*,’ زوايا المطارات /حمد البريدي’,*

[ملكة الرومنس]

لاغابت الشمس وطرا فايت فات
تزلزلت باقي عروش المحاني

الضيقه الي تحشر الجوف بسكات
اكنها لايدري الي وزاني

مااقسى على نفسي سوى بعض الاوقات
اليا صدم صبري بقايا الاماني

ودخلت في غيبوبة الاعتقادات
وبديت احس اني افارق مكاني

وقامك سجين الصدر ياخذ تنهات
وفكيت ازارير الشعور وخذاني

واسترجع الخافق قديم المحطات
ارشيف يعرض لي شضايا زماني

رحله من التفكير فيك انت بذات
تؤدي لفتل الجروح بثواني

اشتقت لك واشتقت ذيك الزيارات
وبحر العيون الي بليا مواني

حتى دموعك في زويايا المطارات
ماكنت اظن بيوم تبكي عشاني

والحين عند الحين صمت العبارات
استوحش ان مريت ذيك المباني

كنا وكانت في زمنا حكايات
مدري خذاك الوقت ولا خذاني

استسمحك وان طال بعدي سهالات
انا الوحيد الي بحبك اناني

مع ان وصلك سابع المستحيلات
عسفت لعيون المواصل حصاني

وصديت عنك مره وعشر مرات
مااحتلت نسيانك وقلبي نساني

اقوله بسك ترا صاحبك مات
ويقول لا مامت لكن تعاني

اقسى المشاعر في ضياع القرارات
بين العقل والقلب حضي بلاني

مدري انا محتاجك انت بذات
ولا انا بحاجه الى شخص ثاني

[شمس القوايل]

يعطيج العافيه ملكة الرومنس ع الطرح والاختيار الرائع

مجهود مميز عساج ع القوه

ننتظر جديدج القادم

[ملكة الرومنس]

كل الشكر لتواجدك الغالي شمس القوايل والمميز هنا
ودي وتقديري