تذكرين ؟؟!!!!!

[صدى من غير صوت]

أبسألك... ياللي نسيتي حلم... عاشته السنين وقبل أنا أسأل تذكرين ؟؟!!! يوم كنا صغار.. دايم مع بعض ما أبتعد.. و إنتِ بعد ما تبعدين وحتى إلى منا لعبنا.. ما يفرقنا تعبنا تذكرين... يوم ما نلعب سوى هاللعبتين يا أنا أسبق و إنتِ اللي تلحقين و تتتعبين.. و تجلسين يا أنا ألحق و إنتِ اللي تسبقين و لا مسكتك.. تزعلين و ترفضين و تحلفين إنك أبد ما تلعبين و لا تحيلتك رضيتي وكن توك ما عصيتي.. و تندمين تذكرين ؟؟!!!!! يوم أرسم قلب و أرسم عين تذرف دمعتين و تسألين.. وش أنا أقصد من ورى هالرسمتين.. و لا نظرتك تضحكين.. و كنك إنسانة أبد ما تفهمين و لا شرحتلك و فكيت الرموز اللي تبين تستحين.. و تمسحين.. و تبعدين و لا دريتي إن يمي... تقربين وترجعين.. و ترسمين و تكتبين اسمي مع اسمك بين قوسين.. و هلال.. و نجمتين و لا سألتك ليه رسمك للهلال... وليه رسم النجمتين ؟؟ تجاوبين إن هذا... هو شعار المغرمين و تكملين هذا هو رمز السهر معنى الصبر ويمر يوم.. اثنين... شهر.. شهرين و دهر.. يعني عمر... و الحاصل إنك تكبرين تذكرين.. و تذكرين... و تذكرين ؟؟!!!!! مستحيل إنك نسيتي.. بعد ما كلي خذيتي مستحيل... مستحيل اللي بنيته تهدمين و إنتِ تعرفيني زين... المهم إني أبي أسأل.. و بدون ما تفكرين و السؤال اللي أبي أسأل.. مجرد كلمتين وهي... تبين.. أو ما تبين ؟؟!!!!! و لو سمحتي... الجواب اللي أبي منك نعم... أو ترفضين بس شي واحد بقى... أرجوك لا.. لا تسكتين !!! صدددددى من غير صوووووت