)
(
)
(
اعذربيني يا بخيله يا بخيله اعذرييني
..... بالجهاله صوريني واظهري فيني الجهل
شتتيني يا عليمه انثريني واجمعيني
..... في دروبك بعثريني واقطعي جسر الأمل
دمع عيني ما ذخرته في غيابك دمع عيني
..... اهجري قلبي وقلبي عن هواكي ما سأل
بالفرح دمعي أسيله لا هجرتينى وديني
.... الكبر خله عشانك شفت أنا بكبرك جبل
احسبيني بالخساره بالخساره احسبيني
..... قلبي الرابح وقلبك ما حسبها بالمهل
لاتقولي قد هويتك لو صدوقه علميني
..... من شرب مر بحياته يخاف من شرب العسل
قطعي ذيك الرساله وارسليها واقطعيني
.... من خيالك لو خيالك من غيابي يحتمل
ما زرعتك في حياتي ومن حياتك احصديني
..... ما لقيتك في سنيني تزرعي كاذي وفل
افهميني يا فهيمه لو بغيتي تسمعيني
...... من رقا روس الحنايا ما عشق مشي السهل
افتحي الذكرى البعيده في ثراها وادفنيني
.... واشطبي اسمي بيدينك واكتبي مات ورحل
العرض العادي
