مع قرب عيد الأم..وانتهاء إجازة الشياطين..وسرعة نقل الدم إلى الشرايين..ولكل مختال فخور أقدم اجمل التهاني والتبريكات لصاحب السمو المصرقع:الصعب بالحيل بمناسبةالترقيه و مولودته الجديده حـــصـــه <<سياره ماهي مولوده :D ..عسى الله ان يتغمدها في فسيح جناته وان يصبر اهلها وذويها << مايعرف يطلع اشاعات ...
كما عوتكم يالمصرقعين بالمصاله الزايده..والملاغه الحايسه..اقدم لكم هذه الخنبقه<< ماتعرف تاكل تبن هذا اول موضوع لك خخخ... عسى ان يتم القبض على الارهابيين والارهابيات (شذى الورح) لاتسالوني ليه حسيت اسمها مناسب مع الارهاب خخخ ...
.......................................
في أحد الليالي المحششه تحشيشيا يصعب على الاستاذ ان يعالجها وعلى الطبيب ان يعلمها..قررت أني اطلع البر مع الشباب..ماسألتووني ليه اروح ابي اروح البر!!واقوول لجواب بكل صدر ملياان بالمصاله اني خكري!!..نعم خكري وبكل فخر واللي في راسه حبن ماطحن يطلع عنا منتدى العامه واكفخه <<قلبها هواش
..حتى من زود اني خكري لاسالني احد من انت ولده اقووله مـيــري كـريــســمــس :D ....
.......................................
وهذي سالفه تثبت لكم اني خكرري..اذكر مره قال الوالد يالله عيال تجهزو بنروح اسواق الراشد بعد شوي نشووف ملابس شتويه..جيت انا قلت يبه الراشد في دورات مياه!!قال لا ..قلت زيين قلتلي يبه عشان اجيب معي حفاظات..لاجتن ي أأح ولا أأيح وش اسوي ..ومامداني اكمل كلامي الا الزبيريه جايه تمشي مليووون(قبل لاكمل الزبيريه وهي في طريقها بوجهي لقيت تحت صرصور ميت لا ومسوي فيها مملوح قاط القذله على جنب )... طــح طيـــح طـــن <<صوت الزبيريه لحظة ارتطامها بوجهي ... الضربه على فكره في خشمي الجهه اليسرى ..وطحت على الارض مغمي علي بس اذكر اخر كلمه سمعت ابوي يقول حرررام الزبيريه اختربت <<خايف على الزبيريه الطعس :) ....
.......................................
المهم صحيت من الاغماء والقى روحي في فراشي وفووق راسي كتله سوودا كبيره..واصااارخ يـــمـــه يـــمـــه يـــمـــه شيلي كيس الزباله عن راسي ... شوي الا وتتحرك الكتله السودا وتتضح معالمها طلعت اختي وواضح عليها انها بتكفخني..قلت لها محاولا التلفيق سوسه (اسم اختي ) حلمت حلم قبل شووي والله كان يخووف وشفت شي اسود..ماوعيت الا بقس من اختي يمشي مليون <<قايس السرعه ...وبالضبط في نفس مكان ضربة زبيرية ابوي في خشمي ...واستثار غضبي وقمت عليها وامسكها من كشتها وادورها باهوا حركه دورانيه وهي تقوولي يااخبل وخر يدك عن شعري لاتنجرح.. وانا ماعندي مكمل ..وانا جالس ادورها في الهوا لمحت صرصور مار من جنبي وضحك ويقوول يــاخــكري واعصب واهد اختي فجأاه وتلصق خشتها في المرايه..والحق الصرصور وانا اركض الا صرصور ثااني مر من عندي قال ياااي ياحلوو ...قلت لحوول اثري مشهور عند الصراصير قلت ياولد صرصور في اليد ولا عشره في الجحر : <<ذكي.. المهم واكمل ملاحق الين لقا له جحر تخبى فيه..نزلت رسي في الجحر قلت اطلع يالدلــــخ الا جتني منه تفاله (نخامه وفي روايه سعبوله لزجه ) وباضبط في خشمي نفس مكان زبيرية ابووي وبقس اختي ..عاد انا عصبت << احلف..صررخت اطلع يامنسم ..رد الصرصور علي المنسم اللي جابته امك انا اسمي فـرانــسـيـس..قلت من زينك يسمونك اهلك فرانسيس لا ومستحلي عمرك لابس جنز..قالي احسن منك يابو خشم معكووف...المهم قلت هااااه خـشــ خـشــ خشمي معكووف لحوول طاح الشرف << كل تبن .. :D
.......................................
