كيف؟ لكن كنت صـادق معـك حيـل
كنت أمارس في غرامي لك سياسـة الانصيـاع
وكنت لاغـي معـك فكـرة أعتـزل او أستقيـل
اندفعـت بكـل مافينـي .. وسـوء الانـدفـاع
يجبـر الإنسـان أحيـانـاً يفـكـر بالرحـيـل
صدمتي فيـك إنـت .. خلتنـي أفكـر باقتنـاع
إن قتل النفـس راحـة لـو أنـا كنـت القتيـل
انفجر راسـي مـن التفكيـر.. وازداد الصـداع
كيف أنا بفتك من جروحك ودوشـة "قـال قيـل"
صرت سيرة في حلوق الناس.. وتالي هالضيـاع"
انتحـر معقـول ! يـاالله وش هـذا الغلـيـل
رحمتك يارب لامـن ضاقـت امنحنـي وسـاع
أنت حسبي في الزمـان الجايـر ونعـم الوكيـل
لا غدى "مستقبلي والماضـي" أطـراف النـزاع
وصفحة الماضي سواد وشئ مـن هـذا القبيـل
فلازم انسى لجل أنهي بداخلـي هـذا الصـراع
ولازم أتقوى .. عشان أحقـق النصـر الجليـل
وطالمـا إن الهجـوم أفضـل وسيلـة للـدفـاع
مستحيل أرضخ لـو أن الحمـل ياربعـي ثقيـل
والبخيل اللـي نسانـي واشتـري فينـي وبـاع
يذ لـف الله لا يــرده والله بجـرحـي كفـيـل
وإن سـأل عنـي وجاكـم بعـد فتـرة انقطـاع
علموه أنـي نسيتـه بـس أنـا مانـي بخيـل
طالما كان السبب فـي قوتـي .. قبـل الـوداع
وبلغـوه أقـل شـئ بخالـص الشكـر الجزيـل
منـــــــقــــــوله
العرض العادي
