/
\
/
\
تدري وشاللي جارح القلب يا حمود = فرقى حبيب ما شرح لي ظروفه
قفى ولا عنّه من العام منشود = وخلى السنين الماضيه لي حسوفه
ليته تريث بالسفر ناعم العود = و الا مسح من ذكرياتي وصوفه
ما كان تنزل دمعة العين وتقود = خيالها في عالمي دون أشوفه
يطري علي عصير لا نسنس النود = الصاحب اللي كن هرجه مروفه
ويقبل علي في حلم ويروح ويعود = وأقوم وارحب ونفسي شغوفه
ويطري بعد لا قل في جهدي الفود = من الحياة اللي شقاها تلوفه
والا مع نوح الحمامه على العود = وصاحبتها صوت تحزن حروفه
تدبر بي الأيام وتقبل بي جحود = ويلعب بي الهوجاس بعالي سنوفه
متى على الله يقبل الزين ويعود = ويقوم حظ ويعتدل في وقوفه
و لا صار ما هانت تعود من الزود = قولوا لها شوقي تحول معوفه
/
\
/
\
شـــعـــــــــر .. الاســـــــــــــطــوري
العرض الشجري