معــانــاهــ
الوكاد اني ماصدقت الصرصور..قلت لازم اتاكد بنفسي...رحت للمرايه بغرفتي لقيتها منكسره من جراء لوحتي لأختي عليها .. (على فكره المرايه اكسرت هي ماجاها شي )...جت في بالي خطه جهنميه .. اللي هي اجيب سطل كبير واعبيه مويه (ماااي ) واشوف انعكاس خشتي عليه..والله هممت بتنفيذ الخطه وجبت السطل ورحت المطبخ وافتح الصنبور ماافيه مويه خلصت ..<<وش هالبيت مافيه الا مرايه وحده ولا مويه ;) ....قلت مالي الا اروح البقاله..والله واروح وادخل ..واخذ المرايه قلت للهندي بكم قالي خمسه ..قلت خمس ثيران تسدحك هنا ..قل مافيه بابا هادا سهر حق مرايه (قصده هذا السعرر تبي ولا تقلع) .. قلت طيب هات بكت ملبورو ابيض ..ومامداه ملتفت يجيب البكت الا انا هربت بكل مااوتيت من مصاله..لكنه لحقني وابن اللذينا سريع ..اخوكم ذيب << ..وقفت جا عندي يحاول ياخذها من يدي عااد هو قزم وانا طوويل.. فررفعت المرايه بيدي لفووق.. عاد هو يقول بابا انا في خساره هات مرايه..وهو رافع راسه فووق وينقز يبي يلقطها الا جبته برفسه في الموقع الحساس وتسدح فوليت هاربا :thumbup: .....
.......................................
دخلت البيت..يووم مريت على الصاله..لقيت ابووي جالس يتيملح على امي الظاهر:D ..قربت لمهم قلت وش عنكم اليووم هاااه : .. عاد ابووي في لحظتها حاط يده على كرشته((تعرفون بعد الغدا)) اللهم لاشماته .. ابوي رفع الزبيريه ويلوحها علي.. فما كان مني الا اني تفاديتها بحركه بهلوانيه وامسك الزبيريه وهي بالهوا <<صار عنده مناعه ...وامسك الزبيريه واقلبها واقرب عند امي ..قلت يمه شوفي زوجك مغررم في صيد الصراصير واشيل الصرصو بيدي والوحه على..فما كان منها الا هربت مذعوره من هول مارأت..واقول لابووي يووووه مسكين خربت عليك التميلح..وانحاش لغرفتي في الحال..دخلت الغرفه وقفلت الباب..رحت جلست على السرير وافتح علبة المرايه .. شفت خشمي وقلت وااااعيباااه والله صدق الصرصور تهئ الله يلعن الارهابيين في كل مكاان... يلعن امريكا هي السبب ..وممداني اكمل الا الباب مكسور واشووف ثلاث عساكر وراهم نقيب ...قالو انت مخطط لتفجير مجمع سكني في خريص ..قلت بس ياحظرة النقيب بس مابعد نسوي العمليه انا برئ << اموووت على الرد الذكي ... والله ويقيدوني وهمو بإخراجي من البيت..مريت على الصاله الا اشووف ابوي يناقز فرح ولا يتكلم مايبي العساكر يشوفونه.. انا استغربت ..ويوم شاف العساكر مايشوفونه رفع لي لوحه احسن من قالك تخرب علي التميلح مع اميمتك .. انا اللي مشتكي عليك << عايلة مطراان
.......................................
الـــنــهـــايـــه
سحبووني للشرطه..وفي وهمو بتخيلي الى السجن..ويوم جو بدخلوني للسجن.. كفخ خشمي في الحديد حق الباب وانقطع ..لانكم كما تعلمون انه منعكف يعني لازم يدخلوني على جنب ..واصاااايح يااغبي ماتشووف انت قال انت اللي خشمك ماهو زي العالم..قلت الحين يادلخ وش لوون بطلع الدخان من خشمي هااه..ومن سمع كلا دخلني للسجن برفسه استقرت في مؤخرتي...المهم انهم حكمو علي بالاعدام..ويوم جا اليووم الموعود..اخذوني لساحة القصاص وغطو راسي بخيشه..وجا القصاب مدري النجار المهم هذاك اللي يقطع الروس...قالي تبي تقول شي لاهلك او تصلي لك ركعتين قبل لانشيل راسك..قلت ايه بس شيلو الخيشه شووي..وشالوها واحرك يدي باتجاه مخباي والعساكر وجهو مسدساتهم علي على بالهم بسوي شي..وانا مكمل ولاكاني اسمع واطلع خشمي من مخباااي والعالم تصارخ تحسبه c4 (قنبله) << من كبره.. وابووس خشمي بوسة الوداع والعالم على بالهم بفجر المكاان ويرشووني العساكر بأسلحتهم ..واطيح على الارض وخشمي ماسكه بكل مااوتيت من قوه.. الا ان طيحتي قويه وفلت خشمي من يدي بضع سنتيمترات ..وقد كتب على خشمي مـــــظــــلــــوم بادم << سبوره مو خشم .. وفارقت الحياااه .... انتهى...
7
7
7
اووه نسيت اكمل سالفة البر :D
.......................................
مايستفاد من الموضووع:
1-لازم تاخذ لك شور (تتروش) على الاقل مرره كل شهر <<قذر
2-كل عسكري لحجي وليس كل لحجي عسكري
3-لاتتكلم على ماما امريكا عشان ماتصير ارهابي
العرض العادي
